Мазкур интервьюда жорий йилги ҳаж мавсуми юқори даражада ташкил этилгани, юксак савияли хизматлар кўрсатилгани, намунали тартиб-интизом ва инсонпарварлик тамойиллари асосида ўтгани алоҳида таъкидланган. Шунингдек, икки мамлакат ўртасидаги ҳамкорлик янги босқичга кўтарилиб, жадал тараққий этаётгани эътироф этилган.   

“Ҳаж – 2026” мавсумининг муваффақиятли ўтишида ўзбекистонлик зиёратчилар учун барча чора-тадбирларни амалга оширишга раҳнамолик қилган Давлатимиз Раҳбарига миннатдорлик билдирилган. Ўз навбатида Саудия Арабистони раҳбариятига ташаккур айтилган.

Айниқса, шу йилда илк бор жорий этилган 100 нафар юртдошимиз “Президент ҳожиси” сифатида Саудия Арабистони масъуллари томонидан юксак эҳтиром билан кутиб олингани ва кўрсатилган олий даражадаги эътиборга алоҳида урғу қаратилган.
Мино ва Арафотдаги замонавий чодирлар, шинам шароитлар, совутиш тизимлари ҳамда рақамли хизматлар зиёратчилар ибодатларини хотиржам адо этишларига омил бўлгани қайд этилган. Шунингдек, юртимизда зиёратчиларга кўрсатилган хизматлар, хусусан 9 та халқаро аэропорт орқали авиақатновлар йўлга қўйилгани, муборак манзиллардаги озиқ-овқат, тиббий ва транспорт хизматларининг юқори даражада бўлгани икки давлат идоралари ўртасидаги ҳамкорлик самаралари экани баён қилинган.

Маълумот ўрнида: “Уккоз” газетаси 1960 йилда ташкил этилган бўлиб, Саудия Арабистонида чоп этиладиган энг йирик ва нуфузли кундалик нашрлардан бири. Газета номи қадимги араб дунёсида адабиёт, маданият ва савдо маркази ҳисобланган тарихий “Уккоз бозори” шарафига номланган. Бугунги кунда нашр босма ва рақамли форматда чиқиб, қироллик ҳамда Ислом дунёсидаги сиёсий, ижтимоий ва диний жараёнларни кенг ёритади.

***

O‘zbekiston musulmonlari idorasi raisi, muftiy Shayx Nuriddin Xoliqnazar hazratlari bilan haj mavsumi, xizmatlar, sharoitlar, ibodatlar va o‘zaro aloqalar to‘g‘risida bo‘lib o‘tgan suhbat Saudiya Arabistonida chop etiladigan mashhur “Ukkoz” gazetasida e’lon qilindi.

Mazkur intervyuda joriy yilgi haj mavsumi yuqori darajada tashkil etilgani, yuksak saviyali xizmatlar ko‘rsatilgani, namunali tartib-intizom va insonparvarlik tamoyillari asosida o‘tgani alohida ta’kidlangan. Shuningdek, ikki mamlakat o‘rtasidagi hamkorlik yangi bosqichga ko‘tarilib, jadal taraqqiy etayotgani e’tirof etilgan.

“Haj – 2026” mavsumining muvaffaqiyatli o‘tishida o‘zbekistonlik ziyoratchilar uchun barcha chora-tadbirlarni amalga oshirishga rahnamolik qilgan Davlatimiz Rahbariga minnatdorlik bildirilgan. O‘z navbatida Saudiya Arabistoni rahbariyatiga tashakkur aytilgan.

Ayniqsa, shu yilda ilk bor joriy etilgan 100 nafar yurtdoshimiz “Prezident hojisi” sifatida Saudiya Arabistoni mas’ullari tomonidan yuksak ehtirom bilan kutib olingani va ko‘rsatilgan oliy darajadagi e’tiborga alohida urg‘u qaratilgan.

Mino va Arafotdagi zamonaviy chodirlar, shinam sharoitlar, sovutish tizimlari hamda raqamli xizmatlar ziyoratchilar ibodatlarini xotirjam ado etishlariga omil bo‘lgani qayd etilgan. Shuningdek, yurtimizda ziyoratchilarga ko‘rsatilgan xizmatlar, xususan 9 ta xalqaro aeroport orqali aviaqatnovlar yo‘lga qo‘yilgani, muborak manzillardagi oziq-ovqat, tibbiy va transport xizmatlarining yuqori darajada bo‘lgani ikki davlat idoralari o‘rtasidagi hamkorlik samaralari ekani bayon qilingan.

Ma’lumot o‘rnida: “Ukkoz” gazetasi 1960 yilda tashkil etilgan bo‘lib, Saudiya Arabistonida chop etiladigan eng yirik va nufuzli kundalik nashrlardan biri. Gazeta nomi qadimgi arab dunyosida adabiyot, madaniyat va savdo markazi hisoblangan tarixiy “Ukkoz bozori” sharafiga nomlangan. Bugungi kunda nashr bosma va raqamli formatda chiqib, qirollik hamda Islom dunyosidagi siyosiy, ijtimoiy va diniy jarayonlarni keng yoritadi.

Жорий йилда муқаддас Ҳаж амалларини адо этиш учун Саудия Арабистони Подшоҳлигига йўл олган Фарғоналик зиёратчиларнинг илк гуруҳи Ватанга қайтиб келди. Ҳожиларни Фарғона халқаро аэропортида вилоят мутасаддилари, диний соҳа вакиллари ҳамда зиёратчиларнинг яқинлари кутиб олдилар.

Кутиб олиш маросимида ҳожиларнинг муборак сафардан соғ-саломат қайтганликлари муносабати билан эзгу тилаклар билдирилди. Таъкидланганидек, давлатимиз раҳбарининг ташаббуси ва доимий эътибори туфайли юртдошларимиз учун Ҳаж зиёратини муносиб адо этиш мақсадида барча зарур шарт-шароитлар яратилмоқда.

Зиёратчилар муқаддас Макка ва Мадина шаҳарларида Ҳаж ибодатларини тўлиқ адо этиб, ислом оламининг муқаддас қадамжоларини зиёрат қилдилар. Улар сафар давомида мамлакатимиз тинчлиги, халқимиз фаровонлиги, юртимиз равнақи ва барқарорлиги учун дуолар қилганликларини алоҳида таъкидладилар.

Қайд этиш жоизки, Фарғона вилоятидан муқаддас Ҳаж сафарига борган зиёратчиларнинг кейинги гуруҳлари ҳам белгиланган жадвал асосида 13 июнга қадар Ватанга қайтиши давом этади.

***

Muqaddas Haj ibodatini ado etish har bir musulmonning ezgu orzularidan biri hisoblanadi. Bu muborak safar inson qalbini poklaydigan, maʼnaviy kamolotga yetaklaydigan va hayotida unutilmas iz qoldiradigan ulug‘ ibodatdir.

Joriy yilda muqaddas Haj amallarini ado etish uchun Saudiya Arabistoni Podshohligiga yo‘l olgan Farg‘onalik ziyoratchilarning ilk guruhi Vatanga qaytib keldi. Hojilarni Farg‘ona xalqaro aeroportida viloyat mutasaddilari, diniy soha vakillari hamda ziyoratchilarning yaqinlari kutib oldilar.

Kutib olish marosimida hojilarning muborak safardan sog‘-salomat qaytganliklari munosabati bilan ezgu tilaklar bildirildi. Taʼkidlanganidek, davlatimiz rahbarining tashabbusi va doimiy eʼtibori tufayli yurtdoshlarimiz uchun Haj ziyoratini munosib ado etish maqsadida barcha zarur shart-sharoitlar yaratilmoqda.

Ziyoratchilar muqaddas Makka va Madina shaharlarida Haj ibodatlarini to‘liq ado etib, islom olamining muqaddas qadamjolarini ziyorat qildilar. Ular safar davomida mamlakatimiz tinchligi, xalqimiz farovonligi, yurtimiz ravnaqi va barqarorligi uchun duolar qilganliklarini alohida taʼkidladilar.

Qayd etish joizki, Farg‘ona viloyatidan muqaddas Haj safariga borgan ziyoratchilarning keyingi guruhlari ham belgilangan jadval asosida 13 iyunga qadar Vatanga qaytishi davom etadi.

Айтиб ўтиш жоизки, бу йилги ҳаж мавсуми сифат ва мазмун жиҳатдан файзли, шукуҳли ва муваффақиятли ўтди. Юртимиз зиёратчилари Мадинаи мунаввара, Маккаи мукаррама ва муборак манзилларда ҳаж арконларини рисоладагидек адо этдилар.

Айниқса, ибодатларни уюшқоқлик билан ташкил этиш, меҳмонхоналар, Мино, Арафот, Муздалифа водийларидаги қулайлик ва имкониятлар, тиббий ва транспорт хизматлари барчани мамнун этди.

Эндиликда ибодатларни ҳузурланиб адо этган, юз-кўзлари порлаган, пешоналаридан нур балқиган ҳожиларимизнинг дастлабки гуруҳи диёримизга қайтишмоқда. Келгусида эзгулик ва маърифат тарғиботчилари сифатида жамоат ишларида фаол бўладилар.

Аллоҳ таоло ҳожиларимизнинг ҳажларини қабул айласин. Фарзанду анжумандлари бағрига эсон-омон етиб олишсин.

***

Bugun, 2 iyun kuni erta tongda yurtimiz hojilarining ilk guruhlari yurtimizga yo‘l olishdi.

Aytib o‘tish joizki, bu yilgi haj mavsumi sifat va mazmun jihatdan fayzli, shukuhli va muvaffaqiyatli o‘tdi. Yurtimiz ziyoratchilari Madinai munavvara, Makkai mukarrama va muborak manzillarda haj arkonlarini risoladagidek ado etdilar.

Ayniqsa, ibodatlarni uyushqoqlik bilan tashkil etish, mehmonxonalar, Mino, Arafot, Muzdalifa vodiylaridagi qulaylik va imkoniyatlar, tibbiy va transport xizmatlari barchani mamnun etdi.

Endilikda ibodatlarni huzurlanib ado etgan, yuz-ko‘zlari porlagan, peshonalaridan nur balqigan hojilarimizning dastlabki guruhi diyorimizga qaytishmoqda. Kelgusida ezgulik va ma’rifat targ‘ibotchilari sifatida jamoat ishlarida faol bo‘ladilar.

Alloh taolo hojilarimizning hajlarini qabul aylasin. Farzandu anjumandlari bag‘riga eson-omon yetib olishsin.

Унда соҳа раҳбарлари ўзбекистонлик зиёратчиларнинг ҳаж амаллари ташкилий ва шаръий жиҳатдан жуда чиройли адо этилганини билдириб, Мино, Арафот, Муздалифа, Жамаротдаги ибодатлар ва қурбонликлар ўз вақтида сифатли ҳамда манбаларда белгиланган тартибда бажарилганини алоҳида таъкидладилар. Бунинг учун тинимсиз меҳнат қилган ишчи гуруҳи, мингбошилар, элликбошилар, шифокорлар ва ошпазлар жамоаларига алоҳида миннатдорлик изҳор этдилар.

Шунингдек, ҳаж мавсуми давомида юртимиз ҳожилари Давлатимиз Раҳбарининг бевосита кўмакларини, беқиёс ғамхўрликларини ҳис қилиб турганлари, улар учун барча шарт-шароитлар муҳайё этилганини алоҳида қайд этдилар.

Айниқса, Президентимизнинг ҳожилар ҳолидан хабардор бўлиб турганлари, қўнғироқ қилганлари, Қурбон ҳайити билан бутун халқимизни қутлагани барча юртдошларимиз қатори ҳаж сафарида юрган ҳамюртларимизни ҳам ниҳоятда қувонтиргани алоҳида таъкидланди.

Йиғилишда таъкидланганидек, “Ҳаж – 2026” мавсуми тарихий натижа ва улкан муваффақиятларга бой бўлгани эътироф этилди.

Зиёратчилар муқаддас манзилларда тоат-ибодатларини рисоладагидек бажариб, хатми Қуръонлар қилдилар, юртимиз равнақи, халқимиз фаровонлиги ва Давлатимиз Раҳбари ҳаққига самимий дуолар қилдилар.

***

30 may kuni “Haj – 2026” mavsumi Ishchi guruhi rahbari – Din ishlari bo‘yicha qo‘mita raisi Sodiqjon Toshboyev, muftiy Shayx Nuriddin Xoliqnazar hazratlari, shifokorlar jamoasi yetakchisi Alisher Saatov ishtirokida haj ibodati muvaffaqiyatli amalga oshirilgani yuzasidan yig‘ilish bo‘lib o‘tdi.

Unda soha rahbarlari o‘zbekistonlik ziyoratchilarning haj amallari tashkiliy va shar’iy jihatdan juda chiroyli ado etilganini bildirib, Mino, Arafot, Muzdalifa, Jamarotdagi ibodatlar va qurbonliklar o‘z vaqtida sifatli hamda manbalarda belgilangan tartibda bajarilganini alohida ta’kidladilar. Buning uchun tinimsiz mehnat qilgan ishchi guruhi, mingboshilar, ellikboshilar, shifokorlar va oshpazlar jamoalariga alohida minnatdorlik izhor etdilar.

Shuningdek, haj mavsumi davomida yurtimiz hojilari Davlatimiz Rahbarining bevosita ko‘maklarini, beqiyos g‘amxo‘rliklarini his qilib turganlari, ular uchun barcha shart-sharoitlar muhayyo etilganini alohida qayd etdilar.

Ayniqsa, Prezidentimizning hojilar holidan xabardor bo‘lib turganlari, qo‘ng‘iroq qilganlari, Qurbon hayiti bilan butun xalqimizni qutlagani barcha yurtdoshlarimiz qatori haj safarida yurgan hamyurtlarimizni ham nihoyatda quvontirgani alohida ta’kidlandi.

Yig‘ilishda ta’kidlanganidek, “Haj – 2026” mavsumi tarixiy natija va ulkan muvaffaqiyatlarga boy bo‘lgani e’tirof etildi.

Ziyoratchilar muqaddas manzillarda toat-ibodatlarini risoladagidek bajarib, xatmi Qur’onlar qildilar, yurtimiz ravnaqi, xalqimiz farovonligi va Davlatimiz Rahbari haqqiga samimiy duolar qildilar.

Муфтий ҳазратлари ўз сўзларида бугунги кунда Ўзбекистон ҳожиларига яратилаётган кенг имконият ва ғамхўрликларга алоҳида тўхталиб, муҳтарам Президентимиз ҳар куни ҳамюртларимиз саломатлиги, ибодатлари ва уларга кўрсатилаётган хизматлар ҳақида хабардор бўлиб тураётганлари барча юртдошлар учун катта фахр экани айтдилар.

Шунингдек, Ўзбекистон тарихида илк бор 100 нафар юртдошимиз “Президент ҳожиси” сифатида ҳаж сафарига юборилаётгани ҳам катта эътибор ва ғамхўрлик намунаси экани қайд этилди. Улар орасида турли соҳа вакиллари — оддий меҳнаткашлар, зиёлилар, жамият тараққиётига ҳисса қўшган фахрийлар, собиқ муфтийлар оилалари ҳамда дуогўй мўйсафидлар борлиги таъкидланди.

Муфтий ҳазратлари яқинда Қозоғистонда Ўзбекистон томонидан янги масжид бунёд этилиб, у қозоқ халқига туҳфа қилингани ҳам қувончли воқеа бўлганини айтиб, бу каби хайрли ва савобли ишлар мусулмонлар ўртасидаги биродарлик ва ҳамжиҳатликни мустаҳкамлашга хизмат қилишини таъкидлади.

Суҳбат якунида муборак манзилу маконларда юрт тинчлиги, халқ фаровонлиги, Давлатимиз Раҳбари ҳаққига дуолар қилиш ва зиёратчилармизнинг ибодатлари қабул бўлишини сўраб, илтижолар қилиш зарурлиги таъкидланди.

***

O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Makka shahrida istiqomat qilayotgan ziyoratchilar bilan uchrashib, ularga mazmunli mav’iza qildilar. Suhbat davomida haj ibodatining naqadar ulug‘ va fazilatli amal ekani, bu muborak safarning inson qalbi, iymoni va hayotidagi o‘rni haqida atroflicha to‘xtalib o‘tildi. Shuningdek, hajning maqbul bo‘lishi, uning ajru savobi va gunohlarga kafforat bo‘lishi haqidagi hadisi shariflar sharhlanib, ziyoratchilarga haj savobi, hojilik odobi va fazilatlari xususida muhim nasihatlar berildi.

Muftiy hazratlari o‘z so‘zlarida bugungi kunda O‘zbekiston hojilariga yaratilayotgan keng imkoniyat va g‘amxo‘rliklarga alohida to‘xtalib, muhtaram Prezidentimiz har kuni hamyurtlarimiz salomatligi, ibodatlari va ularga ko‘rsatilayotgan xizmatlar haqida xabardor bo‘lib turayotganlari barcha yurtdoshlar uchun katta faxr ekani aytdilar.

Shuningdek, O‘zbekiston tarixida ilk bor 100 nafar yurtdoshimiz “Prezident hojisi” sifatida haj safariga yuborilayotgani ham katta e’tibor va g‘amxo‘rlik namunasi ekani qayd etildi. Ular orasida turli soha vakillari — oddiy mehnatkashlar, ziyolilar, jamiyat taraqqiyotiga hissa qo‘shgan faxriylar, sobiq muftiylar oilalari hamda duogo‘y mo‘ysafidlar borligi ta’kidlandi.

Muftiy hazratlari yaqinda Qozog‘istonda O‘zbekiston tomonidan yangi masjid bunyod etilib, u qozoq xalqiga tuhfa qilingani ham quvonchli voqea bo‘lganini aytib, bu kabi xayrli va savobli ishlar musulmonlar o‘rtasidagi birodarlik va hamjihatlikni mustahkamlashga xizmat qilishini ta’kidladi.

Suhbat yakunida muborak manzilu makonlarda yurt tinchligi, xalq farovonligi, Davlatimiz Rahbari haqqiga duolar qilish va ziyoratchilarmizning ibodatlari qabul bo‘lishini so‘rab, iltijolar qilish zarurligi ta’kidlandi.

Мазкур тадбирларда Президент Администрацияси Диний-маърифий масалалар бўйича департаменти бошлиғи Музаффар Камилов, Ўзбекистон мусулмонлари идораси раисининг биринчи ўринбосари Ҳомиджон Ишматбеков, Дин ишлари бўйича қўмита раисининг биринчи ўринбосари Давронбек Махсудов ҳамда Ўзбекистондаги Ислом цивилизацияси маркази директори Фирдавс Абдухолиқов иштирок этиб, бўлажак ҳожилар билан самимий мулоқотлар қилишмоқда.

Бугун, 18 май куни “Президент ҳожилари” учун муборак сафар олдидан Ўзбекистондаги Ислом цивилизацияси маркази яқинидаги “Фаровон” меҳмонхонасида гўзал маърифий суҳбат ўтказилди. Учрашувда Ҳаж ибодатига тайёргарлик, сафар давомида эътибор қаратиш лозим бўлган ташкилий ва шаръий жиҳатларни тушунтириш билан бирга улуғ амални бажаришда қулай бўлган махсус либос, сумка ва зарур қўлланмалар тақдим этилди.

Шундан сўнг Ўзбекистондаги Ислом цивилизацияси марказига махсус саёҳат ташкил этилди. Унда зиёратчилар марказ фаолияти, бу ерда сақланаётган нодир экспонатлар, қадимий қўлёзмалар ҳамда замонавий технологиялар имкониятлари билан яқиндан танишди.

Улуғвор мажмуа бўйлаб уюштирилган саёҳат ва юксак даражадаги эътибордан мамнун бўлган бўлажак ҳожилар мамлакатимизда Ватан ривожи учун ҳисса қўшаётган инсонларга кўрсатилаётган ғамхўрлик, илм олиш ва ибодатларни адо этиш учун қилинган шароитлар ҳамда диний-маърифий соҳадаги кўламли ислоҳотларни алоҳида эътироф этдилар.

Бундай юксак эҳтиром ва шароитлар учун зиёратчилар мутасаддилар орқали Давлат Раҳбарига ўзларининг дил сўзлари ва миннатдорликларини изҳор этиб, эл-юрт тинчлиги, фаровонлиги учун хайрли дуолар қилишди.

***

Xabar berganimizdek, shu kunlarda yurtimizda “Haj – 2026” mavsumi ziyoratchilarini muborak diyorga kuzatish ishlari yuqori saviyada qizg‘in davom etmoqda. E’tiborlisi, bu yil el-yurt koriga yarayotgan, fidoiy va jonkuyar vatandoshlarimizdan iborat 100 nafar “Prezident hojisi” davlatimiz tomonidan alohida ehtirom bilan muqaddas safarga yuborilmoqda.

Mazkur tadbirlarda Prezident Administratsiyasi Diniy-ma’rifiy masalalar bo‘yicha departamenti boshlig‘i Muzaffar Kamilov, O‘zbekiston musulmonlari idorasi raisining birinchi o‘rinbosari Homidjon Ishmatbekov, Din ishlari bo‘yicha qo‘mita raisining birinchi o‘rinbosari Davronbek Maxsudov hamda O‘zbekistondagi Islom sivilizatsiyasi markazi direktori Firdavs Abduxoliqov ishtirok etib, bo‘lajak hojilar bilan samimiy muloqotlar qilishmoqda.

Bugun, 18 may kuni “Prezident hojilari” uchun muborak safar oldidan O‘zbekistondagi Islom sivilizatsiyasi markazi yaqinidagi “Farovon” mehmonxonasida go‘zal ma’rifiy suhbat o‘tkazildi. Uchrashuvda Haj ibodatiga tayyorgarlik, safar davomida e’tibor qaratish lozim bo‘lgan tashkiliy va shar’iy jihatlarni tushuntirish bilan birga ulug‘ amalni bajarishda qulay bo‘lgan maxsus libos, sumka va zarur qo‘llanmalar taqdim etildi.

Shundan so‘ng O‘zbekistondagi Islom sivilizatsiyasi markaziga maxsus sayohat tashkil etildi. Unda ziyoratchilar markaz faoliyati, bu yerda saqlanayotgan nodir eksponatlar, qadimiy qo‘lyozmalar hamda zamonaviy texnologiyalar imkoniyatlari bilan yaqindan tanishdi.

Ulug‘vor majmua bo‘ylab uyushtirilgan sayohat va yuksak darajadagi e’tibordan mamnun bo‘lgan bo‘lajak hojilar mamlakatimizda Vatan rivoji uchun hissa qo‘shayotgan insonlarga ko‘rsatilayotgan g‘amxo‘rlik, ilm olish va ibodatlarni ado etish uchun qilingan sharoitlar hamda diniy-ma’rifiy sohadagi ko‘lamli islohotlarni alohida e’tirof etdilar.

Bunday yuksak ehtirom va sharoitlar uchun ziyoratchilar mutasaddilar orqali Davlat Rahbariga o‘zlarining dil so‘zlari va minnatdorliklarini izhor etib, el-yurt tinchligi, farovonligi uchun xayrli duolar qilishdi.

Жумладан, Фарғона вилоятидан ҳам 7 нафар юртдошимиз ушбу шарафли ва муборак сафар учун йўлланмаларга эга бўлдилар.

Бугун, Фарғона халқаро аэропортидан “Президент ҳожиси” мақомига сазовор бўлган фуқаролар пойтахт сари кузатиб қўйилди.

Кузатув жараёни самимий ва кўтаринки руҳда ўтди. Зиёратчиларнинг яқинлари, нуронийлар ва жамоатчилик вакиллари уларни дуо ва эзгу тилаклар билан кузатдилар. Муқаддас сафарга отланаётган юртдошларимиз ҳам бундай юксак эътибор ва ғамхўрликдан мамнун эканликларини билдирдилар.

Кузатув маросимида вилоят мутасаддилари, соҳа масъуллари ҳамда жамоатчилик вакиллари иштирок этдилар.

Тадбир давомида бўлажак ҳожиларга оқ йўл тиланиб, уларнинг муқаддас амалларни муносиб адо этиб қайтишлари ҳақида дуолар қилинди.

Фарғона вилояти вакиллиги Матбуот хизмати

***

Davlatimiz rahbari tashabbusi bilan inson qadrini ulug‘lash, aholini har tomonlama qo‘llab-quvvatlashga qaratilgan ezgu ishlar izchil davom etmoqda. Ana shunday yuksak e’tibor namunasi sifatida yurtimizdan 100 nafar fuqaro “Prezident hojisi” maqomiga munosib ko‘rilib, muqaddas Haj safariga yo‘l olmoqda.

Jumladan, Farg‘ona viloyatidan ham 7 nafar yurtdoshimiz ushbu sharafli va muborak safar uchun yo‘llanmalarga ega bo‘ldilar.

Bugun, Farg‘ona xalqaro aeroportidan “Prezident hojisi” maqomiga sazovor bo‘lgan fuqarolar poytaxt sari kuzatib qo‘yildi.

Kuzatuv jarayoni samimiy va ko‘tarinki ruhda o‘tdi. Ziyoratchilarning yaqinlari, nuroniylar va jamoatchilik vakillari ularni duo va ezgu tilaklar bilan kuzatdilar. Muqaddas safarga otlanayotgan yurtdoshlarimiz ham bunday yuksak e’tibor va g‘amxo‘rlikdan mamnun ekanliklarini bildirdilar.

Kuzatuv marosimida viloyat mutasaddilari, soha mas’ullari hamda jamoatchilik vakillari ishtirok etdilar.

Tadbir davomida bo‘lajak hojilarga oq yo‘l tilanib, ularning muqaddas amallarni munosib ado etib qaytishlari haqida duolar qilindi.

Farg‘ona viloyati vakilligi Matbuot xizmati

Муҳташам ва муборак манзилларда бўлиб турган юртдошларимиз қалбида шукроналик, сабр ва ихлос туйғулари янада мустаҳкамланмоқда.

Айни пайтда фарғоналик зиёратчилар Аброж Даниа меҳмонхонасида истиқомат қилмоқдалар.

Улар дастлаб умра амалларини адо этиб, бугунги кунда Ҳаж ибодатининг асосий амалларига тайёргарлик кўришмоқда. Зиёратчилар учун яратилган шарт-шароитлар уларнинг ибодатларни хотиржам ва тартибли адо этишларига хизмат қилмоқда.

Зиёратчилар ўз ибодатларини масжидул ҳарамда бажармоқдалар. Муқаддас масканда қилинган ибодат ва дуолар уларнинг қалбида унутилмас ҳиссиётларни уйғотмоқда.

Муқаддас Ҳаж сафари давомида зиёратчиларнинг нафақат ибодат амалларини тўғри адо этишлари, балки маънавий жиҳатдан ҳам мустаҳкам тайёргарлик кўришларига алоҳида эътибор қаратилмоқда.

Шу мақсадда Маккаи мукаррамада истиқомат қилаётган юртдошларимиз учун таниқли уламо ва имом-хатиблар иштирокида маънавий-маърифий учрашувлар, суҳбат ва мавъизалар ташкил этилмоқда.

Ушбу суҳбатларда Ҳаж ибодатининг фазилати, зиёрат одоблари, сабр-тоқат, ихлос ва биродарлик каби юксак инсоний фазилатлар ҳақида атрофлича сўз юритилмоқда.

Шунингдек, зиёратчиларга муқаддас масканларда ўзини тутиш, жамоат билан муомала қилиш, ибодатларни тўғри ва тартибли адо этиш борасида ҳам муҳим тавсиялар берилмоқда.

Маънавий суҳбатларда ЎМИ Қуръони карим ва тажвид бўлими мудири Шайх Алижон қори Ҳайдаров, Фарғона вилояти бош имом-хатиби ўринбосари Алишер домла Наимов ҳамда Тошкент шаҳар «Хўжа Аламбардор» масжиди имом-хатиби Раҳимберди домла Раҳмоновлар томонидан қилинган маърузалар алоҳида қизиқиш билан тингланмоқда.

Уламолар ўз чиқишларида Ҳажнинг инсон ҳаётидаги ўрни, қалб поклиги, ихлос ва тақво ҳақида таъсирли фикрлар билдириб, зиёратчиларни ҳар бир ибодатни чуқур англаган ҳолда адо этишга чақирмоқдалар.

Ҳаж сафари инсонни маънавий жиҳатдан юксалтирувчи, сабр ва бағрикенгликка чорловчи улуғ ибодат ҳисобланади. Шу боис зиёратчилар ҳам ушбу муборак кунларни ибодат, илм ва маънавий тайёргарлик билан ўтказмоқдалар.

Тилак қилинадики, барча бўлажак ҳожиларимиз Ҳаж амалларини тўлиқ ва муносиб адо этиб, юртимизга соғ-саломат қайтсинлар.

***

Ayni kunlarda O‘zbekistondan muqaddas Haj safariga borgan ziyoratchilar ibodatlarni ado etish bilan bir qatorda Haj amallarini munosib tarzda bajarish uchun tayyorgarlik ko‘rmoqdalar.

Muhtasham va muborak manzillarda bo‘lib turgan yurtdoshlarimiz qalbida shukronalik, sabr va ixlos tuyg‘ulari yanada mustahkamlanmoqda.

Ayni paytda farg‘onalik ziyoratchilar Abroj Dania mehmonxonasida istiqomat qilmoqdalar.

Ular dastlab umra amallarini ado etib, bugungi kunda Haj ibodatining asosiy amallariga tayyorgarlik ko‘rishmoqda. Ziyoratchilar uchun yaratilgan shart-sharoitlar ularning ibodatlarni xotirjam va tartibli ado etishlariga xizmat qilmoqda.

Ziyoratchilar o‘z ibodatlarini masjidul haramda bajarmoqdalar. Muqaddas maskanda qilingan ibodat va duolar ularning qalbida unutilmas hissiyotlarni uyg‘otmoqda.

Muqaddas Haj safari davomida ziyoratchilarning nafaqat ibodat amallarini to‘g‘ri ado etishlari, balki maʼnaviy jihatdan ham mustahkam tayyorgarlik ko‘rishlariga alohida eʼtibor qaratilmoqda.

Shu maqsadda Makkai mukarramada istiqomat qilayotgan yurtdoshlarimiz uchun taniqli ulamo va imom-xatiblar ishtirokida maʼnaviy-maʼrifiy uchrashuvlar, suhbat va mavʼizalar tashkil etilmoqda.

Ushbu suhbatlarda Haj ibodatining fazilati, ziyorat odoblari, sabr-toqat, ixlos va birodarlik kabi yuksak insoniy fazilatlar haqida atroflicha so‘z yuritilmoqda.

Shuningdek, ziyoratchilarga muqaddas maskanlarda o‘zini tutish, jamoat bilan muomala qilish, ibodatlarni to‘g‘ri va tartibli ado etish borasida ham muhim tavsiyalar berilmoqda.

Maʼnaviy suhbatlarda O‘MI Qurʼoni karim va tajvid bo‘limi mudiri Shayx Alijon qori Haydarov, Farg‘ona viloyati bosh imom-xatibi o‘rinbosari Alisher domla Naimov hamda Toshkent shahar «Xo‘ja Alambardor» masjidi imom-xatibi Rahimberdi domla Rahmonovlar tomonidan qilingan maʼruzalar alohida qiziqish bilan tinglanmoqda.

Ulamolar o‘z chiqishlarida Hajning inson hayotidagi o‘rni, qalb pokligi, ixlos va taqvo haqida taʼsirli fikrlar bildirib, ziyoratchilarni har bir ibodatni chuqur anglagan holda ado etishga chaqirmoqdalar.

Haj safari insonni maʼnaviy jihatdan yuksaltiruvchi, sabr va bag‘rikenglikka chorlovchi ulug‘ ibodat hisoblanadi. Shu bois ziyoratchilar ham ushbu muborak kunlarni ibodat, ilm va maʼnaviy tayyorgarlik bilan o‘tkazmoqdalar.

Tilak qilinadiki, barcha bo‘lajak hojilarimiz Haj amallarini to‘liq va munosib ado etib, yurtimizga sog‘-salomat qaytsinlar.