Маросимда нутқ қилган Убайдуллоҳ домла Абдуллаев юртимизда олиб борилаётган ислоҳотлар, жумладан, масжидлар обод бўлиб, намозхонлар учун қулай шарт-шароитлар ҳозирланаётганлиги, улар нафақат кўркам, балки мустаҳкам тарзда бунёд этилаётгани эътиборга молик эканини қайд этди. «Хўжа Порсо» масжиди замонавий ва миллий услубни ўзида жам қилган ҳолда бунёд этилгани, бу нафақат халқимиз, балки хорижликларни ҳам  ҳайратлантира оладиган иншоот бўлгани таъкидланди. Шунингдек, масжидлар Аллоҳнинг байти, бу даргоҳда мўмин-мусулмонлар Аллоҳга ибодат қилишлари, маърифат ҳосил қилиш мақсади билан жам бўлишлари, мўмин-мусулмонлар бу жойдан ҳосил қилаётган маърифати сабаб жамиятда энг намунали шахс бўлиши динимиз кўрсатмаси экани ҳақида тўхталинди.

«Хўжа Порсо» масжидининг янги биноси 2 минг кишини ўз бағрига сиғдира олади. Замонавий шароит ва имкониятлар асосида ишланган таҳоратхонада ҳам барча қулайликлар муҳайё қилинган. Ташриф буюрган киши борки, бинонинг барча қисмида миллий услубнинг мавжуд эканини ҳис қилади.

Аллоҳ таоло ушбу Байтуллоҳни халқимиз учун муборакли айласин!

***

Marg‘ilon shahridagi «Xo‘ja Porso» masjidi qayta qurilib, foydalanishga topshirildi. Shu munosabat bilan tadbir bo‘lib o‘tdi. Unda viloyat bosh imom-xatibi Ubaydulloh domla Abdullayev, hokimlik mas’ullari, bir guruh ulamolar va nuroniylar ishtirok etdi.

Marosimda nutq qilgan Ubaydulloh domla Abdullayev yurtimizda olib borilayotgan islohotlar, jumladan, masjidlar obod bo‘lib, namozxonlar uchun qulay shart-sharoitlar hozirlanayotganligi, ular nafaqat ko‘rkam, balki mustahkam tarzda bunyod etilayotgani e’tiborga molik ekanini qayd etdi. «Xo‘ja Porso» masjidi zamonaviy va milliy uslubni o‘zida jam qilgan holda bunyod etilgani, bu nafaqat xalqimiz, balki xorijliklarni ham  hayratlantira oladigan inshoot bo‘lgani ta’kidlandi. Shuningdek, masjidlar Allohning bayti, bu dargohda mo‘min-musulmonlar Allohga ibodat qilishlari, ma’rifat hosil qilish maqsadi bilan jam bo‘lishlari, mo‘min-musulmonlar bu joydan hosil qilayotgan ma’rifati sabab jamiyatda eng namunali shaxs bo‘lishi dinimiz ko‘rsatmasi ekani haqida to‘xtalindi.

«Xo‘ja Porso» masjidining yangi binosi 2 ming kishini o‘z bag‘riga sig‘dira oladi. Zamonaviy sharoit va imkoniyatlar asosida ishlangan tahoratxonada ham barcha qulayliklar muhayyo qilingan. Tashrif buyurgan kishi borki, binoning barcha qismida milliy uslubning mavjud ekanini his qiladi.

Alloh taolo ushbu Baytullohni xalqimiz uchun muborakli aylasin!

Танқидий чиқишларда қайд этилганидек 1869 йилда эмас, балки 1918 йилда қурилган ушбу масжид биноси хом ғиштдан барпо этилган бўлиб, бино деворлари ёрилгани, пойдеворнинг чўкиб кетгани кузатилгани, шунингдек, бино томининг ибодат пайтида қулаб тушиш хавфи пайдо бўлгани сабабли 2019 йилда бинони техник экспертизадан ўтказиш бўйича қурилиш соҳасида назорат органларига масжид маъмурияти томонидан мурожаат йўлланган.

2019 йил ноябрда олиб борилган техник экспертиза давомида биносининг конструктив ва тузилмавий ечимлари меъёрий хавфсизлик талабларига жавоб бермаслиги, хом ғиштдан қурилган бинонинг деворлар конструкциясида ҳамда пойдеворда чўкиш ёки ёрилишлар мавжудлиги, намлик таъсирида деворнинг уқаланишга бошлаганлиги, “юк кўтарувчи ва тўсиқ конструкциялар” меъёрий ҳужжатлари талабларига умуман мос келмай қолганлиги аниқланган.

Бинони реставрация ёки реконструкция қилиш имкониятлари йўқлиги сабабли, бузиб қайта қуриш бўйича лойиҳа ишлаб чиқилган ҳамда масъул идоралар экспертлари хулосаси олинган. Бугунги кунда эски масжид ўрнида 1500 ўринли бўлган барча қулайликларга эга замонавий янги масжид биноси қад ростламоқда. Ушбу маълумотлар Фарғона вилояти ҳокимлиги Ахборот хизмати томонидан билдирилган муносабатда ҳам ўз аксини топган.

Шу ўринда таъкидлаш лозимки, бугун юртимизда диний-маърифий соҳага, хусусан масжидларга қаратилаётган эътибор кишини қувонтиради. Юртимиз масжидлари обод қилиняпти, қайта чирой очяпти, айримлари таъмирланаётган бўлса, бошқалари қайта қуриляпти. Бунда масжидга келаётган намозхонларга қулай шарт-шароитлар яратиш, жамоат хавфсизлигини таъминлаш асосий омилдир. Шу маънода Марғилон шаҳридаги “Хўжа Порсо” масжидининг қайта қурилиши сабаблари ҳам юқорида қайд этилди.

Яна бир нарса, яқин-яқинда ҳам бошқа мамлакатлардаги масжидларни кўриб ҳавас қилардик. Бугун эса бошқаларнинг бизга ҳаваси келмоқда. Қолаверса, қўлида моддий имконияти бўла туриб масжид қуролмай ўтган боболаримиз ҳам бўлган. Чунки ўша вақтда бундай шароит бўлмагани уларни бу каби хайрли ишларни амалга оширишга имкон туғдирмаган. Бугун эса имкон бўлиб тургандан «қилдан қийиқ ахтарадиган»ларни кўриб хайрон қоласан?!

Биз ҳар қандай оммавий ахборот воситалари, блогер ва журналистларни ҳурмат қиламиз ҳамда улар билан холис ва яхшилик йўлида ҳамкорлик қилишдан мамнун бўламиз. Аммо журналистиканинг одоб-ахлоқ меъёрларига бепарволик қилиш, эълон қилинаётган ахборотни тўлиқ ўрганмай, тагига етмай чиқариб юбориш динимизда ҳам қораланган. Ҳужурот сурасининг 6-оятида: «Эй иймон келтирганлар! Агар фосиқ хабар келтирса, аниқлаб кўринглар, билмай бир қавмга мусибат етказиб қўйиб, қилганингизга надомат чекувчи бўлманглар», дея марҳамат қилган. Агар динимизнинг бу кўрсатмасига амал қилинмаса, одамлар орасида бир-бирига нисбатан адоват юзага келиш хавфи бор эканини унутмаслик керак. Шундай экан, обод қилаётган кишини ёнига киринг, турли хил иғволарга сабаб бўлиб, унинг «оёғига болта урманг». Аллоҳ барчамизни ҳидоятда қилсин!

Ўзбекистон мусулмонлари идораси Фарғона вилояти вакиллиги Ахборот хизмати