Ёдингизда тутинг! Саудия Арабистонида Ҳаж амалларини бажариш учун сизда «Ҳаж-2024» визаси бўлиши шарт.
Саудия Арабистони Подшоҳлиги томонидан белгиланган тартибга мувофиқ чет эл фуқаролари учун ҳаж ибодатини адо этишнинг асосий шарти ҳаж визасига эга бўлиш ҳисобланади. Қолган барча турдаги визалар (умра, туризм, бизнес, зиёрат ва б.лар) билан ҳаж тадбирини амалга ошириш Саудия қонунчилигига кўра қатъиян тақиқланган ва тегишли тартибда жазоланади.

Унутманг! Ўзбекистон учун ажратилган ҳаж квотаси фақатгина Дин ишлари бўйича қўмита ва Ўзбекистон мусулмонлари идораси томонидан ташкил этиладиган Ҳаж сафарига отланган зиёратчиларга ажратилган, шундай экан, айримларнинг Ўзбекистон орқали Ҳаж сафарига жўнатамиз, деган алдовларига учманг! Улар фуқароларимизни бошқа давлатлар орқали ноқонуний тарзда олиб кетишга уринишмоқда. Бу эса, қонуний асосга эга бўлмаган ва ҳаж ташкил этишга ваколати йўқ кимсаларнинг уринишидир. Кези келганда айтиб ўтиш керак-ки, бу каби хатти-ҳаракатлар Саудия Арабистони Подшоҳлиги ва Ўзбекистон Республикаси қонунчилигида қатъий чора кўрилишига сабаб бўлади.

Аввал хабар берганимиздек, муборак сафарларга ноқонуний йўллар билан боришга интилиш 6 ой қамоқ жазоси, Саудия Арабистонидан депорт қилиш ва Саудия Арабистонига ҳар қандай виза билан 10 йил муддатга киришни тақиқлаш ҳамда 100.000 саудия риёли (26.000 АҚШ доллари) миқдорида жарима солишга олиб келади.

Маълумот учун, биргина 2022-2023 йиллардаги Ҳаж масумида Ўзбекистон фуқаролари туристик, бизнес ва бошқа визалар орқали Саудия Арабистонига ташриф буюриб, Ҳаж амаллари бажариладиган ҳудудларга кира олмаганлар. Ҳаж мавсуми арафасида зиёрат виза (туристик) олган ҳолда Бирлашган Араб Амирликлари, Иордания ва бошқа давлатлар орқали келган минглаб фуқароларимиз эса Саудия Арабистони ҳудудига киритилмаган. Улар Подшоҳлик ҳаж қонунчилигини бузганлик учун Саудия Арабистонидан 10 йил муддатга депортация қилинган. Хусусан, 2023 йилда бутун дунёдан 150 мингдан ортиқ шахслар ушланиб жаримага тортилган ва депортация қилинган.

Шуни алоҳида таъкидлаш керакки, юртимизда «Ҳаж» тадбири Вазирлар Маҳкамасининг 2017 йил 7 июндаги 364-сонли «Ҳаж» ва «Умра» тадбирларини ташкил этиш ва ўтказишни янада такомиллаштириш чора-тадбирлари тўғрисида”ги қарори асосида амалга оширилади. Мазкур ҳужжатга асосан, Ўзбекистон Республикаси фуқаролари учун «Ҳаж» тадбири Ўзбекистон мусулмонлари идораси томонидан амалга оширилади. «Ҳаж» фаолияти билан бошқа ташкилотларнинг, хусусан, сайёҳлик ташкилотлари ва бошқаларнинг шуғулланишига йўл қўйилмайди ва қонунчилик ҳужжатлари билан тақиқланади.

Азиз юртдошлар, огоҳ бўлинг, фирибгарларга алданманг!

* * *

Ayni kunlarda ijtimoiy tarmoqlarda «Falon firma bilan haj qiling!», «Haj safari uchun sanoqli joy qoldi!», «Haj uchun yarim narxni to‘lang!» kabi jimjimador sarlavha ostidagi reklamalar ko‘paymoqda. Ayrimlar umra vizasi, turistik (ziyorat) viza, biznes viza bilan haj qilishni va’da qilmoqda, buning mutlaqo imkoni yo‘q!

Yodingizda tuting! Saudiya Arabistonida Haj amallarini bajarish uchun sizda «Haj-2024» vizasi bo‘lishi shart.
Saudiya Arabistoni Podshohligi tomonidan belgilangan tartibga muvofiq chet el fuqarolari uchun haj ibodatini ado etishning asosiy sharti haj vizasiga ega bo‘lish hisoblanadi. Qolgan barcha turdagi vizalar (umra, turizm, biznes, ziyorat va b.lar) bilan haj tadbirini amalga oshirish Saudiya qonunchiligiga ko‘ra qat’iyan taqiqlangan va tegishli tartibda jazolanadi.

Unutmang! O‘zbekiston uchun ajratilgan haj kvotasi faqatgina Din ishlari bo‘yicha qo‘mita va O‘zbekiston musulmonlari idorasi tomonidan tashkil etiladigan Haj safariga otlangan ziyoratchilarga ajratilgan, shunday ekan, ayrimlarning O‘zbekiston orqali Haj safariga jo‘natamiz, degan aldovlariga uchmang! Ular fuqarolarimizni boshqa davlatlar orqali noqonuniy tarzda olib ketishga urinishmoqda. Bu esa, qonuniy asosga ega bo‘lmagan va haj tashkil etishga vakolati yo‘q kimsalarning urinishidir. Kezi kelganda aytib o‘tish kerak-ki, bu kabi xatti-harakatlar Saudiya Arabistoni Podshohligi va O‘zbekiston Respublikasi qonunchiligida qat’iy chora ko‘rilishiga sabab bo‘ladi.

Avval xabar berganimizdek, muborak safarlarga noqonuniy yo‘llar bilan borishga intilish 6 oy qamoq jazosi, Saudiya Arabistonidan deport qilish va Saudiya Arabistoniga har qanday viza bilan 10 yil muddatga kirishni taqiqlash hamda 100.000 saudiya riyoli (26.000 AQSH dollari) miqdorida jarima solishga olib keladi.

Ma’lumot uchun, birgina 2022-2023 yillardagi Haj masumida O‘zbekiston fuqarolari turistik, biznes va boshqa vizalar orqali Saudiya Arabistoniga tashrif buyurib, Haj amallari bajariladigan hududlarga kira olmaganlar. Haj mavsumi arafasida ziyorat viza (turistik) olgan holda Birlashgan Arab Amirliklari, Iordaniya va boshqa davlatlar orqali kelgan minglab fuqarolarimiz esa Saudiya Arabistoni hududiga kiritilmagan. Ular Podshohlik haj qonunchiligini buzganlik uchun Saudiya Arabistonidan 10 yil muddatga deportatsiya qilingan. Xususan, 2023 yilda butun dunyodan 150 mingdan ortiq shaxslar ushlanib jarimaga tortilgan va deportatsiya qilingan.

Shuni alohida ta’kidlash kerakki, yurtimizda «Haj» tadbiri Vazirlar Mahkamasining 2017 yil 7 iyundagi 364-sonli «Haj» va «Umra» tadbirlarini tashkil etish va o‘tkazishni yanada takomillashtirish chora-tadbirlari to‘g‘risida”gi qarori asosida amalga oshiriladi. Mazkur hujjatga asosan, O‘zbekiston Respublikasi fuqarolari uchun «Haj» tadbiri O‘zbekiston musulmonlari idorasi tomonidan amalga oshiriladi. «Haj» faoliyati bilan boshqa tashkilotlarning, xususan, sayyohlik tashkilotlari va boshqalarning shug‘ullanishiga yo‘l qo‘yilmaydi va qonunchilik hujjatlari bilan taqiqlanadi.

Aziz yurtdoshlar, ogoh bo‘ling, firibgarlarga aldanmang!

Танловда қатнашган устозлар орасидан қуйидагилар 1-, 2-, 3-ўринларни қўлга киритдилар:

I-ўрин Мир араб олий мадрасаси ўқитувчиси Маҳмудов Асрорхон 1-даражали диплом ва “Ҳаж” сафарига йўлланмасини қўлга киритди;

II-ўрин Тошкент ислом институти катта ўқитувчиси Пардаев Абдуқодир 2-даражали диплом ҳамда “Умра” сафари йўлланмаси соҳиби бўлди;

III-ўрин “Хадичаи Кубро” аёл-қизлар ўрта махсус ислом таълим муассасаси ўқитувчиси Муҳаммадходжаева Санобар 3-даражали диплом ҳамда музлаткич билан тақдирланди.

Қолган иштирокчиларга Ўзбекистон мусулмонлари идорасининг Фахрий ёрлиғи ва Ўзбекистон мусулмонлари идораси, “Вақф” хайрия жамоат фонди, ЎМИнинг ҳудудий вакилликлари ҳамда ташкилотчиларнинг эсдалик совғалари топширилди.

Бундан ташқари, кўрик-танлов низомига асосан янги ўқув йилидан бошлаб бир ўқув йили давомида 3-ўринни эгаллаган иштирокчига ойлик маошининг 40 фоизи миқдорида, ўрин эгалламаган иштирокчиларга ойлик маошининг 30 фоизи миқдорида уларнинг асосий иш жойи (таълим муассасаси) маблағлари ҳисобидан устама ҳақ қўшиб бериш белгилаб қўйилди.

Аллоҳ таоло барчаларига ғолибликни муборак айласин, қолган иштирокчиларга ҳам келгусида муваффақиятлар ато этсин.

20 июль куни соат 21:20 да Жидда-Наманган йўналишида Фарғона вилояти зиёратчилари Наманган халқаро аэропортига етиб келади.

Унда Фарғона вилоятининг 1, 2, 3, 4-гуруҳ зиёратчилари она-Ватанга қайтадилар.

Кутиб олувчилар диққатига!
Ҳожиларни уйларига кузатиш қуйидаги кутиб олиш марказлари орқали амалга оширилади.

1-гуруҳ – Риштон тумани Хўжаилғор масжиди
2-гуруҳ – Марғилон шаҳри Атласчи ўйингоҳи
3-гуруҳ – Ёзёвон тумани ҳокимлиги биноси
4-гуруҳ – Қувасой шаҳри Ислом масжиди

Махсус автобуслар зиёратчиларни Наманган халқаро аэропортидан кузатиш марказларига етказади.