Ал-Азҳар имомлар, ваъзхонлар ва фатво тадқиқотчиларини тайёрлаш академиясида ўтаётган дарсларда имом-хатиблар араб тили, долзарб диний-ижтимоий масалалар, фатво бериш методологияси ҳамда мутаассибликка қарши курашиш йўналишларида Мисрнинг етук олимларидан сабоқ олмоқда.

Шунингдек, имом домлаларимиз ал-Азҳар мажмуасининг таълим тизими ва диний-маърифий тарғибот ишларини ташкил этиш тажрибаси билан танишмоқда.

Мазкур ўқувлар имом-хатибларнинг замонавий билим ва кўникмаларини бойитиш, аҳолига Ислом динининг асл моҳиятини тўғри ва таъсирчан етказиш, жаҳолатга қарши маърифат билан курашиш ҳамда ёшларни турли ёт ғоялар таъсиридан асрашда муҳим аҳамият касб этади.

Малака ошириш давомида олинган билим ва тажрибалар юртимиз масжидларидаги диний-маърифий фаолиятни янада такомиллаштиришга хизмат қилади.

***

Misr Arab Respublikasidagi nufuzli al-Azhar majmuasida Özbekistondan borgan 20 nafar imom-xatib uçun malaka oşiriş öquvlari boşlandi. Şu yil 30 oktyabrdan 15 noyabrga qadar davom etadigan maşğulotlar diniy soha vakillarining ilmiy-ma’rifiy salohiyatini oşiriş va xalqaro tajribani özlaştirişga qaratilgan.

Al-Azhar imomlar, va’zxonlar va fatvo tadqiqotçilarini tayyorlaş akademiyasida ötayotgan darslarda imom-xatiblar arab tili, dolzarb diniy-ijtimoiy masalalar, fatvo beriş metodologiyasi hamda mutaassiblikka qarşi kuraşiş yönalişlarida Misrning yetuk olimlaridan saboq olmoqda.

Şuningdek, imom domlalarimiz al-Azhar majmuasining ta’lim tizimi va diniy-ma’rifiy tarğibot işlarini taşkil etiş tajribasi bilan tanişmoqda.

Mazkur öquvlar imom-xatiblarning zamonaviy bilim va könikmalarini boyitiş, aholiga Islom dinining asl mohiyatini töğri va ta’sirçan yetkaziş, jaholatga qarşi ma’rifat bilan kuraşiş hamda yoşlarni turli yot ğoyalar ta’siridan asraşda muhim ahamiyat kasb etadi.

Malaka oşiriş davomida olingan bilim va tajribalar yurtimiz masjidlaridagi diniy-ma’rifiy faoliyatni yanada takomillaştirişga xizmat qiladi.

Учрашувда БААнинг тараққиёт йўли, қонун устуворлиги ва «васатийя» (ўрталик) тамойилининг жамият тинчлигидаги ўрни алоҳида эътироф этилди. Мамлакатда 200 дан ортиқ миллат ва элат вакиллари аҳил-иноқ истиқомат қилаётгани таъкидланиб, инсон қадри ва ўзаро ҳурмат муҳим омил эканига эътибор қаратилди.

Ўз навбатида, БАА вакиллари Ўзбекистоннинг бой цивилизацияси ва дунё тамаддунига ҳисса қўшган буюк алломаларимиз хизматини юксак эҳтиром билан ёдга олишди. Тингловчиларнинг таъкидлашича, машғулотларда масжидларда маърузаларни проектор ва интерактив тақдимотлар орқали кўргазмали етказиш тажрибаси, шунингдек, имом-хатибларнинг жамият ҳаётидаги фаол ўрни кўрсатиб берилди.

Шунингдек, тадбирда БАА раҳбариятининг дунё бўйлаб амалга ошираётган инсонпарварлик ва хайрия лойиҳалари ҳақида атрофлича сўз юритилиб, бу каби манфаатли илмий сафарларни ташкил этган давлатимиз Раҳбари ва соҳа мутасаддиларига миннатдорлик билдирилди.

***

Birlashgan Arab Amirliklarida xizmat safarida bo‘lib turgan O‘zbekiston imom-xatiblari uchun davlatchilik, bag‘rikenglik va zamonaviy diniy-ijtimoiy yondashuvlar mavzusida navbatdagi ilmiy-amaliy mashg‘ulot bo‘lib o‘tdi.

Uchrashuvda BAAning taraqqiyot yo‘li, qonun ustuvorligi va «vasatiyya» (o‘rtalik) tamoyilining jamiyat tinchligidagi o‘rni alohida e’tirof etildi. Mamlakatda 200 dan ortiq millat va elat vakillari ahil-inoq istiqomat qilayotgani ta’kidlanib, inson qadri va o‘zaro hurmat muhim omil ekaniga e’tibor qaratildi.

O‘z navbatida, BAA vakillari O‘zbekistonning boy sivilizatsiyasi va dunyo tamadduniga hissa qo‘shgan buyuk allomalarimiz xizmatini yuksak ehtirom bilan yodga olishdi. Tinglovchilarning ta’kidlashicha, mashg‘ulotlarda masjidlarda ma’ruzalarni proyektor va interaktiv taqdimotlar orqali ko‘rgazmali yetkazish tajribasi, shuningdek, imom-xatiblarning jamiyat hayotidagi faol o‘rni ko‘rsatib berildi.

Shuningdek, tadbirda BAA rahbariyatining dunyo bo‘ylab amalga oshirayotgan insonparvarlik va xayriya loyihalari haqida atroflicha so‘z yuritilib, bu kabi manfaatli ilmiy safarlarni tashkil etgan davlatimiz Rahbari va soha mutasaddilariga minnatdorlik bildirildi.

Бугунги кунда мазкур марказга юртимизнинг турли ҳудудларидан ҳамда хорижий давлатлардан ташриф буюраётган меҳмонлар сони тобора ортиб бормоқда. Марказда яратилган замонавий шарт-шароитлар, бой экспозициялар, нодир қўлёзмалар ва илмий мерос намуналари меҳмонларда катта қизиқиш уйғотмоқда. Айниқса, Қуръони карим зали, Ислом тамаддуни ривожига улкан ҳисса қўшган юртдош алломаларимизнинг ҳаёти ва фаолияти ҳақидаги маълумотлар ташриф буюрувчиларда чуқур таассурот қолдирмоқда.

Маънавий-маърифий ишлар самарадорлигини янада ошириш мақсадида мамлакатимизда фаолият олиб бораётган имом-хатибларнинг Ислом цивилизацияси маркази билан яқиндан танишишлари юзасидан алоҳида режа ишлаб чиқилган. Ушбу режа асосида жойларда хизмат қилаётган диний  соҳа ходимлари марказ фаолияти, унда амалга оширилаётган илмий тадқиқотлар ҳамда экспозициялар билан бевосита танишиб бормоқдалар.

Ана шу ташрифлар доирасида бугун Фарғона вилоятининг Қува, Тошлоқ, Риштон ва Фурқат туманлари имом-хатиблари Ислом цивилизацияси марказида бўлдилар. Ташриф давомида улар марказдаги тарихий экспонатлар, замонавий мультимедиа лойиҳалари, буюк аждодларимиз ҳаёти ва меросига бағишланган бўлимлар ҳамда марказнинг асосий фаолият йўналишлари билан яқиндан танишдилар.

Имом-хатиблар марказда амалга оширилаётган кенг кўламли ишлар юртимизда маърифий ислом ғояларини тарғиб қилиш, ёш авлодни миллий ва диний қадриятларга ҳурмат руҳида тарбиялаш ҳамда халқимизнинг бой илмий меросини кенг жамоатчиликка етказишда муҳим аҳамият касб этишини таъкидладилар.

Белгиланган режага мувофиқ, Фарғона вилоятининг бошқа шаҳар ва туманларида фаолият юритаётган имом-хатибларнинг ҳам Ислом цивилизацияси марказига ташрифлари босқичма-босқич давом эттирилади. Бу эса диний соҳа вакилларининг илмий-маърифий салоҳиятини янада ошириш, уларнинг маънавий-маърифий фаолияти самарадорлигини кучайтиришга хизмат қилади.

Фарғона вилояти вакиллиги Матбуот хизмати

***

O‘zbekistonda barpo etilgan Islom sivilizatsiyasi markazi nafaqat mamlakatimiz, balki butun musulmon olami va xalqaro jamoatchilik e’tiborini qozonayotgan noyob ilmiy-ma’rifiy maskanlardan biri hisoblanadi.

Bugungi kunda mazkur markazga yurtimizning turli hududlaridan hamda xorijiy davlatlardan tashrif buyurayotgan mehmonlar soni tobora ortib bormoqda. Markazda yaratilgan zamonaviy shart-sharoitlar, boy ekspozitsiyalar, nodir qo‘lyozmalar va ilmiy meros namunalari mehmonlarda katta qiziqish uyg‘otmoqda. Ayniqsa, Qur’oni karim zali, Islom tamadduni rivojiga ulkan hissa qo‘shgan yurtdosh allomalarimizning hayoti va faoliyati haqidagi ma’lumotlar tashrif buyuruvchilarda chuqur taassurot qoldirmoqda.

Ma’naviy-ma’rifiy ishlar samaradorligini yanada oshirish maqsadida mamlakatimizda faoliyat olib borayotgan imom-xatiblarning Islom sivilizatsiyasi markazi bilan yaqindan tanishishlari yuzasidan alohida reja ishlab chiqilgan. Ushbu reja asosida joylarda xizmat qilayotgan diniy  soha xodimlari markaz faoliyati, unda amalga oshirilayotgan ilmiy tadqiqotlar hamda ekspozitsiyalar bilan bevosita tanishib bormoqdalar.

Ana shu tashriflar doirasida bugun Farg‘ona viloyatining Quva, Toshloq, Rishton va Furqat tumanlari imom-xatiblari Islom sivilizatsiyasi markazida bo‘ldilar. Tashrif davomida ular markazdagi tarixiy eksponatlar, zamonaviy multimedia loyihalari, buyuk ajdodlarimiz hayoti va merosiga bag‘ishlangan bo‘limlar hamda markazning asosiy faoliyat yo‘nalishlari bilan yaqindan tanishdilar.

Imom-xatiblar markazda amalga oshirilayotgan keng ko‘lamli ishlar yurtimizda ma’rifiy islom g‘oyalarini targ‘ib qilish, yosh avlodni milliy va diniy qadriyatlarga hurmat ruhida tarbiyalash hamda xalqimizning boy ilmiy merosini keng jamoatchilikka yetkazishda muhim ahamiyat kasb etishini ta’kidladilar.

Belgilangan rejaga muvofiq, Farg‘ona viloyatining boshqa shahar va tumanlarida faoliyat yuritayotgan imom-xatiblarning ham Islom sivilizatsiyasi markaziga tashriflari bosqichma-bosqich davom ettiriladi. Bu esa diniy soha vakillarining ilmiy-ma’rifiy salohiyatini yanada oshirish, ularning ma’naviy-ma’rifiy faoliyati samaradorligini kuchaytirishga xizmat qiladi.

Farg‘ona viloyati vakilligi Matbuot xizmati

Учкўприк тумани “Қақир” жоме масжиди имом-хатиби Раҳматхўжа домла Зокиров ҳомийларни жалб қилган ҳолда кўзида жарроҳлик амалиёти ўтказилиши зарур бўлган 3 ёшли болажонга 50 миллион сўм миқдорида хайрия ёрдами кўрсатди.

Қувасой шаҳрида Алишер домла Наимов бошчилигида “Ислом” масжиди ходимлари томонидан Рамазон муносабати билан 5 та хонадонга озиқ-овқат маҳсулотлари улашилди. Шунингдек, ҳудуддаги эҳтиёжманд фуқаролар ҳолидан хабар олинди.

Ўзбекистон тумани “Оқтепа” жоме масжиди имом-хатиби Адҳамжон домла Юлдашев бошчилигида ҳомийлар кўмаги билан Оқтепа маҳалласида яшовчи бир хонадонда ифторлик дастурхони ташкил этилди. Адҳамжон домла маросимда иштирок этиб, хонадон аҳли билан самимий суҳбат қурди. Шунингдек, уларга озиқ-овқат маҳсулотлари ҳамда фарзандлари учун кийим-кечаклар топширилди.

Қува тумани “Имом Бухорий” жоме масжиди имом-хатиби Муслимбек домла Юлдашалиев ташаббуси билан ҳожилар ҳомийлигида 30 та эҳтиёжманд оилага Рамазон муносабати билан озиқ-овқат маҳсулотлари тарқатилди.

Қўқон шаҳар “Авғонбоғ” масжиди имом-ноиби Саидхон домла Зокиров шаҳар ҳокими М. Усмонов ва фаоллар билан биргаликда Саховат кўчасида яшовчи Маъмурахон она хонадонида ташкил этилган ифторлик дастурхонида иштирок этди. Хонадон аҳли билан дилдан суҳбат қурилиб, юртимиз тинчлиги ва фаровонлиги учун дуолар қилинди.

***

“Ramazon — mehr-muruvvat, ahillik va shukronalik oyi” shiori ostida amalga oshirilayotgan xayrli ishlar ko‘lami tobora kengayib bormoqda. Bu ezgu sa’y-harakatlar xalqimizga, ayniqsa, mehr va e’tiborga muhtoj insonlarga katta quvonch va umid bag‘ishlamoqda.

Uchko‘prik tumani “Qaqir” jome masjidi imom-xatibi Rahmatxo‘ja domla Zokirov homiylarni jalb qilgan holda ko‘zida jarrohlik amaliyoti o‘tkazilishi zarur bo‘lgan 3 yoshli bolajonga 50 million so‘m miqdorida xayriya yordami ko‘rsatdi.

Quvasoy shahrida Alisher domla Naimov boshchiligida “Islom” masjidi xodimlari tomonidan Ramazon munosabati bilan 5 ta xonadonga oziq-ovqat mahsulotlari ulashildi. Shuningdek, hududdagi ehtiyojmand fuqarolar holidan xabar olindi.

O‘zbekiston tumani “Oqtepa” jome masjidi imom-xatibi Adhamjon domla Yuldashev boshchiligida homiylar ko‘magi bilan Oqtepa mahallasida yashovchi bir xonadonda iftorlik dasturxoni tashkil etildi. Adhamjon domla marosimda ishtirok etib, xonadon ahli bilan samimiy suhbat qurdi. Shuningdek, ularga oziq-ovqat mahsulotlari hamda farzandlari uchun kiyim-kechaklar topshirildi.

Quva tumani “Imom Buxoriy” jome masjidi imom-xatibi Muslimbek domla Yuldashaliyev tashabbusi bilan hojilar homiyligida 30 ta ehtiyojmand oilaga Ramazon munosabati bilan oziq-ovqat mahsulotlari tarqatildi.

Qo‘qon shahar “Avg‘onbog‘” masjidi imom-noibi Saidxon domla Zokirov shahar hokimi M. Usmonov va faollar bilan birgalikda Saxovat ko‘chasida yashovchi Ma’muraxon ona xonadonida tashkil etilgan iftorlik dasturxonida ishtirok etdi. Xonadon ahli bilan dildan suhbat qurilib, yurtimiz tinchligi va farovonligi uchun duolar qilindi.

Ушбу платформадан самарали фойдаланишни йўлга қўйиш мақсадида Фарғона шаҳрида имом-хатиблар учун тадбир ташкил этилди. Унда Фарғона вилояти бош имом-хатиби Убайдуллоҳ домла Абдуллаев, ЎМИ масжидлар билан ишлаш бўлими етакчи мутахассиси Дилмурод Рахимов, шунингдек, Фарғона, Андижон ва Наманган вилоятларидан ташриф буюрган шаҳар ва туман бош имом-хатиблари ҳамда вакилликларнинг кадрлар ва масжидлар билан ишлаш бўйича мутахассислари иштирок этдилар.

Мазкур электрон платформа имом-хатиблар фаолиятини таҳлил қилиш, ҳисоботларни электрон шаклда юритиш, режа ва натижаларни аниқ кўрсаткичлар орқали баҳолаш имконини беради. Шунингдек, KPI (асосий самарадорлик кўрсаткичлари) тизими орқали соҳа ходимлари фаолиятини баҳолаб бориш механизми жорий этилаётгани алоҳида таъкидланди.

Тақдимот жараёнида платформада имом-хатиблар фойдаланадиган қисмлар, шунингдек, модератор ва администраторлар учун мўлжалланган бўлимлар бўйича батафсил тушунчалар берилди. Иштирокчилар платформа орқали маълумот киритиш, таҳрирлаш, назорат қилиш ва умумий таҳлилларни амалга ошириш тартиблари билан яқиндан танишдилар.

Тадбир якунида иштирокчилар мазкур электрон платформа имом-хатиблар фаолиятини самарали ташкил этиш, вақт ва ресурсларни тежаш, шунингдек, жойларда олиб борилаётган ишлар сифатини янада оширишга хизмат қилишини таъкидладилар. Шу билан бирга, бундай замонавий ёндашувлар диний-маърифий соҳадаги ишларни тизимли ва мақсадли равишда ривожлантиришга муҳим ҳисса қўшиши қайд этилди.

***

Imom-xatiblar tomonidan olib borilayotgan ishlarni yangi bosqichga ko‘tarish, faoliyatni zamonaviy talablar asosida takomillashtirish, xususan, sohadagi ishlarni raqamlashtirgan holda umumlashtirib borish, ma’lumotlar bazasini tizimli shakllantirish hamda shaffoflikni ta’minlash maqsadida O‘zbekiston musulmonlari idorasi raisi, muftiy shayx Nuriddin Xoliqnazar hazratlarining tashabbuslari bilan elektron platforma joriy qilindi.

Ushbu platformadan samarali foydalanishni yo‘lga qo‘yish maqsadida Farg‘ona shahrida imom-xatiblar uchun tadbir tashkil etildi. Unda Farg‘ona viloyati bosh imom-xatibi Ubaydulloh domla Abdullayev, O‘MI masjidlar bilan ishlash bo‘limi yetakchi mutaxassisi Dilmurod Raximov, shuningdek, Farg‘ona, Andijon va Namangan viloyatlaridan tashrif buyurgan shahar va tuman bosh imom-xatiblari hamda vakilliklarning kadrlar va masjidlar bilan ishlash bo‘yicha mutaxassislari ishtirok etdilar.

Mazkur elektron platforma imom-xatiblar faoliyatini tahlil qilish, hisobotlarni elektron shaklda yuritish, reja va natijalarni aniq ko‘rsatkichlar orqali baholash imkonini beradi. Shuningdek, KPI (asosiy samaradorlik ko‘rsatkichlari) tizimi orqali soha xodimlari faoliyatini baholab borish mexanizmi joriy etilayotgani alohida ta’kidlandi.

Taqdimot jarayonida platformada imom-xatiblar foydalanadigan qismlar, shuningdek, moderator va administratorlar uchun mo‘ljallangan bo‘limlar bo‘yicha batafsil tushunchalar berildi. Ishtirokchilar platforma orqali ma’lumot kiritish, tahrirlash, nazorat qilish va umumiy tahlillarni amalga oshirish tartiblari bilan yaqindan tanishdilar.

Tadbir yakunida ishtirokchilar mazkur elektron platforma imom-xatiblar faoliyatini samarali tashkil etish, vaqt va resurslarni tejash, shuningdek, joylarda olib borilayotgan ishlar sifatini yanada oshirishga xizmat qilishini ta’kidladilar. Shu bilan birga, bunday zamonaviy yondashuvlar diniy-ma’rifiy sohadagi ishlarni tizimli va maqsadli ravishda rivojlantirishga muhim hissa qo‘shishi qayd etildi.

Мусобақада соҳа тизимида фаолият юритаётган ходимлардан тузилган жамоалар иштирок этиб, ўзаро қизиқарли ва муросасиз беллашувлар намойиш этдилар. Қизиқарли ва кескин ўтган ўйинлар якунида ғолиблар аниқланди.

Якуний натижаларга кўра, воллейбол мусобақасида Ўзбекистон тумани жамоаси ғолибликни қўлга киритди. Шахмат турида Ўзбекистон тумани “Имом Жаъфар” масжиди имом-ноиби Пайғамов Ниёзбек биринчи ўринни эгаллаган бўлса, Қўштепа тумани “Сулаймонбек ҳожи” масжиди имом-ноиби Мирзараҳимов Муҳаммадюнус эса стол тенниси мусобақасида ғолиб деб топилди.

***

Sport musobaqalari insonning jismoniy faolligini oshirish, jamoaviylik va sog‘lom raqobat muhitini shakllantirishga xizmat qiladi. Salomatlikni mustahkamlash va sog‘lom turmush tarzini qaror toptirishda sportning ahamiyati beqiyos. Shu maqsadda Farg‘ona viloyatida O‘zbekiston musulmonlari idorasi raisi, muftiy shayx Nuriddin Xoliqnazar hazratlari tashabbusi bilan diniy soha vakillari o‘rtasida sportning volleybol, shaxmat hamda stol tennisi turlari bo‘yicha musobaqa tashkil etildi.

Musobaqada soha tizimida faoliyat yuritayotgan xodimlardan tuzilgan jamoalar ishtirok etib, o‘zaro qiziqarli va murosasiz bellashuvlar namoyish etdilar. Qiziqarli va keskin o‘tgan o‘yinlar yakunida g‘oliblar aniqlandi.

Yakuniy natijalarga ko‘ra, volleybol musobaqasida O‘zbekiston tumani jamoasi g‘oliblikni qo‘lga kiritdi. Shaxmat turida O‘zbekiston tumani “Imom Ja’far” masjidi imom-noibi Payg‘amov Niyozbek birinchi o‘rinni egallagan bo‘lsa, Qo‘shtepa tumani “Sulaymonbek hoji” masjidi imom-noibi Mirzarahimov Muhammadyunus esa stol tennisi musobaqasida g‘olib deb topildi.

Жорий йил, 15 декабрь санасида Ўзбекистон мусулмонлари идорасининг “Қуръон ва тажвидни ўргатиш” бўлими томонидан вилоятимиздаги имом-хатиблар учун “Қуръони карим ва тажвид илми” бўйича маҳорат дарслари бошланди. Унда 30 нафар имом-хатиб ва имом ноибларининг Қуръони карим қироатида қўлланиладиган мақомларлар асосида амалий машғулотлар ўтказиш режа қилинган.

Машғулотларни “Қуръон ва тажвидни ўргатиш” бўлими мутахассиси Абдулбосит қори Эшқобилов олиб бормоқда.

***

O‘zbekiston musulmonlari idorasi, muftiy Shayx Nuriddin Xoliqnazar hazratlarining tashabbuslari bilan imom-xatiblar va imom noiblarining Qur’oni karim va tajvid borasidagi ilmlarini yanada yaxshilash maqsadida mahorat darslari yo‘lga qo‘yildi.

Joriy yil, 15 dekabr sanasida O‘zbekiston musulmonlari idorasining “Qur’on va tajvidni o‘rgatish” bo‘limi tomonidan viloyatimizdagi imom-xatiblar uchun “Qur’oni karim va tajvid ilmi” bo‘yicha mahorat darslari boshlandi. Unda 30 nafar imom-xatib va imom noiblarining Qur’oni karim qiroatida qo‘llaniladigan maqomlarlar asosida amaliy mashg‘ulotlar o‘tkazish reja qilingan.

Mashg‘ulotlarni “Qur’on va tajvidni o‘rgatish” bo‘limi mutaxassisi Abdulbosit qori Eshqobilov olib bormoqda.

Бугун, 2025 йил 18 ноябрь куни «Қуръон ва тажвидни ўргатиш» бўлими ҳамда Масжидлар билан ишлаш бўлими ҳамкорлигида навбатдаги дарслар бошланди. Ушбу машғулотлар Сурхондарё, Сирдарё ва Наманган вилоятларидаги масжид имом-хатиблари ва имом ноиблари учун тажвид қоидаларига асосланган тўғри қироатни мустаҳкамлашга қаратилган.

Жорий куннинг ўзида Наманган ва Сурхондарё вилоятларида илк амалий машғулотлар ўтказилди.

Наманган вилоятида дарсларни Абдуллоҳ қори Хайдаров,
Сурхондарё вилоятида эса Абдулбосит қори Эшқобилов олиб бормоқда.

***

O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbuslari bilan imom-xatiblar va imom noiblari uchun tashkil etilgan maxsus «Tajvid darslari» tizimli tarzda davom ettirilmoqda.

Bugun, 2025 yil 18 noyabr kuni «Qur’on va tajvidni o‘rgatish» bo‘limi hamda Masjidlar bilan ishlash bo‘limi hamkorligida navbatdagi darslar boshlandi. Ushbu mashg‘ulotlar Surxondaryo, Sirdaryo va Namangan viloyatlaridagi masjid imom-xatiblari va imom noiblari uchun tajvid qoidalariga asoslangan to‘g‘ri qiroatni mustahkamlashga qaratilgan.

Joriy kunning o‘zida Namangan va Surxondaryo viloyatlarida ilk amaliy mashg‘ulotlar o‘tkazildi.

Namangan viloyatida darslarni Abdulloh qori Xaydarov,
Surxondaryo viloyatida esa Abdulbosit qori Eshqobilov olib bormoqda.

Ўзбекистон мусулмонлари идораси Фарғона вилояти вакиллиги ташаббуси билан вилоятда фаолият юритаётган имом-хатиб ва имом-ноиблари ўртасида спортнинг энг оммавий турларидан бири — футбол бўйича мусобақа бошланди.

Бугун мазкур мусобақанинг туманлараро босқичига старт берилди. Унда Қўқон шаҳри ҳамда Учкўприк, Данғара ва Бағдод тумани иштирокчилари ўзаро маҳоратларини синашади.

Эртага ҳам шаҳар/туман босқичи давом этиб, унда Фарғона, Марғилон, Қувасой шаҳарлари ҳамда Тошлоқ тумани имомлари ўртасида беллашувлар бўлиб ўтади.

20 август куни эса мусобақанинг якунловчи финал босқичи ўтказилади.

***

Dinimiz inson hayotining faqat maʼnaviy va ruhiy kamolotiga emas, balki uning jismoniy salomatligiga ham katta ahamiyat qaratgan. Insonning eʼtiqodi mustahkam boʼlishi bilan birga, uning tani sogʼlom, jismi baquvvat va har qanday mashaqqatlarga bardoshli boʼlishi ham muhimdir. Hadisi sharifda: «Kuchli moʼmin Аlloh huzurida kuchsiz moʼmindan yaxshiroq va mahbubroqdir», — deyilgan.

Oʼzbekiston musulmonlari idorasi Fargʼona viloyati vakilligi tashabbusi bilan viloyatda faoliyat yuritayotgan imom-xatib va imom-noiblari oʼrtasida sportning eng ommaviy turlaridan biri — futbol boʼyicha musobaqa boshlandi.

Bugun mazkur musobaqaning tumanlararo bosqichiga start berildi. Unda Qoʼqon shahri hamda Uchkoʼprik, Dangʼara va Bagʼdod tumani ishtirokchilari oʼzaro mahoratlarini sinashadi.

Ertaga ham shahar/tuman bosqichi davom etib, unda Fargʼona, Margʼilon, Quvasoy shaharlari hamda Toshloq tumani imomlari oʼrtasida bellashuvlar boʼlib oʼtadi.

20 avgust kuni esa musobaqaning yakunlovchi final bosqichi oʼtkaziladi.

Шу муносабат билан Ўзбекистон халқаро исломшунослик академиясида бўлиб ўтган ўқув курсининг очилиш маросимида Ўзбекистон мусулмонлари идораси раисининг биринчи ўринбосари Ҳомиджон домла Ишматбеков, Дин ишлари бўйича қўмита бошқарма бошлиғи Муҳиддин Ҳакимов, мазкур институт директори Ҳусниддин Аҳмедов ва тингловчилар иштирок этди.

Тадбирда Ҳомиджон домла бугунги мураккаб давр барча соҳа вакиллари қаторида имом домлалардан ҳам ўз билим ва малакаларини доимий ошириб бориш, инсонларни тўғри йўлга бошлаш, аҳоли, айниқса, ёшларни турли ёт ғоялар таъсиридан асраш йўлида жидду жаҳд қилишни талаб этаётганини таъкидлади. Шунингдек, нотиқлар мазкур курснинг аҳамияти ҳақида сўз юритди.

Икки ҳафта давом этадиган мазкур ўқувда бугунги кунда долзарб бўлган мавзуларда дарс машғулатлари олиб борилади.

***

Shu yil, 16 iyul kuni Qoraqalpog‘iston Respublikasi, viloyatlar va Toshkent shahridagi masjidlarda faoliyat yuritayotgan 80 nafardan ziyod voiz imom domlalar uchun Diniy-ma’rifiy sohada malaka oshirish va qayta tayyorlash institutida “Zamonaviy axborot makonida diniy-ma’rifiy soha mutaxassislarining media-targ‘ibot faoliyatini takomillashtirishning dolzarb jihatlari” mavzusida 72 soatlik malaka oshirish o‘quvi boshlandi.

Shu munosabat bilan O‘zbekiston xalqaro islomshunoslik akademiyasida bo‘lib o‘tgan o‘quv kursining ochilish marosimida O‘zbekiston musulmonlari idorasi raisining birinchi o‘rinbosari Homidjon domla Ishmatbekov, Din ishlari bo‘yicha qo‘mita boshqarma boshlig‘i Muhiddin Hakimov, mazkur institut direktori Husniddin Ahmedov va tinglovchilar ishtirok etdi.

Tadbirda Homidjon domla bugungi murakkab davr barcha soha vakillari qatorida imom domlalardan ham o‘z bilim va malakalarini doimiy oshirib borish, insonlarni to‘g‘ri yo‘lga boshlash, aholi, ayniqsa, yoshlarni turli yot g‘oyalar ta’siridan asrash yo‘lida jiddu jahd qilishni talab etayotganini ta’kidladi. Shuningdek, notiqlar mazkur kursning ahamiyati haqida so‘z yuritdi.

Ikki hafta davom etadigan mazkur o‘quvda bugungi kunda dolzarb bo‘lgan mavzularda dars mashg‘ulatlari olib boriladi.