Бувайда – Alhidoya.uz

Вилоят бош имом-хатиби ўринбосари Бувайда туманига ташриф буюрди

Alhidoya.uz таҳририяти — Wed, 02 Mar 2022 13:54:05 +0000

Бугун, 2 март куни Фарғона вилояти имом-хатиби ўринбосари Алишер домла Наимов Бувайда туманига ташриф буюрди. Туман бош имом-хатиби Аҳмадхон домла Низомов билан бирга «Эшон бобо» масжидида олиб борилаётган қурилиш ишлари билан танишилди.

Шундан сўнг Бувайда туманидан муборак Умра зиёратига шайланиб турган зиёратчилар суҳбат уюштирилиб, диёримиздан Умра зиёратига бораётган мўмин-мусулмонлар учун яратилган шарт-шароитлар, умра ибодати билан боғлиқ масалалар ҳақида тушунча берилди.

Ташрифнинг иккинчи қисмида туманда фаолият олиб бораётган имом-хатиблар билан ҳам учрашиб, ҳафта давомида амалга оширилган ишлар таҳлил қилиниб, келгусида амалга оширилиши лозим бўлган ишлар режаси борасида келишиб олинди.

Тумандаги «Сўфи Оллоёр» масжидида пешин намози жамоат билан адо этилиб, намоз сўнгида жамоат Алишер домла Наимовнинг маърузасидан баҳраманд бўлдилар. Маърузада тинчлик-хотиржамликнинг улуғ неъмат экани, шукроналик ҳисси билан яшаш тақвони лозим тутган бандаларга хос сифат экани, баҳор фасли келиши билан деҳқончилик ишларининг жадаллашиши, бугунги кунлардан фойдаланиб бир мевали ёки манзарали дарахт экишнинг самараси ҳамда савоби улуғ иш эканига тўхталинди. Суҳбат якунида юртимиз тинчлиги, халқимиз фаровонлиги ва динимиз равнақи бунданда юксалишини тилаб дуо қилинди.

Бувайда туманида “Қуръони карим ва тажвид» ўргатиш бошланди

Alhidoya.uz таҳририяти — Mon, 11 Oct 2021 15:48:40 +0000

Аллоҳга шукрки, юртимиз аҳолисининг диний-маърифий эҳтиёжларини қондириш йўлида бир қатор хайрли ишлар амалга ошириб келинмоқда. Мана шундай ишларнинг узвий давоми сифатида Қуръони каримга мухлис халқимизнинг талаб ва истакларини инобатга олган ҳолда Ўзбекистон мусулмонлари идорасида “Қуръон тажвидини ўргатиш” бўлими очилган эди.

Ушбу бўлим Олий ва ўрта махсус диний таълим муассасалари, илмий мактаблар, тадқиқот марказлари, Ўзбекистон ислом цивилизацияси маркази ва Ўзбекистон халқаро ислом академияси ҳузурида фаолият юритаётган “Қуръони карим ва тажвид” курсларининг фаолиятини мувофиқлаштириш, бошқариш ва ривожлантириш каби ишлар билан шуғулланиши қайд этилган. Ҳозирда бу борада амалий ишлар ҳам бошлаб юборилган.

Бугун, 11 октябрь куни Фарғона вилояти Бувайда туманида яна 60 нафар талабалар “Қуръони карим ва тажвид» ўрганишни бошлашди. Шу муносабат билан вилоят бош имом-хатиби Убайдуллоҳ домла Абдуллаев, Алишер домла Наимов ва Аҳмадхон домла Низомовлар таълим даргоҳига ташриф буюриб, талабалар билан суҳбатлашдилар ҳамда у ердаги шарт-шароитлар билан танишдилар.

Ҳозиргача Фарғона вилоятида Фиқҳ мактаби қошида “Қуръони карим ва тажвид” курси фаолият олиб бораётган бўлиб, унда 60 нафар талаба таҳсил олаётган эди. Эндиликда ушбу кўрсаткич икки баробарга ошди. Бу ҳам бўлса, Аллоҳ таолонинг инъоми, қолаверса, юртимизда диний-маърифий соҳада амалга оширилаётган ислоҳотлар самарасидир.

Яқин кунларда ушбу таълим даргоҳини устозлар иштирокида очилиши режалаштирилган. Бу ҳақда батафсил маълумот берамиз.

Бувайда тумани “Эшонбобо” жоме масжидининг янги биносига ғишт қўйилди

Alhidoya.uz таҳририяти — Tue, 21 Sep 2021 10:56:16 +0000

Бувайда тумани маркази Янгиқўрғонда янгидан қайта қурилиши бошланган «Эшонбобо» жоме масжидининг биносига ғишт қўйиш маросими бўлиб ўтди. Унда вилоят бош имом-хатиби Убайдуллоҳ домла Абдуллаев бошчилигида уламолар, нуроний ҳожи отахонлар билан бирга туман ҳокими Беҳзод Ибрагимов ҳам иштирок этиб, қурилиш жараёни билан танишдилар.

Янги бинонинг пойдеворига биринчи ғишт қўйилди. Йиғилганлар қурилишга бош бўлиб турган имом-хатиб, масжид жамоаси, меҳнат қилаётган қурувчилар, уларга ҳар тарафлама кўмак бериб, бу савобли ишга ҳиссаси қўшаётган барча мухлис кишилар ҳақларига дуолар қилдилар.