Давлатимиз раҳбари ташаббуси билан Малайзияга ташриф давомида, бевосита ушбу давлатнинг президенти билан мулоқотда Малайзия давлати Ислом молияси масалалари бўйича Ўзбекистонда амалга оширилаётган ишларга катта қизиқиш билдирган эди.

Шу вақтга қадар фақат Малайзияда ташкил этиб келинган Халқаро исломий молия олимлари форуми (ISSF)нинг йигирманчиси Тошкент шаҳрида ўтказилмоқда.  Ўзбекистон Республикаси Марказий банки тадбирнинг стратегик ҳамкори сифатида унинг халқаро даражада юқори савияда ўтказилишини таъминлади. Шунингдек, мамлакатдаги етакчи тижорат банклари  ва молия ташкилотлари форумни қўллаб-қувватламоқда.

Форумнинг асосий мақсади исломий молияни ривожлантириш, илғор амалиётларни молия тизимига жорий этиш, олимлар, бошқарувчилар, стандартларни белгиловчи ташкилотлар ва соҳа мутахассислари ўртасида ҳамкорликни мустаҳкамлаш ҳамда исломий ҳуқуққа оид масалалар юзасидан фикр алмашиш майдонини яратишга қаратилган.

Ушбу нуфузли тадбирда Ўзбекистон мусулмонлари идораси ҳузуридаги Фатво маркази директори ўринбосари Ғуломиддин домла Холбоев ҳам иштирок этиб, «Ўзбекистонда ислом молияси хизматларини йўлга қўйиш истиқболлари» мавзусида маъруза қилди.

Форум доирасида ислом молия тизимига ўтиш жараёни, молиявий маҳсулотлар, ҳуқуқий ва меъёрий қийинчиликлар, амалиётдаги муаммолар ва уларнинг ечимлари муҳокама қилинди.

Тадбир Ўзбекистон учун ислом молияси соҳасида муҳим қадам бўлиб, мамлакатнинг ислом молиясида минтақавий марказ сифатидаги мавқеини мустаҳкамлашга хизмат қилади.

Шуни алоҳида айтиш жоизки, форумда халқаро экспертлар Ўзбекистон ислом молиясига тайёр эканини қайд этишди. Жорий йилнинг 16 сентябрь куни Ўзбекистонда ислом банкини жорий этиш тўғрисидаги қонун лойиҳаси биринчи ўқишдаёқ қабул қилингани ҳам шундан далолат беради. Бундай қонуннинг қабул қилиниши аҳоли ва тадбиркорларимизга қўшимча молиявий хизматлардан фойдаланиш имкониятини беради. Мазкур қонун лойиҳаси билан Солиқ ва Фуқаролик кодекслари ҳамда 8 та қонунга ўзгартириш ва қўшимчалар киритилмоқда. Хусусан, қонунчиликка исломий банк фаолияти, исломий молия операциялари ва стандартлари ҳамда инвестициявий депозит тушунчалари киритилмоқда. Исломий банк фаолиятини амалга ошириш ҳуқуқини берувчи лицензия жорий қилиниб, уни олиш бўйича талаблар белгиланмоқда.

Ўзбекистон мусулмонлари идораси
Матбуот хизмати

***

Davlatimiz rahbari tashabbusi bilan Malayziyaga tashrif davomida, bevosita ushbu davlatning prezidenti bilan muloqotda Malayziya davlati Islom moliyasi masalalari bo‘yicha O‘zbekistonda amalga oshirilayotgan ishlarga katta qiziqish bildirgan edi.

Shu vaqtga qadar faqat Malayziyada tashkil etib kelingan Xalqaro islomiy moliya olimlari forumi (ISSF)ning yigirmanchisi Toshkent shahrida o‘tkazilmoqda.  O‘zbekiston Respublikasi Markaziy banki tadbirning strategik hamkori sifatida uning xalqaro darajada yuqori saviyada o‘tkazilishini ta’minladi. Shuningdek, mamlakatdagi yetakchi tijorat banklari  va moliya tashkilotlari forumni qo‘llab-quvvatlamoqda.

Forumning asosiy maqsadi islomiy moliyani rivojlantirish, ilg‘or amaliyotlarni moliya tizimiga joriy etish, olimlar, boshqaruvchilar, standartlarni belgilovchi tashkilotlar va soha mutaxassislari o‘rtasida hamkorlikni mustahkamlash hamda islomiy huquqqa oid masalalar yuzasidan fikr almashish maydonini yaratishga qaratilgan.

Ushbu nufuzli tadbirda O‘zbekiston musulmonlari idorasi huzuridagi Fatvo markazi direktori o‘rinbosari G‘ulomiddin domla Xolboyev ham ishtirok etib, «O‘zbekistonda islom moliyasi xizmatlarini yo‘lga qo‘yish istiqbollari» mavzusida ma’ruza qildi.

Forum doirasida islom moliya tizimiga o‘tish jarayoni, moliyaviy mahsulotlar, huquqiy va me’yoriy qiyinchiliklar, amaliyotdagi muammolar va ularning yechimlari muhokama qilindi.

Tadbir O‘zbekiston uchun islom moliyasi sohasida muhim qadam bo‘lib, mamlakatning islom moliyasida mintaqaviy markaz sifatidagi mavqeini mustahkamlashga xizmat qiladi.

Shuni alohida aytish joizki, forumda xalqaro ekspertlar O‘zbekiston islom moliyasiga tayyor ekanini qayd etishdi. Joriy yilning 16 sentyabr kuni O‘zbekistonda islom bankini joriy etish to‘g‘risidagi qonun loyihasi birinchi o‘qishdayoq qabul qilingani ham shundan dalolat beradi. Bunday qonunning qabul qilinishi aholi va tadbirkorlarimizga qo‘shimcha moliyaviy xizmatlardan foydalanish imkoniyatini beradi. Mazkur qonun loyihasi bilan Soliq va Fuqarolik kodekslari hamda 8 ta qonunga o‘zgartirish va qo‘shimchalar kiritilmoqda. Xususan, qonunchilikka islomiy bank faoliyati, islomiy moliya operatsiyalari va standartlari hamda investitsiyaviy depozit tushunchalari kiritilmoqda. Islomiy bank faoliyatini amalga oshirish huquqini beruvchi litsenziya joriy qilinib, uni olish bo‘yicha talablar belgilanmoqda.

O‘zbekiston musulmonlari idorasi
Matbuot xizmati

Унда нуфузли халқаро ташкилотлар вакиллари, таниқли уламолар, соҳа экспертлари қаторида Стратегик ва минтақалараро тадқиқотлар интитути директори Элдор Арипов, Ўзбекистон Республикаси Президентининг маслаҳатчиси Русланбек Давлетов, Олий Мажлис Сенати раисининг биринчи ўринбосари Содиқ Сафоев, Президент маслаҳатчиси ўринбосари, Ўзбекистон халқаро исломшунослик академияси ректори Музаффар Комилов, Дин ишлари бўйича қўмита раиси Содиқ Тошбоев ва Ўзбекистон мусулмонлари идораси раиси ўринбосари Зайниддин домла Эшонқулов иштирок этмоқда.

«Декларациялар мулоқоти» халқаро форуми Президент Шавкат Мирзиёев ташаббуси билан БМТ Бош Ассамблеясининг 2018 йил қабул қилинган «Маърифат ва диний бағрикенглик» Махсус резолюциясида мустаҳкамланган тамойил ва қоидаларни ҳаётга татбиқ этиш бўйича Ўзбекистон Республикаси олиб бораётган изчил ишларнинг бир қисми бўлиб, 2020 йилда давлатимиз раҳбари томонидан тасдиқланган Инсон ҳуқуқлари бўйича Ўзбекистон Миллий стратегияси мақсадларига эришишга хизмат қилади.

“Диний эркинликни таъминлаш: Ўзбекистондаги ислоҳотлар ва халқаро ҳамкорликнинг ўрни” деб номланган ялпи мажлисда “LYNC” ННТ (АҚШ) вакили Крис Сайпл, БАА Фатво кенгаши раиси Шайх Абдуллоҳ бин Байя, Жаҳон мусулмонлари лигаси Бош котиби Шайх Муҳаммад бин Абдулкарим Ал-Исо каби нуфузли иштирокчиларнинг чиқиш ва видеомурожаатлари тингланди.

Халқаро форум давомида Ўзбекистон мусулмонлари идораси раиси ўринбосари Зайниддин домла Эшонқулов сўзга чиқиб, иштирокчиларга ҳозирда сафарда бўлиб турган Муфтий Шайх Нуриддин Холиқназар ҳазратларининг салом ва табрикларини етказиб, мавзу доирасида маъруза қилди. У ўз сўзи давомида дунёнинг турли жойларида нотинчлик бўлиб турган вақтда тинчлик ва бағрикенгликка бағишланган форумнинг ўтказилиши ва унда дунёнинг кўплаб давлатларидан турли дин вакиллари жам бўлгани катта воқеа экани, бу ерга йиғилган маърифат аҳллари томонидан қабул қилинадиган декларацияни амалиётга жорий қилиш инсоният фаровонлигига хизмат қилишини таъкидлади.Шунингдек, тадбир доирасида турли мамлакатлар диншунос олимлари, амалиётчи мутахассисларига жамиятда тинчлик ва тотувликни сақлаб туришнинг муҳим шарти сифатида деклациялараро самарали мулоқот ўрнатиш соҳасидаги энг яхши халқаро амалиёт, илғор хорижий тажрибалар намойиш этилмоқда.

***

Bugun, 10 sentyabrь kuni poytaxtimizdagi International hotel Tashkent mehmonxonasida «Deklaratsiyalar muloqoti» II xalqaro forumi oʼz ishini boshladi.

Unda nufuzli xalqaro tashkilotlar vakillari, taniqli ulamolar, soha ekspertlari qatorida Strategik va mintaqalararo tadqiqotlar intituti direktori Eldor Аripov, Oʼzbekiston Respublikasi Prezidentining maslahatchisi Ruslanbek Davletov, Oliy Majlis Senati raisining birinchi oʼrinbosari Sodiq Safoev, Prezident maslahatchisi oʼrinbosari, Oʼzbekiston xalqaro islomshunoslik akademiyasi rektori Muzaffar Komilov, Din ishlari boʼyicha qoʼmita raisi Sodiq Toshboev va Oʼzbekiston musulmonlari idorasi raisi oʼrinbosari Zayniddin domla Eshonqulov ishtirok etmoqda.

«Deklaratsiyalar muloqoti» xalqaro forumi Prezident Shavkat Mirziyoev tashabbusi bilan BMT Bosh Аssambleyasining 2018 yil qabul qilingan «Maʼrifat va diniy bagʼrikenglik» Maxsus rezolyutsiyasida mustahkamlangan tamoyil va qoidalarni hayotga tatbiq etish boʼyicha Oʼzbekiston Respublikasi olib borayotgan izchil ishlarning bir qismi boʼlib, 2020 yilda davlatimiz rahbari tomonidan tasdiqlangan Inson huquqlari boʼyicha Oʼzbekiston Milliy strategiyasi maqsadlariga erishishga xizmat qiladi.

“Diniy erkinlikni taʼminlash: Oʼzbekistondagi islohotlar va xalqaro hamkorlikning oʼrni” deb nomlangan yalpi majlisda “LYNC” NNT (АQSh) vakili Kris Saypl, BАА Fatvo kengashi raisi Shayx Аbdulloh bin Bayya, Jahon musulmonlari ligasi Bosh kotibi Shayx Muhammad bin Аbdulkarim Аl-Iso kabi nufuzli ishtirokchilarning chiqish va videomurojaatlari tinglandi.

Xalqaro forum davomida Oʼzbekiston musulmonlari idorasi raisi oʼrinbosari Zayniddin domla Eshonqulov soʼzga chiqib, ishtirokchilarga hozirda safarda boʼlib turgan Muftiy Shayx Nuriddin Xoliqnazar hazratlarining salom va tabriklarini yetkazib, mavzu doirasida maʼruza qildi. U oʼz soʼzi davomida dunyoning turli joylarida notinchlik boʼlib turgan vaqtda tinchlik va bagʼrikenglikka bagʼishlangan forumning oʼtkazilishi va unda dunyoning koʼplab davlatlaridan turli din vakillari jam boʼlgani katta voqea ekani, bu yerga yigʼilgan maʼrifat ahllari tomonidan qabul qilinadigan deklaratsiyani amaliyotga joriy qilish insoniyat farovonligiga xizmat qilishini taʼkidladi.Shuningdek, tadbir doirasida turli mamlakatlar dinshunos olimlari, amaliyotchi mutaxassislariga jamiyatda tinchlik va totuvlikni saqlab turishning muhim sharti sifatida deklatsiyalararo samarali muloqot oʼrnatish sohasidagi eng yaxshi xalqaro amaliyot, ilgʼor xorijiy tajribalar namoyish etilmoqda.

Жорий йил 5 май куни Самарқандда бўлиб ўтадиган Марказий Осиё ва Кўрфаз араб давлатлари раҳбарлари иккинчи саммити арафасида ташкил этилаётган мазкур тадбир ушбу йирик халқаро анжуманга тайёргарлик жараёнини экспертлар даражасида таҳлил қилиш учун муҳим майдон бўлиб хизмат қилади.

Форумда Ўзбекистон, Қозоғистон, Қирғизистон, Тожикистон, Туркманистон, Саудия Арабистони, Қатар, БАА, Ўмон каби давлатлардан етакчи таҳлилий, дипломатик ва академик муассасаларнинг 40 нафарга яқин таниқли эксперт иштирок этади. Улар орасида илмий тадқиқотчилар, ҳукумат ва мустақил илмий-тадқиқот марказлари вакиллари, ёндош университетлар вакиллари ҳам бор.

Учрашув давомида икки минтақа ҳамкорлигининг асосий йўналишлари муҳокама қилинади. Хусусан, транспорт ва минтақавий боғлиқлик, энергетика, озиқ-овқат ва иқлим хавфсизлиги каби мавзулар кун тартибидан ўрин олган.

Форум якунида дипломатик корпус, илмий доира ва ОАВ вакиллари билан уюштириладиган матбуот брифингида эксперт муҳокамаси давомида ишлаб чиқилган асосий хулоса, тавсиялар тақдим этилади.

Ғ.Хонназаров, ЎзА

***

21-22 aprel kunlari Markaziy Osiyo xalqaro instituti Londondagi “Bourse & Bazaar” jamg‘armasi bilan hamkorlikda Markaziy Osiyo mamlakatlari va Ko‘rfaz arab davlatlari hamkorlik kengashi yetakchi tahliliy markazlari vakillari ishtirokida davra suhbati tashkil etadi.

Joriy yil 5 may kuni Samarqandda bo‘lib o‘tadigan Markaziy Osiyo va Ko‘rfaz arab davlatlari rahbarlari ikkinchi sammiti arafasida tashkil etilayotgan mazkur tadbir ushbu yirik xalqaro anjumanga tayyorgarlik jarayonini ekspertlar darajasida tahlil qilish uchun muhim maydon bo‘lib xizmat qiladi.

Forumda O‘zbekiston, Qozog‘iston, Qirg‘iziston, Tojikiston, Turkmaniston, Saudiya Arabistoni, Qatar, BAA, O‘mon kabi davlatlardan yetakchi tahliliy, diplomatik va akademik muassasalarning 40 nafarga yaqin taniqli ekspert ishtirok etadi. Ular orasida ilmiy tadqiqotchilar, hukumat va mustaqil ilmiy-tadqiqot markazlari vakillari, yondosh universitetlar vakillari ham bor.

Uchrashuv davomida ikki mintaqa hamkorligining asosiy yo‘nalishlari muhokama qilinadi. Xususan, transport va mintaqaviy bog‘liqlik, energetika, oziq-ovqat va iqlim xavfsizligi kabi mavzular kun tartibidan o‘rin olgan.

Forum yakunida diplomatik korpus, ilmiy doira va OAV vakillari bilan uyushtiriladigan matbuot brifingida ekspert muhokamasi davomida ishlab chiqilgan asosiy xulosa, tavsiyalar taqdim etiladi.

G‘.Xonnazarov, O‘zA

Куннинг биринчи ярмида илмий анжуманнинг ялпи йиғилиши бўлиб ўтди. Унда Ўзбекистон Республикаси Сенати ва Олий Мажлиси аъзолари, Президент маслаҳатчилари, Ўзбекистон Ислом цивилизацияси маркази, Фанлар академияси ва бир қатор илмий-тадқиқот институт мутасадди ва профессор-ўқитувчилари, олимлар, уламолар, диний соҳа мутахассислари иштирок этди.

Анжуманда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари сўзга чиқиб: “Биз аждодларимиз билан доимо фахрланиб келамиз. Энди уларга муносиб бўлиш вақти келди. Ўзбекистондаги Ислом цивилизацияси марказида бунинг учун барча шароитлар муҳайё этилади, етук уламолар иштирокида учрашувлар қиламиз, илмий суҳбатлар қурамиз.

Марказда аждодларимизнинг асарлари тадқиқ этилади, таржималари амалга оширилади, таҳлил қилинади. Ушбу мақсадда Ўзбекистоннинг энг етакчи олимлари, мутахассислари, илмий изланувчилари, ҳатто хорижнинг етук алломалари жалб қилинади. Шу боис ушбу марказ юртимизда илмий изланиш олиб бораётган тадқиқотчиларнинг энг муҳим масканига айланишига ишонамиз”, дея таъкидлаб, Ўзбекистондаги Ислом цивилизацияси маркази келгусида чин маънода III Ренессанс асоси бўлишга умид билдирди.

Илмий анжуман давомида сўзга чиққанлар, Президентимизнинг бевосита ташаббуслари билан барпо этилаётган Ўзбекистондаги Ислом цивилизацияси маркази Марказий Осиёда ягона экани, у келгусида III Ренессанснинг маънавий-марифий устунларидан бирига айланиши ва бунинг учун бугунги кун олимлари олдида катта вазифалар тургани ҳақида фикр-мулоҳазалар билдирилди.

Куннинг иккинчи ярмида форум шўъбаларга бўлинган ҳолда давом этди. Ўзбекистон Ислом цивилизацияси марказининг келгуси фоаолиятига оид бағишланган семинарлар ва тақдимотлар бўлиб ўтди.

Форумда Ўзбекистон мусулмонлари идорасининг уламо ва имом-хатиблари фаол қатнашиб, мавзулар доирасида ўзининг таклиф ва мулоҳазаларини билдирдилар.

Эслатиб ўтамиз, вилоят боши имом-хатиби Убайдуллоҳ домла Абдуллаев ҳам ушбу форумда иштирок этмоқда.

* * *

Bugun poytaxtimizdagi Ma’rifat markazining Simpoziumlar saroyida O‘zbekistondagi Islom sivilizatsiyasi markazi tomonidan “Buyuk ajdodlar merosi – III Renessans asosi” O‘zbekiston olimlari forumi o‘z ishini davom ettirdi.

Kunning birinchi yarmida ilmiy anjumanning yalpi yig‘ilishi bo‘lib o‘tdi. Unda O‘zbekiston Respublikasi Senati va Oliy Majlisi a’zolari, Prezident maslahatchilari, O‘zbekiston Islom sivilizatsiyasi markazi, Fanlar akademiyasi va bir qator ilmiy-tadqiqot institut mutasaddi va professor-o‘qituvchilari, olimlar, ulamolar, diniy soha mutaxassislari ishtirok etdi.

Anjumanda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari so‘zga chiqib: “Biz ajdodlarimiz bilan doimo faxrlanib kelamiz. Endi ularga munosib bo‘lish vaqti keldi. O‘zbekistondagi Islom sivilizatsiyasi markazida buning uchun barcha sharoitlar muhayyo etiladi, yetuk ulamolar ishtirokida uchrashuvlar qilamiz, ilmiy suhbatlar quramiz.

Markazda ajdodlarimizning asarlari tadqiq etiladi, tarjimalari amalga oshiriladi, tahlil qilinadi. Ushbu maqsadda O‘zbekistonning eng yetakchi olimlari, mutaxassislari, ilmiy izlanuvchilari, hatto xorijning yetuk allomalari jalb qilinadi. Shu bois ushbu markaz yurtimizda ilmiy izlanish olib borayotgan tadqiqotchilarning eng muhim maskaniga aylanishiga ishonamiz”, deya ta’kidlab, O‘zbekistondagi Islom sivilizatsiyasi markazi kelgusida chin ma’noda III Renessans asosi bo‘lishga umid bildirdi.

Ilmiy anjuman davomida so‘zga chiqqanlar, Prezidentimizning bevosita tashabbuslari bilan barpo etilayotgan O‘zbekistondagi Islom sivilizatsiyasi markazi Markaziy Osiyoda yagona ekani, u kelgusida III Renessansning ma’naviy-marifiy ustunlaridan biriga aylanishi va buning uchun bugungi kun olimlari oldida katta vazifalar turgani haqida fikr-mulohazalar bildirildi.

Kunning ikkinchi yarmida forum sho‘balarga bo‘lingan holda davom etdi. O‘zbekiston Islom sivilizatsiyasi markazining kelgusi foaoliyatiga oid bag‘ishlangan seminarlar va taqdimotlar bo‘lib o‘tdi.

Forumda O‘zbekiston musulmonlari idorasining ulamo va imom-xatiblari faol qatnashib, mavzular doirasida o‘zining taklif va mulohazalarini bildirdilar.

Eslatib o‘tamiz, viloyat boshi imom-xatibi Ubaydulloh domla Abdullayev ham ushbu forumda ishtirok etmoqda.

Халқаро анжуманда БМТ альянси, ЮНEСКО, АЙСЕСКО, Жаҳон туризм ташкилоти ва дунёнинг турли мамлакатларидан келган диний конфессиялар етакчилари, маданият соҳаси вакиллари, вазирлар, таниқли уламолар, машҳур муфтийлар, профессор-олимлар, давлат, жамоат ва дин арбоблари ҳамда халқаро ташкилотлар раҳбарлари иштирок этмоқда.

Озарбайжон маданият вазири Одил Каримли ва Кавказ мусулмонлари идораси раиси Шайхулислом Оллоҳшукур Пошозоданинг таклифига биноан Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ҳам қатнашмоқда.

Форум жаҳон ҳамжамиятининг эътиборини яна бир бор замонавий таҳдидлар, тинчлик-хавфсизлик муаммолари, урушлар, қарама-қаршиликлар, динлараро муросасизлик кабиларга қаратиб, жаҳон ҳамжамиятини тинчлик-осойишталикни қарор топтиришга чақирмоқда. Шунингдек, илм-фан, таълим, ёшлар, иқлим ўзгариши, маданий меросни муҳофаза қилиш, ксенофобия ва ноқонуний миграция каби мавзулар муҳокама этилмоқда.

Сўзга чиққан нотиқлар “Динлар ва диний етакчиларнинг халқаро хавфсизликка қўшган ҳиссаси”, “Ижтимоий тармоқлар ва дин: имкониятлар ва муаммолар”, “Динлараро мулоқот орқали ишончни мустаҳкамлаш”, “Терроризм, диний ва ирқий муросасизлик, нафратга чақириш ва ксенофобия халқаро хавфсизликка таҳдид”, “Диннинг иқлим ўзгариши ва атроф-муҳит муаммоларига муносабати” каби мавзуларда чиқиш қилдилар.

Очилиш маросимидан кейин Озарбайжон Республикаси Президенти Илҳом Алиев жаноблари Туркий давлатлар муфтийлари билан тор доирада мулоқот ўтказди.

Ушбу форум доирасида «Динлараро мулоқот орқали ишончни мустаҳкамлаш” мавзусида диний етакчиларнинг Баку учрашуви ўтказилди. Унда Муфтий Шайх Нуриддин Холиқназар ҳазратлари нутқ сўзлаб, жаҳонда тинчлик-осойишталикни қарор топтиришда дин пешволарининг ўрни ҳақида сўз юритдилар.

Форум тадбирлари 3 майга қадар давом этади.

* * *

Bugun, 1 may kuni Ozarbayjonning Boku shahrida “Tinchlik va global xavfsizlik yo‘lidagi muloqot” mavzusida Butunjahon madaniyatlararo muloqotining VI forumi o‘z ishini boshladi. Ochilish marosimida Ozarbayjon Respublikasi Prezidenti Ilhom Aliyev ishtirokchilarga muvaffaqiyat tilab, mazkur anjuman madaniyatlararo muloqotning muhim maydoniga aylanayotganini bildirdi.

Xalqaro anjumanda BMT alyansi, YUNESKO, AYSЕSKO, Jahon turizm tashkiloti va dunyoning turli mamlakatlaridan kelgan diniy konfessiyalar yetakchilari, madaniyat sohasi vakillari, vazirlar, taniqli ulamolar, mashhur muftiylar, professor-olimlar, davlat, jamoat va din arboblari hamda xalqaro tashkilotlar rahbarlari ishtirok etmoqda.

Ozarbayjon madaniyat vaziri Odil Karimli va Kavkaz musulmonlari idorasi raisi Shayxulislom Ollohshukur Poshozodaning taklifiga binoan O‘zbekiston musulmonlari idorasi raisi, muftiy Shayx Nuriddin Xoliqnazar hazratlari ham qatnashmoqda.

Forum jahon hamjamiyatining e’tiborini yana bir bor zamonaviy tahdidlar, tinchlik-xavfsizlik muammolari, urushlar, qarama-qarshiliklar, dinlararo murosasizlik kabilarga qaratib, jahon hamjamiyatini tinchlik-osoyishtalikni qaror toptirishga chaqirmoqda. Shuningdek, ilm-fan, ta’lim, yoshlar, iqlim o‘zgarishi, madaniy merosni muhofaza qilish, ksenofobiya va noqonuniy migratsiya kabi mavzular muhokama etilmoqda.

So‘zga chiqqan notiqlar “Dinlar va diniy yetakchilarning xalqaro xavfsizlikka qo‘shgan hissasi”, “Ijtimoiy tarmoqlar va din: imkoniyatlar va muammolar”, “Dinlararo muloqot orqali ishonchni mustahkamlash”, “Terrorizm, diniy va irqiy murosasizlik, nafratga chaqirish va ksenofobiya xalqaro xavfsizlikka tahdid”, “Dinning iqlim o‘zgarishi va atrof-muhit muammolariga munosabati” kabi mavzularda chiqish qildilar.

Ochilish marosimidan keyin Ozarbayjon Respublikasi Prezidenti Ilhom Aliyev janoblari Turkiy davlatlar muftiylari bilan tor doirada muloqot o‘tkazdi.

Ushbu forum doirasida «Dinlararo muloqot orqali ishonchni mustahkamlash” mavzusida diniy yetakchilarning Baku uchrashuvi o‘tkazildi. Unda Muftiy Shayx Nuriddin Xoliqnazar hazratlari nutq so‘zlab, jahonda tinchlik-osoyishtalikni qaror toptirishda din peshvolarining o‘rni haqida so‘z yuritdilar.

Forum tadbirlari 3 mayga qadar davom etadi.

Ўзбекистон мусулмонлари идораси матбуот хизматининг хабар беришича, 1 декабрь куни Қозон шаҳрида Ислом ҳамкорлик ташкилоти (ICYF) ёш тадбиркорлари форуми бўлиб ўтади.

ICYF маълумотларига кўра, IT-стартаплар онлайн ва офлайн форматларда инвесторларга тақдим этилади.
IT парки 18 та мамлакатдан янги бизнес алоқалари ва уларни амалга ошириш учун инвестицияларни топишдан манфаатдор бўлган 30 дан ортиқ лойиҳа муаллифларини бирлаштиради. Ҳар бир стартапнинг тақдимоти уч дақиқа давом этади.

Энг қизиқарли лойиҳалар учун форум ҳамкорлари томонидан таъсис этилган 25 минг долларлик мукофот жамғармаси тақдим этилади.

Islam.ru маълумотларига кўра, нақд пулсиз совринларнинг нархи 200 минг доллардан ошади.
Бундан ташқари, тадбирда «Россия-ИҲТ»йўналиши бўйича халқаро ёшлар ҳамкорлиги бўйича лойиҳа бюросини тузиш тўғрисида битим имзоланади.

Шунингдек, ICYF ва Татаристон ёшлар вазирлиги ўртасидаги ҳамкорликни ўз иичга олувчи Ёшлар ишлари бўйича федерал бошқарма (Росмолодежь) ва Татаристон ёшлар вазирлиги ўртасида ўзаро тушуниш ҳақида меморандум имзоланади.

Идора Татаристонда ёшларнинг ишига баҳо беради ва Ислом дунёси ёшлари биргаликда ишлайдиган лойиҳаларни амалга оширади.

Лойиҳа бюроси орқали тадбиркорлик рағбатлантирилади, истеъдодли ёшлар эса янги уфқларни кашф этиш имконига эга бўлади.