Бугунги кунда мазкур марказга юртимизнинг турли ҳудудларидан ҳамда хорижий давлатлардан ташриф буюраётган меҳмонлар сони тобора ортиб бормоқда. Марказда яратилган замонавий шарт-шароитлар, бой экспозициялар, нодир қўлёзмалар ва илмий мерос намуналари меҳмонларда катта қизиқиш уйғотмоқда. Айниқса, Қуръони карим зали, Ислом тамаддуни ривожига улкан ҳисса қўшган юртдош алломаларимизнинг ҳаёти ва фаолияти ҳақидаги маълумотлар ташриф буюрувчиларда чуқур таассурот қолдирмоқда.

Маънавий-маърифий ишлар самарадорлигини янада ошириш мақсадида мамлакатимизда фаолият олиб бораётган имом-хатибларнинг Ислом цивилизацияси маркази билан яқиндан танишишлари юзасидан алоҳида режа ишлаб чиқилган. Ушбу режа асосида жойларда хизмат қилаётган диний  соҳа ходимлари марказ фаолияти, унда амалга оширилаётган илмий тадқиқотлар ҳамда экспозициялар билан бевосита танишиб бормоқдалар.

Ана шу ташрифлар доирасида бугун Фарғона вилоятининг Қува, Тошлоқ, Риштон ва Фурқат туманлари имом-хатиблари Ислом цивилизацияси марказида бўлдилар. Ташриф давомида улар марказдаги тарихий экспонатлар, замонавий мультимедиа лойиҳалари, буюк аждодларимиз ҳаёти ва меросига бағишланган бўлимлар ҳамда марказнинг асосий фаолият йўналишлари билан яқиндан танишдилар.

Имом-хатиблар марказда амалга оширилаётган кенг кўламли ишлар юртимизда маърифий ислом ғояларини тарғиб қилиш, ёш авлодни миллий ва диний қадриятларга ҳурмат руҳида тарбиялаш ҳамда халқимизнинг бой илмий меросини кенг жамоатчиликка етказишда муҳим аҳамият касб этишини таъкидладилар.

Белгиланган режага мувофиқ, Фарғона вилоятининг бошқа шаҳар ва туманларида фаолият юритаётган имом-хатибларнинг ҳам Ислом цивилизацияси марказига ташрифлари босқичма-босқич давом эттирилади. Бу эса диний соҳа вакилларининг илмий-маърифий салоҳиятини янада ошириш, уларнинг маънавий-маърифий фаолияти самарадорлигини кучайтиришга хизмат қилади.

Фарғона вилояти вакиллиги Матбуот хизмати

***

O‘zbekistonda barpo etilgan Islom sivilizatsiyasi markazi nafaqat mamlakatimiz, balki butun musulmon olami va xalqaro jamoatchilik e’tiborini qozonayotgan noyob ilmiy-ma’rifiy maskanlardan biri hisoblanadi.

Bugungi kunda mazkur markazga yurtimizning turli hududlaridan hamda xorijiy davlatlardan tashrif buyurayotgan mehmonlar soni tobora ortib bormoqda. Markazda yaratilgan zamonaviy shart-sharoitlar, boy ekspozitsiyalar, nodir qo‘lyozmalar va ilmiy meros namunalari mehmonlarda katta qiziqish uyg‘otmoqda. Ayniqsa, Qur’oni karim zali, Islom tamadduni rivojiga ulkan hissa qo‘shgan yurtdosh allomalarimizning hayoti va faoliyati haqidagi ma’lumotlar tashrif buyuruvchilarda chuqur taassurot qoldirmoqda.

Ma’naviy-ma’rifiy ishlar samaradorligini yanada oshirish maqsadida mamlakatimizda faoliyat olib borayotgan imom-xatiblarning Islom sivilizatsiyasi markazi bilan yaqindan tanishishlari yuzasidan alohida reja ishlab chiqilgan. Ushbu reja asosida joylarda xizmat qilayotgan diniy  soha xodimlari markaz faoliyati, unda amalga oshirilayotgan ilmiy tadqiqotlar hamda ekspozitsiyalar bilan bevosita tanishib bormoqdalar.

Ana shu tashriflar doirasida bugun Farg‘ona viloyatining Quva, Toshloq, Rishton va Furqat tumanlari imom-xatiblari Islom sivilizatsiyasi markazida bo‘ldilar. Tashrif davomida ular markazdagi tarixiy eksponatlar, zamonaviy multimedia loyihalari, buyuk ajdodlarimiz hayoti va merosiga bag‘ishlangan bo‘limlar hamda markazning asosiy faoliyat yo‘nalishlari bilan yaqindan tanishdilar.

Imom-xatiblar markazda amalga oshirilayotgan keng ko‘lamli ishlar yurtimizda ma’rifiy islom g‘oyalarini targ‘ib qilish, yosh avlodni milliy va diniy qadriyatlarga hurmat ruhida tarbiyalash hamda xalqimizning boy ilmiy merosini keng jamoatchilikka yetkazishda muhim ahamiyat kasb etishini ta’kidladilar.

Belgilangan rejaga muvofiq, Farg‘ona viloyatining boshqa shahar va tumanlarida faoliyat yuritayotgan imom-xatiblarning ham Islom sivilizatsiyasi markaziga tashriflari bosqichma-bosqich davom ettiriladi. Bu esa diniy soha vakillarining ilmiy-ma’rifiy salohiyatini yanada oshirish, ularning ma’naviy-ma’rifiy faoliyati samaradorligini kuchaytirishga xizmat qiladi.

Farg‘ona viloyati vakilligi Matbuot xizmati

Мазкур тадбирларда Президент Администрацияси Диний-маърифий масалалар бўйича департаменти бошлиғи Музаффар Камилов, Ўзбекистон мусулмонлари идораси раисининг биринчи ўринбосари Ҳомиджон Ишматбеков, Дин ишлари бўйича қўмита раисининг биринчи ўринбосари Давронбек Махсудов ҳамда Ўзбекистондаги Ислом цивилизацияси маркази директори Фирдавс Абдухолиқов иштирок этиб, бўлажак ҳожилар билан самимий мулоқотлар қилишмоқда.

Бугун, 18 май куни “Президент ҳожилари” учун муборак сафар олдидан Ўзбекистондаги Ислом цивилизацияси маркази яқинидаги “Фаровон” меҳмонхонасида гўзал маърифий суҳбат ўтказилди. Учрашувда Ҳаж ибодатига тайёргарлик, сафар давомида эътибор қаратиш лозим бўлган ташкилий ва шаръий жиҳатларни тушунтириш билан бирга улуғ амални бажаришда қулай бўлган махсус либос, сумка ва зарур қўлланмалар тақдим этилди.

Шундан сўнг Ўзбекистондаги Ислом цивилизацияси марказига махсус саёҳат ташкил этилди. Унда зиёратчилар марказ фаолияти, бу ерда сақланаётган нодир экспонатлар, қадимий қўлёзмалар ҳамда замонавий технологиялар имкониятлари билан яқиндан танишди.

Улуғвор мажмуа бўйлаб уюштирилган саёҳат ва юксак даражадаги эътибордан мамнун бўлган бўлажак ҳожилар мамлакатимизда Ватан ривожи учун ҳисса қўшаётган инсонларга кўрсатилаётган ғамхўрлик, илм олиш ва ибодатларни адо этиш учун қилинган шароитлар ҳамда диний-маърифий соҳадаги кўламли ислоҳотларни алоҳида эътироф этдилар.

Бундай юксак эҳтиром ва шароитлар учун зиёратчилар мутасаддилар орқали Давлат Раҳбарига ўзларининг дил сўзлари ва миннатдорликларини изҳор этиб, эл-юрт тинчлиги, фаровонлиги учун хайрли дуолар қилишди.

***

Xabar berganimizdek, shu kunlarda yurtimizda “Haj – 2026” mavsumi ziyoratchilarini muborak diyorga kuzatish ishlari yuqori saviyada qizg‘in davom etmoqda. E’tiborlisi, bu yil el-yurt koriga yarayotgan, fidoiy va jonkuyar vatandoshlarimizdan iborat 100 nafar “Prezident hojisi” davlatimiz tomonidan alohida ehtirom bilan muqaddas safarga yuborilmoqda.

Mazkur tadbirlarda Prezident Administratsiyasi Diniy-ma’rifiy masalalar bo‘yicha departamenti boshlig‘i Muzaffar Kamilov, O‘zbekiston musulmonlari idorasi raisining birinchi o‘rinbosari Homidjon Ishmatbekov, Din ishlari bo‘yicha qo‘mita raisining birinchi o‘rinbosari Davronbek Maxsudov hamda O‘zbekistondagi Islom sivilizatsiyasi markazi direktori Firdavs Abduxoliqov ishtirok etib, bo‘lajak hojilar bilan samimiy muloqotlar qilishmoqda.

Bugun, 18 may kuni “Prezident hojilari” uchun muborak safar oldidan O‘zbekistondagi Islom sivilizatsiyasi markazi yaqinidagi “Farovon” mehmonxonasida go‘zal ma’rifiy suhbat o‘tkazildi. Uchrashuvda Haj ibodatiga tayyorgarlik, safar davomida e’tibor qaratish lozim bo‘lgan tashkiliy va shar’iy jihatlarni tushuntirish bilan birga ulug‘ amalni bajarishda qulay bo‘lgan maxsus libos, sumka va zarur qo‘llanmalar taqdim etildi.

Shundan so‘ng O‘zbekistondagi Islom sivilizatsiyasi markaziga maxsus sayohat tashkil etildi. Unda ziyoratchilar markaz faoliyati, bu yerda saqlanayotgan nodir eksponatlar, qadimiy qo‘lyozmalar hamda zamonaviy texnologiyalar imkoniyatlari bilan yaqindan tanishdi.

Ulug‘vor majmua bo‘ylab uyushtirilgan sayohat va yuksak darajadagi e’tibordan mamnun bo‘lgan bo‘lajak hojilar mamlakatimizda Vatan rivoji uchun hissa qo‘shayotgan insonlarga ko‘rsatilayotgan g‘amxo‘rlik, ilm olish va ibodatlarni ado etish uchun qilingan sharoitlar hamda diniy-ma’rifiy sohadagi ko‘lamli islohotlarni alohida e’tirof etdilar.

Bunday yuksak ehtirom va sharoitlar uchun ziyoratchilar mutasaddilar orqali Davlat Rahbariga o‘zlarining dil so‘zlari va minnatdorliklarini izhor etib, el-yurt tinchligi, farovonligi uchun xayrli duolar qilishdi.

Тантанали тақдирлаш маросимида Гиннеснинг Рекордлар китоби ташкилотининг расмий вакили — судья Шейда Субаси иштирок этиб, Марказ барча белгиланган халқаро мезон ва стандартларга тўлиқ жавоб беришини тасдиқлади.

Ўзбекистондаги Ислом цивилизацияси маркази — бу кенг қамровли илмий-маърифий ва музей мажмуаси бўлиб, у Ўзбекистон Республикаси Президенти Шавкат Мирзиёевнинг ташаббуси билан амалга оширилган йирик стратегик мегалойиҳа ҳисобланади. Мазкур Марказ “Янги Ўзбекистон”нинг ўзига хос платформаси сифатида илм-фан салоҳияти, бой маданий мерос ва замонавий технологияларни ягона маконда уйғунлаштиришга қаратилган.

Лойиҳа давлат раҳбарининг мамлакатнинг янги гуманитар қиёфасини шакллантириш, миллий ўзликни мустаҳкамлаш ва Ўзбекистонни жаҳон миқёсида ислом цивилизациясининг муҳим марказларидан бири сифатида илгари суришга қаратилган узоқ муддатли стратегиясини акс эттиради.

Бугунги кунда Марказ минтақанинг энг кўп ташриф буюриладиган илмий-маданий масканларидан бирига айланган бўлиб, ҳар куни ўртача 5 000 нафарга яқин ташрифчи қабул қилмоқда. Бу эса унинг аҳоли ва хорижий меҳмонлар орасида катта қизиқиш уйғотаётганини кўрсатади.

Марказ илк кунларданоқ янги турдаги илмий-маданий ва маърифий мажмуа сифатида концепция қилинган. Унда тарихий мерос ва замонавий мультимедиа технологиялари уйғунлашган ҳолда тақдим этилган. Экспозиция “Цивилизациялар, Шахслар, Кашфиётлар” тамойили асосида тузилган бўлиб, минтақанинг энг қадимги даврларидан тортиб, илм-фан юксалиши ва замонавий босқичигача бўлган тараққиёт изчил ёритиб берилади.

Марказ тузилмасида Қуръони карим зали алоҳида ўрин тутади. Унда Усмон Мусҳафи деб номланувчи энг қадимий қўлёзмалардан бири намойиш этилган бўлиб, у ЮНЕСКОнинг “Жаҳон хотираси” реестрига киритилган. Бу ноёб асар нафақат ислом цивилизациясининг беқиёс ёдгорлиги, балки илмий-тадқиқот ва маърифий фаолиятни бирлаштирувчи муҳим маънавий марказ сифатида ҳам катта аҳамиятга эга.

Марказ концепциясининг ўзига хослиги уни музей, илмий тадқиқот инфратузилмаси ва таълим муҳитини бирлаштирган илк намунага айлантириб, жаҳон музейчилик амалиётида янги босқични белгиламоқда.

Ушбу рекордга эришиш кўп ойлик тизимли иш натижаси бўлиб, музей параметрларини тасдиқлаш, тўлиқ ҳужжатлар тайёрлаш ва мустақил халқаро экспертлар иштирокида кўп босқичли верификация жараёнларини ўз ичига олди.

Музей коллекциясини шакллантиришда археология, нумизматика, тўқимачилик ва қўлёзмалар соҳасидаги етакчи халқаро мутахассислар иштирок этди. Бу эса экспозициянинг юқори илмий ва музей даражасини таъминлади.

Гиннеснинг Рекордлар китоби унвонининг берилиши нафақат Марказ кўламининг эътирофи, балки ушбу лойиҳани амалга оширишда иштирок этган юзлаб олимлар, мутахассислар ва экспертлар меҳнатига берилган юксак баҳодир.

Судья Шейда Субаси Марказ фаолиятини юқори баҳолаб, қуйидагиларни таъкидлади:

-Ўзбекистондаги Ислом цивилизацияси маркази тарихий меросни замонавий музей технологиялари билан уйғунлаштиришнинг ноёб намунасидир. Лойиҳанинг кўлами, концептуал яхлитлиги ва амалга ошириш даражаси Гиннеснинг Рекордлар китоби мезонларига тўлиқ жавоб беради. Бу шунчаки энг йирик музей эмас — балки маданиятлар мулоқоти ва билимларни келажак авлодларга етказиш учун замонавий платформа ҳисобланади.

Ушбу рекорд Ўзбекистоннинг ислом илми, маданияти ва маърифатининг муҳим тарихий марказларидан бири эканини яна бир бор тасдиқлайди. Шу билан бирга, мамлакатнинг цивилизациялар мулоқоти, бағрикенглик ва маданий хилма-хиллик тамойилларига асосланган замонавий халқаро майдон сифатидаги нуфузини мустаҳкамлайди.

Гиннеснинг Рекордлар китоби мақомини қўлга киритиш Марказнинг дунёдаги энг йирик шундай музей сифатидаги ўрнини мустаҳкамлаб, уни интеллектуал меросни ўрганиш, асраш ва оммалаштириш бўйича етакчи халқаро платформалардан бирига айлантиради.

Келгусида Ўзбекистондаги Ислом цивилизацияси маркази халқаро илмий-маданий майдон сифатида янада ривожланиб, дунёнинг турли мамлакатларидан олим ва мутахассисларни бирлаштиради ҳамда “Янги Ўзбекистон”нинг гуманитар ташаббусларини глобал миқёсда илгари суришда муҳим драйвер бўлиб хизмат қилади.

***

2026 yil 13 aprel kuni O‘zbekistondagi Islom sivilizatsiyasi markaziga “Largest museum of Islamic civilisation” — dunyodagi eng yirik islom sivilizatsiyasi muzeyi nominatsiyasi bo‘yicha Ginnesning Rekordlar kitobi rasmiy rekordi berildi.

Tantanali taqdirlash marosimida Ginnesning Rekordlar kitobi tashkilotining rasmiy vakili — sudya Sheyda Subasi ishtirok etib, Markaz barcha belgilangan xalqaro mezon va standartlarga to‘liq javob berishini tasdiqladi.

O‘zbekistondagi Islom sivilizatsiyasi markazi — bu keng qamrovli ilmiy-maʼrifiy va muzey majmuasi bo‘lib, u O‘zbekiston Respublikasi Prezidenti Shavkat Mirziyoyevning tashabbusi bilan amalga oshirilgan yirik strategik megaloyiha hisoblanadi. Mazkur Markaz “Yangi O‘zbekiston”ning o‘ziga xos platformasi sifatida ilm-fan salohiyati, boy madaniy meros va zamonaviy texnologiyalarni yagona makonda uyg‘unlashtirishga qaratilgan.

Loyiha davlat rahbarining mamlakatning yangi gumanitar qiyofasini shakllantirish, milliy o‘zlikni mustahkamlash va O‘zbekistonni jahon miqyosida islom sivilizatsiyasining muhim markazlaridan biri sifatida ilgari surishga qaratilgan uzoq muddatli strategiyasini aks ettiradi.

Bugungi kunda Markaz mintaqaning eng ko‘p tashrif buyuriladigan ilmiy-madaniy maskanlaridan biriga aylangan bo‘lib, har kuni o‘rtacha 5 000 nafarga yaqin tashrifchi qabul qilmoqda. Bu esa uning aholi va xorijiy mehmonlar orasida katta qiziqish uyg‘otayotganini ko‘rsatadi.

Markaz ilk kunlardanoq yangi turdagi ilmiy-madaniy va maʼrifiy majmua sifatida konsepsiya qilingan. Unda tarixiy meros va zamonaviy multimedia texnologiyalari uyg‘unlashgan holda taqdim etilgan. Ekspozitsiya “Sivilizatsiyalar, Shaxslar, Kashfiyotlar” tamoyili asosida tuzilgan bo‘lib, mintaqaning eng qadimgi davrlaridan tortib, ilm-fan yuksalishi va zamonaviy bosqichigacha bo‘lgan taraqqiyot izchil yoritib beriladi.

Markaz tuzilmasida Qurʼoni karim zali alohida o‘rin tutadi. Unda Usmon Musʼhafi deb nomlanuvchi eng qadimiy qo‘lyozmalardan biri namoyish etilgan bo‘lib, u YUNESKOning “Jahon xotirasi” reyestriga kiritilgan. Bu noyob asar nafaqat islom sivilizatsiyasining beqiyos yodgorligi, balki ilmiy-tadqiqot va maʼrifiy faoliyatni birlashtiruvchi muhim maʼnaviy markaz sifatida ham katta ahamiyatga ega.

Markaz konsepsiyasining o‘ziga xosligi uni muzey, ilmiy tadqiqot infratuzilmasi va taʼlim muhitini birlashtirgan ilk namunaga aylantirib, jahon muzeychilik amaliyotida yangi bosqichni belgilamoqda.

Ushbu rekordga erishish ko‘p oylik tizimli ish natijasi bo‘lib, muzey parametrlarini tasdiqlash, to‘liq hujjatlar tayyorlash va mustaqil xalqaro ekspertlar ishtirokida ko‘p bosqichli verifikatsiya jarayonlarini o‘z ichiga oldi.

Muzey kolleksiyasini shakllantirishda arxeologiya, numizmatika, to‘qimachilik va qo‘lyozmalar sohasidagi yetakchi xalqaro mutaxassislar ishtirok etdi. Bu esa ekspozitsiyaning yuqori ilmiy va muzey darajasini taʼminladi.

Ginnesning Rekordlar kitobi unvonining berilishi nafaqat Markaz ko‘lamining eʼtirofi, balki ushbu loyihani amalga oshirishda ishtirok etgan yuzlab olimlar, mutaxassislar va ekspertlar mehnatiga berilgan yuksak bahodir.

Sudya Sheyda Subasi Markaz faoliyatini yuqori baholab, quyidagilarni taʼkidladi:

-O‘zbekistondagi Islom sivilizatsiyasi markazi tarixiy merosni zamonaviy muzey texnologiyalari bilan uyg‘unlashtirishning noyob namunasidir. Loyihaning ko‘lami, konseptual yaxlitligi va amalga oshirish darajasi Ginnesning Rekordlar kitobi mezonlariga to‘liq javob beradi. Bu shunchaki eng yirik muzey emas — balki madaniyatlar muloqoti va bilimlarni kelajak avlodlarga yetkazish uchun zamonaviy platforma hisoblanadi.

Ushbu rekord O‘zbekistonning islom ilmi, madaniyati va maʼrifatining muhim tarixiy markazlaridan biri ekanini yana bir bor tasdiqlaydi. Shu bilan birga, mamlakatning sivilizatsiyalar muloqoti, bag‘rikenglik va madaniy xilma-xillik tamoyillariga asoslangan zamonaviy xalqaro maydon sifatidagi nufuzini mustahkamlaydi.

Ginnesning Rekordlar kitobi maqomini qo‘lga kiritish Markazning dunyodagi eng yirik shunday muzey sifatidagi o‘rnini mustahkamlab, uni intellektual merosni o‘rganish, asrash va ommalashtirish bo‘yicha yetakchi xalqaro platformalardan biriga aylantiradi.

Kelgusida O‘zbekistondagi Islom sivilizatsiyasi markazi xalqaro ilmiy-madaniy maydon sifatida yanada rivojlanib, dunyoning turli mamlakatlaridan olim va mutaxassislarni birlashtiradi hamda “Yangi O‘zbekiston”ning gumanitar tashabbuslarini global miqyosda ilgari surishda muhim drayver bo‘lib xizmat qiladi.

Шунингдек, ТУРКСОЙ номидан Шавкат Мирзиёев ташаббуси билан чоп этилган “Турк дунёси адабиёти дурдоналари” 100 жилдлик китоблар тўплами ҳам сертификатга сазовор бўлди. Бу каби кенг қамровли нашр турк дунёсида илк бор амалга оширилди ва “дунёдаги энг яхши адабий лойиҳа” сифатида эътироф этилди.

— Бугун биз ТУРКСОЙ  халқаро ташкилоти номидан учта сертификат тақдим этдик. Биринчи сертификатимиз Ўзбекистон Президенти Шавкат Мирзиёев ташаббуси билан чоп этилган “Турк дунёси адабиёти дурдоналари” номли 100 жилдлик китоблар тўпламига берилди. Таъкидлаш жоизки, бу каби кенг қамровли 100 жилдлик нашр ҳозиргача турк дунёсида амалга оширилмаган. Бу, албатта, Ўзбекистоннинг катта ташаббуси бўлди. Бугунги кунда Қозоғистон, Озарбайжон ва Қирғизистон каби давлатлар ҳам ушбу ташаббусни қўллаб-қувватлаб, турли ҳажмдаги — 20, 30, 40, 50 жилдлик китоблар нашр этмоқда. Шунинг учун биз ушбу тўпламни турк дунёсидаги ўзига хос адабий дурдона сифатида эътироф этиб, “дунёдаги энг яхши адабий лойиҳа” деб баҳолаб, сертификат тақдим этдик. Иккинчи сертификат эса Ислом цивилизацияси марказига “Туркий дунёдаги энг яхши музей” номинацияси бўйича берилди. Буни ТУРКСОЙ нинг юксак эътирофи, деб айтиш мумкин. Шунингдек, мазкур музей ТУРКСОЙнинг Турк дунёси музейлари ассоциациясига ҳам қабул қилинди, – деди ТУРКСОЙ бош котиби Султон Раев.

Анжуманда Туркия, Франция, Италия, Германия, АҚШ, Буюк Британия, Россия, Хитой, Ҳиндистон, Эрон ва Қозоғистондан келган етакчи олимлар иштирок этди. Улар Темурийлар даври тарихи, сиёсий тизими, шаҳарсозлик анъаналари, илм-фан ва маданият ривожи бўйича ўз тадқиқот натижаларини тақдим этдилар.

– ТУРКСОЙнинг бу эътирофи ҳурматли Президентимиз ташаббуслари билан қурилган марказимизга берилган муносиб баҳо бўлди деб ўйлайман. Халқаро туркий маданият ташкилоти – ТУРКСОЙ Ислом цивилизацияси марказининг доимий ва ишончли ҳамкорларидан бири. Биз бу ташкилот  билан узоқ вақтдан бери ҳамкорлик қилиб келамиз. Жорий йилда ҳам ТУРКСОЙ билан ҳамкорликда халқаро ёшлар форуми, туркий давлатлар ҳунармандлари фествали сингари бир қатор тадбирларни ўтказишга келишиб олдик, – деди марказ директори Фирдавс Абдухолиқов.

Хорижий иштирокчилар ҳам Темурийлар меросининг глобал аҳамияти, Европа ва Осиё цивилизациялари ўртасидаги маданий алоқалардаги ўрни ва халқаро илмий ҳамкорликдаги аҳамиятини алоҳида таъкидладилар.

Туркий дунёдаги энг яхши музей ва дунёдаги энг яхши адабий лойиҳа сифатида эътироф этилган ушбу Марказ ва нашрлар, Ўзбекистоннинг маданий ва маънавий ривожланишидаги катта ютуқ сифатида тарихда қолади.

***

Islom sivilizatsiyasi markazida nufuzli xalqaro anjuman doirasida tarixiy va madaniy ahamiyatga ega voqea yuz berdi. TURKSOY tomonidan Markazning Islom sivilizatsiyasi markazi “Turkiy dunyodagi eng yaxshi muzey” deb e’tirof etildi. Sertifikat TURKSOY bosh kotibi Sulton Rayev tomonidan tantanali ravishda taqdim etildi. Bu e’tirof Markazning qisqa vaqt ichida xalqaro maydonda yuqori baholanayotganidan dalolat beradi.

Shuningdek, TURKSOY nomidan Shavkat Mirziyoyev tashabbusi bilan chop etilgan “Turk dunyosi adabiyoti durdonalari” 100 jildlik kitoblar to‘plami ham sertifikatga sazovor bo‘ldi. Bu kabi keng qamrovli nashr turk dunyosida ilk bor amalga oshirildi va “dunyodagi eng yaxshi adabiy loyiha” sifatida e’tirof etildi.

— Bugun biz TURKSOY  xalqaro tashkiloti nomidan uchta sertifikat taqdim etdik. Birinchi sertifikatimiz O‘zbekiston Prezidenti Shavkat Mirziyoyev tashabbusi bilan chop etilgan “Turk dunyosi adabiyoti durdonalari” nomli 100 jildlik kitoblar to‘plamiga berildi. Ta’kidlash joizki, bu kabi keng qamrovli 100 jildlik nashr hozirgacha turk dunyosida amalga oshirilmagan. Bu, albatta, O‘zbekistonning katta tashabbusi bo‘ldi. Bugungi kunda Qozog‘iston, Ozarbayjon va Qirg‘iziston kabi davlatlar ham ushbu tashabbusni qo‘llab-quvvatlab, turli hajmdagi — 20, 30, 40, 50 jildlik kitoblar nashr etmoqda. Shuning uchun biz ushbu to‘plamni turk dunyosidagi o‘ziga xos adabiy durdona sifatida e’tirof etib, “dunyodagi eng yaxshi adabiy loyiha” deb baholab, sertifikat taqdim etdik. Ikkinchi sertifikat esa Islom sivilizatsiyasi markaziga “Turkiy dunyodagi eng yaxshi muzey” nominatsiyasi bo‘yicha berildi. Buni TURKSOY ning yuksak e’tirofi, deb aytish mumkin. Shuningdek, mazkur muzey TURKSOYning Turk dunyosi muzeylari assotsiatsiyasiga ham qabul qilindi, – dedi TURKSOY bosh kotibi Sulton Rayev.

Anjumanda Turkiya, Fransiya, Italiya, Germaniya, AQSh, Buyuk Britaniya, Rossiya, Xitoy, Hindiston, Eron va Qozog‘istondan kelgan yetakchi olimlar ishtirok etdi. Ular Temuriylar davri tarixi, siyosiy tizimi, shaharsozlik an’analari, ilm-fan va madaniyat rivoji bo‘yicha o‘z tadqiqot natijalarini taqdim etdilar.

– TURKSOYning bu e’tirofi hurmatli Prezidentimiz tashabbuslari bilan qurilgan markazimizga berilgan munosib baho bo‘ldi deb o‘ylayman. Xalqaro turkiy madaniyat tashkiloti – TURKSOY Islom sivilizatsiyasi markazining doimiy va ishonchli hamkorlaridan biri. Biz bu tashkilot  bilan uzoq vaqtdan beri hamkorlik qilib kelamiz. Joriy yilda ham TURKSOY bilan hamkorlikda xalqaro yoshlar forumi, turkiy davlatlar hunarmandlari festvali singari bir qator tadbirlarni o‘tkazishga kelishib oldik, – dedi markaz direktori Firdavs Abduxoliqov.

Xorijiy ishtirokchilar ham Temuriylar merosining global ahamiyati, Yevropa va Osiyo sivilizatsiyalari o‘rtasidagi madaniy aloqalardagi o‘rni va xalqaro ilmiy hamkorlikdagi ahamiyatini alohida ta’kidladilar.

Turkiy dunyodagi eng yaxshi muzey va dunyodagi eng yaxshi adabiy loyiha sifatida e’tirof etilgan ushbu Markaz va nashrlar, O‘zbekistonning madaniy va ma’naviy rivojlanishidagi katta yutuq sifatida tarixda qoladi.

Таъкидлаш жоиз, Давлатимиз Раҳбари таклифлари асосида ушбу муҳташам марказ биносида Ўзбекистон мусулмонлари идораси марказий аппарати учун алоҳида жой ажратилгани диний-маърифий соҳага қаратилаётган юксак эътиборнинг амалдаги яққол намунаси бўлди.

Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчилигидаги Диний идора раҳбарияти ва бўлимлар ўз фаолиятини ушбу Марказ биносида давом эттира бошлади.

Марказнинг Хоразм портали маҳобатли эшигидан кириб, лифтдан иккинчи қаватга кўтарилсангиз, катта фойе ва Диний идора ҳудудига кириш қисмига дуч келасиз. Ичкарига киришингиз биланоқ Қуръони карим оятлари, Президентимиз сўзларидан иқтибослар, идора тарихи, муфтийлар ҳақидаги маълумотлар билан танишасиз. Йўлакнинг икки томонида раис ўринбосарлари ва бўлимлар учун ажратилган хоналар жойлашган.

Шаффоф ойнаванд хоналараро кўриниб турадиган ички ҳовлидаги бежирим боғ киши кайфиятига ўзгача кўтаринкилик улашади. Кенг ва ёруғ хоналар, электрон бошқарувли иситиш ва совутиш тизими, замонавий интерьер, шинам стол-стул, мебель, компьютер ва замонавий жиҳозлар соҳа ходимларининг иш самарадорлигини янада оширмоқда.

Йўлак тўрида Муфтий ҳазратларининг замонавий ва миллий меъморчилик андозаларига ҳамоҳанг бежирим хоналари. Йўлак деворларида Идора фаолиятининг асосий бешта йўналишига оид фотоэтюдларга кўзингиз тушади.

Шунингдек, кичик ва катта мажлислар заллари бўлиб, улар замонавий технологиялар билан таъминланган. Жонли эфирга мўлжалланган камералар ва тўлиқ WiFi зонаси мавжуд. Залдаги барча техникалар бир маромда ишлаши масъуллар томонидан назорат қилиб турилади.

Диний идора жойлашган қисмга ёндош кутубхонадан ҳам фаолият мобайнида унумли фойдаланиш мумкин.

Бундай юксак эҳтиром ва эътибор юртимизда диний соҳада амалга оширилаётган изчил ислоҳотларнинг яна бир амалий исботи бўлиб, бу туҳфа Диний идоранинг ҳар бир ходимидан ўз ишига янада масъулият билан ёндашишга, жонбозлик кўрсатишга, фидойи бўлишга, фаолиятини замон талаблари асосида яна бир бор кўздан кечириб, бор имкониятини, куч-ғайратини сафарбар этиб ишлашга ундайди.

Маълумот ўрнида, Диний идоранинг Қорасарой кўчаси 47-уй манзилидаги биносида Фатво маркази, Ҳаж ва умра маркази, Қуръон ва тажвидни ўргатиш, Молиявий назорат ва таҳлил, Хўжалик, Ахборот-таҳлил бўлимлари, Бухгалтерия, студия, Фахрийлар кенгаши ҳамда фуқароларни қабул қилиш каби йўналишлар ўз фаолиятини давом эттирмоқда.

***

Shu yil ulug‘ ayyom kunlarida megaloyiha – O‘zbekistondagi Islom sivilizatsiyasi markazining ochilishi nafaqat xalqimiz, balki butun islom olami uchun, barcha mo‘min-musulmonlar uchun, ilm-maʼrifatni ardoqlagan har bir kishi uchun juda katta tuhfa bo‘ldi.

Taʼkidlash joiz, Davlatimiz Rahbari takliflari asosida ushbu muhtasham markaz binosida O‘zbekiston musulmonlari idorasi markaziy apparati uchun alohida joy ajratilgani diniy-maʼrifiy sohaga qaratilayotgan yuksak eʼtiborning amaldagi yaqqol namunasi bo‘ldi.

O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiligidagi Diniy idora rahbariyati va bo‘limlar o‘z faoliyatini ushbu Markaz binosida davom ettira boshladi.

Markazning Xorazm portali mahobatli eshigidan kirib, liftdan ikkinchi qavatga ko‘tarilsangiz, katta foye va Diniy idora hududiga kirish qismiga duch kelasiz. Ichkariga kirishingiz bilanoq Qurʼoni karim oyatlari, Prezidentimiz so‘zlaridan iqtiboslar, idora tarixi, muftiylar haqidagi maʼlumotlar bilan tanishasiz. Yo‘lakning ikki tomonida rais o‘rinbosarlari va bo‘limlar uchun ajratilgan xonalar joylashgan.

Shaffof oynavand xonalararo ko‘rinib turadigan ichki hovlidagi bejirim bog‘ kishi kayfiyatiga o‘zgacha ko‘tarinkilik ulashadi. Keng va yorug‘ xonalar, elektron boshqaruvli isitish va sovutish tizimi, zamonaviy interyer, shinam stol-stul, mebel, kompyuter va zamonaviy jihozlar soha xodimlarining ish samaradorligini yanada oshirmoqda.

Yo‘lak to‘rida Muftiy hazratlarining zamonaviy va milliy meʼmorchilik andozalariga hamohang bejirim xonalari. Yo‘lak devorlarida Idora faoliyatining asosiy beshta yo‘nalishiga oid fotoetyudlarga ko‘zingiz tushadi.

Shuningdek, kichik va katta majlislar zallari bo‘lib, ular zamonaviy texnologiyalar bilan taʼminlangan. Jonli efirga mo‘ljallangan kameralar va to‘liq WiFi zonasi mavjud. Zaldagi barcha texnikalar bir maromda ishlashi masʼullar tomonidan nazorat qilib turiladi.

Diniy idora joylashgan qismga yondosh kutubxonadan ham faoliyat mobaynida unumli foydalanish mumkin.

Bunday yuksak ehtirom va eʼtibor yurtimizda diniy sohada amalga oshirilayotgan izchil islohotlarning yana bir amaliy isboti bo‘lib, bu tuhfa Diniy idoraning har bir xodimidan o‘z ishiga yanada masʼuliyat bilan yondashishga, jonbozlik ko‘rsatishga, fidoyi bo‘lishga, faoliyatini zamon talablari asosida yana bir bor ko‘zdan kechirib, bor imkoniyatini, kuch-g‘ayratini safarbar etib ishlashga undaydi.

Maʼlumot o‘rnida, Diniy idoraning Qorasaroy ko‘chasi 47-uy manzilidagi binosida Fatvo markazi, Haj va umra markazi, Qurʼon va tajvidni o‘rgatish, Moliyaviy nazorat va tahlil, Xo‘jalik, Axborot-tahlil bo‘limlari, Buxgalteriya, studiya, Faxriylar kengashi hamda fuqarolarni qabul qilish kabi yo‘nalishlar o‘z faoliyatini davom ettirmoqda.

Давлатимиз раҳбари ташаббуси билан ташкил этилган марказ ислом цивилизациясининг бебаҳо меросини асраб-авайлаш ва тарғиб қилишга бағишланган ноёб манбалар, илмий тадқиқот ва таълим йўналишларини бир жойга жамлаган тарихимиздаги илк мажмуа бўлди.

Мажмуа миллий меъморий анъаналар ва замонавий безаклар уйғунлигида барпо этилди. Иншоотнинг тўрт томонида баландлиги 34 метрли пештоқлар, ўрта қисмида эса 65 метрли миллий услубдаги гумбаз қад ростлаган.

Озарбайжон Президенти Илҳом Алиев, Тожикистон Президенти Президенти Эмомали Раҳмон, Қирғизистон Президенти Садир Жапаров, Қозоғистон Президенти Қасим-Жомарт Тоқаев Президент Шавкат Мирзиёев ҳамроҳлигида мусулмон оламининг бебаҳо маънавий дурдонаси саналган Усмон Мусъҳафи сақланаётган Қуръони карим залига ташриф буюрдилар. Қуръоннинг энг қадимий қўлёзмаларидан бири бўлган ушбу нодир манба улкан тарихий ва маданий аҳамиятга эга бўлиб, минтақамиз халқларининг цивилизациявий ўзига хослигини шакллантирган чамбарчас маънавий ришталаримизни ифода этади.

Етакчилар, шунингдек, “Исломдан аввалги цивилизациялар”, “Биринчи Ренессанс”, “Иккинчи Ренессанс” ҳамда “Янги Ўзбекистон – янги Ренессанс” бўлимлари билан танишдилар.

Уларда буюк алломаларимиз Имом Бухорий, Имом Термизий, Абу Мансур Мотуридий, Баҳоуддин Нақшбанд ва бошқа улуғ уламоларнинг бой илмий ва маънавий мероси кенг ёритилган. Кўргазмада сомонийлар, қорахонийлар, хоразмшоҳлар, темурийлар ва бошқа сулолалар даврига оид қўлёзма нашрлар ва уларнинг қадимги ўзбек тилига таржималари ҳам мавжуд.

Етакчилар минтақа мамлакатлари ўртасидаги маданий алоқаларни мустаҳкамлаш, маънавий-маърифий лойиҳаларни илгари суриш ва умумий гуманитар қадриятларни ривожлантириш муҳимлигини таъкидладилар.

Минтақанинг бой умумий меросини сақлаш ва тарғиб қилиш борасидаги Ўзбекистоннинг кенг кўламли саъй-ҳаракатларига юқори баҳо берилди. Мажмуа замонавий тадқиқот маркази бўлиб хизмат қилишига, минтақа мамлакатлари ўртасида илмий, таълим ва маданий ҳамкорлик учун янги уфқлар очишига ишонч билдирдилар.

***

Markaziy Osiyo davlatlari rahbarlarining yettinchi Maslahat uchrashuvida ishtirok etish uchun mamlakatimizga kelgan mintaqa mamlakatlari va Ozarbayjon Prezidentlari O‘zbekiston Prezidenti bilan birgalikda Toshkentdagi Islom sivilizatsiyasi markaziga tashrif buyurdilar.

Davlatimiz rahbari tashabbusi bilan tashkil etilgan markaz islom sivilizatsiyasining bebaho merosini asrab-avaylash va targ‘ib qilishga bag‘ishlangan noyob manbalar, ilmiy tadqiqot va ta’lim yo‘nalishlarini bir joyga jamlagan tariximizdagi ilk majmua bo‘ldi.

Majmua milliy me’moriy an’analar va zamonaviy bezaklar uyg‘unligida barpo etildi. Inshootning to‘rt tomonida balandligi 34 metrli peshtoqlar, o‘rta qismida esa 65 metrli milliy uslubdagi gumbaz qad rostlagan.

Ozarbayjon Prezidenti Ilhom Aliyev, Tojikiston Prezidenti Prezidenti Emomali Rahmon, Qirg‘iziston Prezidenti Sadir Japarov, Qozog‘iston Prezidenti Qasim-Jomart Toqayev Prezident Shavkat Mirziyoyev hamrohligida musulmon olamining bebaho ma’naviy durdonasi sanalgan Usmon Mus’hafi saqlanayotgan Qur’oni karim zaliga tashrif buyurdilar. Qur’onning eng qadimiy qo‘lyozmalaridan biri bo‘lgan ushbu nodir manba ulkan tarixiy va madaniy ahamiyatga ega bo‘lib, mintaqamiz xalqlarining sivilizatsiyaviy o‘ziga xosligini shakllantirgan chambarchas ma’naviy rishtalarimizni ifoda etadi.

Yetakchilar, shuningdek, “Islomdan avvalgi sivilizatsiyalar”, “Birinchi Renessans”, “Ikkinchi Renessans” hamda “Yangi O‘zbekiston – yangi Renessans” bo‘limlari bilan tanishdilar.

Ularda buyuk allomalarimiz Imom Buxoriy, Imom Termiziy, Abu Mansur Moturidiy, Bahouddin Naqshband va boshqa ulug‘ ulamolarning boy ilmiy va ma’naviy merosi keng yoritilgan. Ko‘rgazmada somoniylar, qoraxoniylar, xorazmshohlar, temuriylar va boshqa sulolalar davriga oid qo‘lyozma nashrlar va ularning qadimgi o‘zbek tiliga tarjimalari ham mavjud.

Yetakchilar mintaqa mamlakatlari o‘rtasidagi madaniy aloqalarni mustahkamlash, ma’naviy-ma’rifiy loyihalarni ilgari surish va umumiy gumanitar qadriyatlarni rivojlantirish muhimligini ta’kidladilar.

Mintaqaning boy umumiy merosini saqlash va targ‘ib qilish borasidagi O‘zbekistonning keng ko‘lamli sa’y-harakatlariga yuqori baho berildi. Majmua zamonaviy tadqiqot markazi bo‘lib xizmat qilishiga, mintaqa mamlakatlari o‘rtasida ilmiy, ta’lim va madaniy hamkorlik uchun yangi ufqlar ochishiga ishonch bildirdilar.

Мазкур улкан ва ноёб лойиҳа давлат раҳбарининг 2017 йил 23 июндаги қарорига асосан бошланган. Кўп ўтмай, 2018 йилги Рамазон ҳайити куни унинг пойдеворига тамал тоши қўйилган эди. Ўтган даврда бу ерда катта ҳажмдаги қурилиш ва ободонлаштириш ишлари амалга оширилди. Марказда халқимизнинг кўп асрлик ва кўп қиррали тарихи, улуғ алломаларимизнинг маънавий меросини намойиш этиш мақсадида чет элларда сақланаётган тарихимиз билан боғлиқ қимматли манбалар ва ашёлар Ватанимизга қайтарилди.

Марказ қадимий меъморий анъаналаримиз ва миллий безаклар уйғунлигида барпо этилди. Иншоотнинг тўрт томонида баландлиги 34 метрли пештоқлар, ўртада эса 65 метрли миллий услубдаги гумбаз қад ростлаган.

Иншоотнинг марказий қисмида Қуръони карим зали жойлашган. Бу ерда мусулмон оламининг ноёб маънавий дурдонаси саналган қадимий Усмон Мусҳафи намойиш этилади. Шунингдек, сомонийлар, қорахонийлар, хоразмшоҳлар, темурийлар ва бошқа сулолалар даврига оид муқаддас китоб нусхалари, уларнинг эски ўзбек тилидаги таржималари, шу билан бирга, жаҳондаги энг нодир қўлёзма Қуръонлардан намуналар ҳам жой олади.

Марказ таркибида 460 ўринли анжуманлар зали ҳам қуриб битказилган бўлиб, халқаро миқёсдаги учрашув ва илмий анжуманларни ўтказиш учун барча замонавий шарт-шароитлар яратилган.

Мажмуада “Исломдан аввалги цивилизациялар”, “Биринчи Ренессанс”, “Иккинчи Ренессанс”, “Ўзбекистон XX асрда” ҳамда “Янги Ўзбекистон – янги Ренессанс” бўлимлари ташкил этилган. Бу ерда буюк алломаларимиз фаолияти ҳақида маълумотлар, шунингдек, Имом Бухорий, Имом Термизий, Абу Мансур Мотуридий, Баҳоуддин Нақшбанд ва бошқа уламолар мероси ҳам кенг ёритилган.

Шунингдек, тарихимизда илму маърифат ва маънавият ҳомийси бўлган Бибихоним, Нодирабегим, Увайсий, Анбар Отин каби мўътабар зотлар фаолияти ҳам алоҳида экспозиция сифатида намойиш этилган.

Давлатимиз раҳбари доимо марказнинг илмий-маърифий йўналишини самарали ташкил этиш, унинг мазмун-моҳиятини бойитиб бориш зарурлигини алоҳида таъкидлайди. Бу борада Ўзбекистон халқаро исломшунослик академияси, Имом Бухорий, Имом Термизий ва Имом Мотуридий номидаги илмий марказлар билан ҳамкорликни кучайтириш бўйича олиб борилаётган ишлар тўғрисида ахборот берилди.

Ташриф чоғида Президентимиз залларда амалга оширилаётган пардозлаш ва жиҳозлаш ишларини кўздан кечирди, бўлимлар ва кўргазмаларнинг мазмун-моҳияти, қўлланилаётган интерфаол технологиялар билан яқиндан танишди.

Давлатимиз раҳбари экспонатларни маҳаллий ва хорижий ташриф буюрувчиларга ҳар томонлама қизиқарли ҳамда тушунарли қилиб тақдим этиш муҳимлигини таъкидлади. Шу мақсадда марказда фаолият юритадиган мутахассис ва гидларнинг сонини кўпайтириш, уларни махсус дастурлар асосида тайёрлаш зарурлигига эътибор қаратилди.

Марказ фаолиятини мазмунан янада бойитиш, экспозициялар орқали халқимиз маънавий ва илмий меросини тўлиқ намоён этиш бўйича қатор тавсиялар берилди

***

Prezident Shavkat Mirziyoyev 20 oktyabr kuni Islom sivilizatsiyasi markaziga tashrif buyurib, bu yerdagi ekspozitsiyalar orqali xalqimizning boy tarixiy va ma’naviy merosini keng namoyish etishga qaratilgan ishlar bilan tanishdi.

Mazkur ulkan va noyob loyiha davlat rahbarining 2017 yil 23 iyundagi qaroriga asosan boshlangan. Ko‘p o‘tmay, 2018 yilgi Ramazon hayiti kuni uning poydevoriga tamal toshi qo‘yilgan edi. O‘tgan davrda bu yerda katta hajmdagi qurilish va obodonlashtirish ishlari amalga oshirildi. Markazda xalqimizning ko‘p asrlik va ko‘p qirrali tarixi, ulug‘ allomalarimizning ma’naviy merosini namoyish etish maqsadida chet ellarda saqlanayotgan tariximiz bilan bog‘liq qimmatli manbalar va ashyolar Vatanimizga qaytarildi.

Markaz qadimiy me’moriy an’analarimiz va milliy bezaklar uyg‘unligida barpo etildi. Inshootning to‘rt tomonida balandligi 34 metrli peshtoqlar, o‘rtada esa 65 metrli milliy uslubdagi gumbaz qad rostlagan.

Inshootning markaziy qismida Qur’oni karim zali joylashgan. Bu yerda musulmon olamining noyob ma’naviy durdonasi sanalgan qadimiy Usmon Mus’hafi namoyish etiladi. Shuningdek, somoniylar, qoraxoniylar, xorazmshohlar, temuriylar va boshqa sulolalar davriga oid muqaddas kitob nusxalari, ularning eski o‘zbek tilidagi tarjimalari, shu bilan birga, jahondagi eng nodir qo‘lyozma Qur’onlardan namunalar ham joy oladi.

Markaz tarkibida 460 o‘rinli anjumanlar zali ham qurib bitkazilgan bo‘lib, xalqaro miqyosdagi uchrashuv va ilmiy anjumanlarni o‘tkazish uchun barcha zamonaviy shart-sharoitlar yaratilgan.

Majmuada “Islomdan avvalgi sivilizatsiyalar”, “Birinchi Renessans”, “Ikkinchi Renessans”, “O‘zbekiston XX asrda” hamda “Yangi O‘zbekiston – yangi Renessans” bo‘limlari tashkil etilgan. Bu yerda buyuk allomalarimiz faoliyati haqida ma’lumotlar, shuningdek, Imom Buxoriy, Imom Termiziy, Abu Mansur Moturidiy, Bahouddin Naqshband va boshqa ulamolar merosi ham keng yoritilgan.

Shuningdek, tariximizda ilmu ma’rifat va ma’naviyat homiysi bo‘lgan Bibixonim, Nodirabegim, Uvaysiy, Anbar Otin kabi mo‘tabar zotlar faoliyati ham alohida ekspozitsiya sifatida namoyish etilgan.

Davlatimiz rahbari doimo markazning ilmiy-ma’rifiy yo‘nalishini samarali tashkil etish, uning mazmun-mohiyatini boyitib borish zarurligini alohida ta’kidlaydi. Bu borada O‘zbekiston xalqaro islomshunoslik akademiyasi, Imom Buxoriy, Imom Termiziy va Imom Moturidiy nomidagi ilmiy markazlar bilan hamkorlikni kuchaytirish bo‘yicha olib borilayotgan ishlar to‘g‘risida axborot berildi.

Tashrif chog‘ida Prezidentimiz zallarda amalga oshirilayotgan pardozlash va jihozlash ishlarini ko‘zdan kechirdi, bo‘limlar va ko‘rgazmalarning mazmun-mohiyati, qo‘llanilayotgan interfaol texnologiyalar bilan yaqindan tanishdi.

Davlatimiz rahbari eksponatlarni mahalliy va xorijiy tashrif buyuruvchilarga har tomonlama qiziqarli hamda tushunarli qilib taqdim etish muhimligini ta’kidladi. Shu maqsadda markazda faoliyat yuritadigan mutaxassis va gidlarning sonini ko‘paytirish, ularni maxsus dasturlar asosida tayyorlash zarurligiga e’tibor qaratildi.

Markaz faoliyatini mazmunan yanada boyitish, ekspozitsiyalar orqali xalqimiz ma’naviy va ilmiy merosini to‘liq namoyon etish bo‘yicha qator tavsiyalar berildi

Марказдаги йиғилишда таъкидланишича, ўтган йили маҳаллий ва халқаро анжуманлар доирасида ишлаб чиқилган 800 дан зиёд илмий лойиҳадан 330 таси биринчи босқич учун устувор йўналиш сифатида ажратилган ва уларнинг асосий қисми якунланган. Қолган ишлар эса 60–70 фоиз даражада амалга оширилган.

Олимлар иштирокида ўтказилган йиғилишда Марказ раҳбари, Илмий кенгаш раиси Фирдавс Абдухолиқов Президентимизнинг Марказга навбатдаги ташрифлари чоғида олиб борилаётган ишлар юзасидан берган кўрсатмалари ҳақида тўхталди. Қайд этилишича, давлатимиз раҳбарининг берган навбатдаги кўрсатмалари бу йўналишдаги ишларга яна катта руҳий қувват беради.

– Бу олдимизда катта масъулият борлигини яна бир бор исботлайди. Музейдаги барча бўлимларда амалга оширилаётган ишлар ва умуман маҳобатли бинонинг кўриниши Президентимизнинг буюк ғоялари асосида шакллантирилаётган бўлиб, ҳар биримизни бир мақсад йўлида бирлаштирди. Марказ экспозициясида “Цивилизациялар, шахслар ва кашфиётлар” мавзусига катта аҳамият қаратган ҳолда шакллантиришга бор ғайратимизни йўналтирдик. Шу ўринда, ҳар бирингизнинг меҳнатингизни қадрлаймиз. Ўзбекистондаги Ислом цивилизацияси маркази ёшларимизни маънавий ва ақлий жиҳатдан тарбиялайдиган маскан бўлади. Ҳурматли Президентимиз таъкидлаганидек, Ислом цивилизацияси марказига кирган одам чиққач, бу миллатга таъзим қилиши керак.

Йиғилишда тадқиқот матнларини рақамлаштириш ва электрон платформага жойлаштириш ташаббуси илмий натижаларни кенг жамоатчиликка тақдим этиш, музей экспозицияси мазмунини бойитиш ҳамда Марказнинг халқаро нуфузини оширишга хизмат қилишига ҳам тўхталиб ўтилди.

Олимларга илмий матнларни махсус платформага жойлаштиришда техник ва услубий имкониятлар ҳақида батафсил тушунтириш берилди, шунингдек, тадқиқот натижаларини экспонатлар, видеолойиҳалар ва электрон маҳсулотлар орқали тақдим этиш масалалари ҳам кўриб чиқилди.

Йиғилиш якунида қайд этилганидек, илмий лойиҳа-тадқиқот матнларини рақамли платформага жойлаштириш жараёни нафақат музей экспозициясини мазмунан бойитишга, балки Марказнинг халқаро нуфузини оширишга ҳам хизмат қилади. Бу ташаббус келгусида Ўзбекистондаги Ислом цивилизацияси меросини ўрганиш ва оммалаштириш йўлида муҳим қадам сифатида баҳоланмоқда.

Ислом цивилизацияси маркази
Ахборот хизмати

***

O‘zbekistondagi Islom sivilizatsiyasi markazida olimlar ishtirokida muzey ekspozitsiyasi uchun tayyorlangan ilmiy loyiha-tadqiqot ishlarining matnlari, ma’lumotlari, mediamahsulotlarini maxsus raqamli platformaga joylashtirish masalalariga bag‘ishlangan yakuniy maslahat yig‘ilishi bo‘lib o‘tdi.

Markazdagi yig‘ilishda ta’kidlanishicha, o‘tgan yili mahalliy va xalqaro anjumanlar doirasida ishlab chiqilgan 800 dan ziyod ilmiy loyihadan 330 tasi birinchi bosqich uchun ustuvor yo‘nalish sifatida ajratilgan va ularning asosiy qismi yakunlangan. Qolgan ishlar esa 60–70 foiz darajada amalga oshirilgan.

Olimlar ishtirokida o‘tkazilgan yig‘ilishda Markaz rahbari, Ilmiy kengash raisi Firdavs Abduxoliqov Prezidentimizning Markazga navbatdagi tashriflari chog‘ida olib borilayotgan ishlar yuzasidan bergan ko‘rsatmalari haqida to‘xtaldi. Qayd etilishicha, davlatimiz rahbarining bergan navbatdagi ko‘rsatmalari bu yo‘nalishdagi ishlarga yana katta ruhiy quvvat beradi.

– Bu oldimizda katta mas’uliyat borligini yana bir bor isbotlaydi. Muzeydagi barcha bo‘limlarda amalga oshirilayotgan ishlar va umuman mahobatli binoning ko‘rinishi Prezidentimizning buyuk g‘oyalari asosida shakllantirilayotgan bo‘lib, har birimizni bir maqsad yo‘lida birlashtirdi. Markaz ekspozitsiyasida “Sivilizatsiyalar, shaxslar va kashfiyotlar” mavzusiga katta ahamiyat qaratgan holda shakllantirishga bor g‘ayratimizni yo‘naltirdik. Shu o‘rinda, har biringizning mehnatingizni qadrlaymiz. O‘zbekistondagi Islom sivilizatsiyasi markazi yoshlarimizni ma’naviy va aqliy jihatdan tarbiyalaydigan maskan bo‘ladi. Hurmatli Prezidentimiz ta’kidlaganidek, Islom sivilizatsiyasi markaziga kirgan odam chiqqach, bu millatga ta’zim qilishi kerak.

Yig‘ilishda tadqiqot matnlarini raqamlashtirish va elektron platformaga joylashtirish tashabbusi ilmiy natijalarni keng jamoatchilikka taqdim etish, muzey ekspozitsiyasi mazmunini boyitish hamda Markazning xalqaro nufuzini oshirishga xizmat qilishiga ham to‘xtalib o‘tildi.

Olimlarga ilmiy matnlarni maxsus platformaga joylashtirishda texnik va uslubiy imkoniyatlar haqida batafsil tushuntirish berildi, shuningdek, tadqiqot natijalarini eksponatlar, videoloyihalar va elektron mahsulotlar orqali taqdim etish masalalari ham ko‘rib chiqildi.

Yig‘ilish yakunida qayd etilganidek, ilmiy loyiha-tadqiqot matnlarini raqamli platformaga joylashtirish jarayoni nafaqat muzey ekspozitsiyasini mazmunan boyitishga, balki Markazning xalqaro nufuzini oshirishga ham xizmat qiladi. Bu tashabbus kelgusida O‘zbekistondagi Islom sivilizatsiyasi merosini o‘rganish va ommalashtirish yo‘lida muhim qadam sifatida baholanmoqda.

Islom sivilizatsiyasi markazi
Axborot xizmati

Кун тартибидан 20 дан ортиқ масала ўрин олган йиғилишда Марказ контентини бойитиш борасидаги ишлар, лойиҳалар ижроси, таҳлиллар доирасида фикр ва мулоҳазалар тингланди. Шунингдек, сўнгги босқичларда амалга оширилаётган экспозиция лойиҳаларини жадаллик билан якунига етказиш, камчиликларни бартараф этиш асосий масала сифатида кўрилди.

Марказ раҳбарияти ва илмий кенгаш аъзолари томонидан бугун Исломдан аввалги давр цивилизациялари тарихи, маданияти ва ҳаёт тарзини қамраб олган “Вақт девори” лойиҳаси доирасида яратилаётган олтита йирик барельеф композицияси, уларнинг умумий визуал концепцияси амалий муҳокамасида қайд этилган камчиликлар ҳам муҳокама қилинди.

Давлат раҳбари билдирган ишончни оқлаш ва топшириқлар ижросини ўз вақтида беками-кўст бажариш учун экспозициялардаги бу каби лойиҳаларни якунига етказиш мақсадида Кенгаш йиғилишида “Долзарб 30 кунлик” эълон қилинди. Бу давр мобайнида барча лойиҳаларнинг якуний босқичда амалга оширилишини таъминлаш устувор вазифа сифатида белгиланди.

 — Президентимизнинг буюк ғоя ва ташаббуси атрофида бир мақсад йўлида олимлар, халқаро мутахассислар, дизайнерлар, рассомлар, муҳандислар бирлашган. Марказ контентини бойитиш доирасида зиммамизга қўйилган вазифаларни бажариш учун барчамиз бирдек юксак масъулият билан ишлашимиз талаб этилади. Шу муносабат билан «30 кунлик сафарбарлик» эълон қилишни таклиф этаман, — деди Ф.Абдухолиқов.

Кенгаш аъзолари ва йиғилиш қатнашчилари бир овоздан бу таклифни қўллаб-қувватлашди. Шунингдек, навбатдаги муҳим масалалар бўйича аниқ вазифалар белгилаб олинди.

***

Prezident Shavkat Mirziyoyev tashabbusi va g‘oyasi bilan bunyod etilayotgan O‘zbekistondagi Islom sivilizatsiyasi markazi qurilishi quruvchilarning fidoyi sa’y-harakatlari natijasida yakuniy bosqichda amalga oshirilmoqda. Bir vaqtning o‘zida “Sivilizatsiyalar, shaxslar, kashfiyotlar” konsepsiyasi asosida 2000 dan ortiq mahalliy va xorijlik olimlar, ilm-fan, zamonaviy texnologiyalar mutaxassislari, muzeyshunoslar, tadqiqotchilar, dizaynerlar kabi qator soha vakillari birlashib, kontentlarni tayyorlash ustida ham qizg‘in ish olib borishmoqda. Bugun Markaz rahbari, Ilmiy kengash raisi Firdavs Abduxoliqov boshchiligida bo‘lib o‘tgan navbatdagi yig‘ilishda bu boradagi ishlarni jadallashtirish uchun “Dolzarb 30 kunlik” e’lon qilindi.

Kun tartibidan 20 dan ortiq masala o‘rin olgan yig‘ilishda Markaz kontentini boyitish borasidagi ishlar, loyihalar ijrosi, tahlillar doirasida fikr va mulohazalar tinglandi. Shuningdek, so‘nggi bosqichlarda amalga oshirilayotgan ekspozitsiya loyihalarini jadallik bilan yakuniga yetkazish, kamchiliklarni bartaraf etish asosiy masala sifatida ko‘rildi.

Markaz rahbariyati va ilmiy kengash a’zolari tomonidan bugun Islomdan avvalgi davr sivilizatsiyalari tarixi, madaniyati va hayot tarzini qamrab olgan “Vaqt devori” loyihasi doirasida yaratilayotgan oltita yirik barelef kompozitsiyasi, ularning umumiy vizual konsepsiyasi amaliy muhokamasida qayd etilgan kamchiliklar ham muhokama qilindi.

Davlat rahbari bildirgan ishonchni oqlash va topshiriqlar ijrosini o‘z vaqtida bekami-ko‘st bajarish uchun ekspozitsiyalardagi bu kabi loyihalarni yakuniga yetkazish maqsadida Kengash yig‘ilishida “Dolzarb 30 kunlik” e’lon qilindi. Bu davr mobaynida barcha loyihalarning yakuniy bosqichda amalga oshirilishini ta’minlash ustuvor vazifa sifatida belgilandi.

 — Prezidentimizning buyuk g‘oya va tashabbusi atrofida bir maqsad yo‘lida olimlar, xalqaro mutaxassislar, dizaynerlar, rassomlar, muhandislar birlashgan. Markaz kontentini boyitish doirasida zimmamizga qo‘yilgan vazifalarni bajarish uchun barchamiz birdek yuksak mas’uliyat bilan ishlashimiz talab etiladi. Shu munosabat bilan «30 kunlik safarbarlik» e’lon qilishni taklif etaman, — dedi F.Abduxoliqov.

Kengash a’zolari va yig‘ilish qatnashchilari bir ovozdan bu taklifni qo‘llab-quvvatlashdi. Shuningdek, navbatdagi muhim masalalar bo‘yicha aniq vazifalar belgilab olindi.

Ф.Абдухолиқов мамлакатимиз номидан ЖМЛнинг ислом оламидаги саъй-ҳаракати, халқаро миқёсдаги обрў-эътиборини эътироф этди. Бирлашган Миллатлар Ташкилоти қароргоҳида ўтказилган Халқаро исломофобияга қарши кураш кунига бағишланган биринчи халқаро тадбирда Бош котиб мусулмон халқлари вакили сифатида қилган маърузасини юқори баҳолади.

Муҳаррама Пирматова, ЎзА

***

Saudiya Arabistoni Podshohligining yetakchi axborot agentligi SPA, shuningdek “Al-Jazirah”, “Al-Madina”, “Youm7” kabi qator nashrlari yozishicha, Jahon musulmonlari ligasi Bosh kotibi, Musulmon ulamolari uyushmasi raisi shayx Muhammad bin Abdulkarim Al-Isa O‘zbekiston Respublikasi Vazirlar Mahkamasi huzuridagi Islom sivilizatsiyasi markazi rahbari doktor Firdavs Abduxoliqov bilan uchrashgan. Makkai Mukarramada, mazkur xalqaro tuzilma idorasida bo‘lib o‘tgan muloqot chog‘ida Islom sivilizatsiyasining targ‘iboti, xususan noto‘g‘ri tushuncha va salbiy hodisalarga qarshi turishdagi ahamiyati ta’kidlangan.

F.Abduxoliqov mamlakatimiz nomidan JMLning islom olamidagi sa’y-harakati, xalqaro miqyosdagi obro‘-e’tiborini e’tirof etdi. Birlashgan Millatlar Tashkiloti qarorgohida o‘tkazilgan Xalqaro islomofobiyaga qarshi kurash kuniga bag‘ishlangan birinchi xalqaro tadbirda Bosh kotib musulmon xalqlari vakili sifatida qilgan ma’ruzasini yuqori baholadi.

Muharrama Pirmatova, O‘zA