Мазкур анжуманда мамлакатимиз бўйлаб диний-маърифий соҳада амалга оширилаётган ислоҳотлар, имом-хатибларнинг маънавий салоҳиятини юксалтириш, аҳоли билан самарали мулоқот ўрнатиш ва тарғибот ишларини замон талабларига мос равишда йўлга қўйиш масалалари муҳокама этилди. Шунингдек, жамоат билан ишлашда илғор услублар, хайрия тадбирларини ташкил этишдаги янгича ёндашувлар ҳақида фикр алмашилди.

Семинарда билдирилган таклиф ва тавсиялар ижросини таъминлаш мақсадида жорий йилнинг 14 октябрь куни Фарғона вилоятидаги имом-хатиблар иштирокида йиғилиш ўтказилди.

Йиғилиш давомида 2025 йилнинг дастлабки тўққиз ойи мобайнида соҳада амалга оширилган ишлар сарҳисоб қилинди. Имом-хатиблар олдида турган долзарб вазифалар, жумладан, мутаассиблик ва радикаллашувнинг олдини олиш, ахлоқий-маънавий соғлом муҳитни мустаҳкамлаш, ҳамда куз-қиш мавсумига тайёргарлик билан боғлиқ вазифалар муҳокама этилди.

Ўзбекистон мусулмонлари идорасининг Фарғона вилояти вакили Убайдуллоҳ домла Абдуллаев йиғилишда сўзга чиқиб, ҳар бир имом-хатиб ўз ҳудудидаги маҳалла фаолияти билан доимий мулоқотда бўлиши, аҳолининг дарду ташвишларига ҳамнафас бўлиши лозимлигини таъкидлади.

Шунингдек, оилавий тотувликни таъминлаш, ажримларнинг олдини олиш, фарзанд тарбиясида масъулиятни кучайтириш ва қўшничилик одобларига риоя қилиш, айниқса, ёшларни турли ёт ғоялар таъсирига тушиб қолишдан сақлаш долзарб масала экани қайд этилди.

Йиғилиш якунида имом-хатиблар фаолиятини янада самарали ташкил этиш, оммавий ахборот воситаларидаги чиқишлар мазмун-моҳиятини кучайтириш, жаҳолатга қарши маърифат билан курашиш, мўмин-мусулмонлар эҳтиёжларини қондириш борасида амалий кўрсатма ва тавсиялар берилди.

Фарғона вилояти вакиллиги Матбуот хизмати

***

O‘zbekiston musulmonlari idorasi raisi, Shayx Nuriddin Holiqnazar hazratlari tashabbuslari bilan joriy yilning 6–7 oktyabr kunlari Andijon viloyatida imom-xatiblar faoliyati samaradorligini oshirishga bag‘ishlangan ilmiy-amaliy seminar yuqori saviyada bo‘lib o‘tdi.

Mazkur anjumanda mamlakatimiz bo‘ylab diniy-ma’rifiy sohada amalga oshirilayotgan islohotlar, imom-xatiblarning ma’naviy salohiyatini yuksaltirish, aholi bilan samarali muloqot o‘rnatish va targ‘ibot ishlarini zamon talablariga mos ravishda yo‘lga qo‘yish masalalari muhokama etildi. Shuningdek, jamoat bilan ishlashda ilg‘or uslublar, xayriya tadbirlarini tashkil etishdagi yangicha yondashuvlar haqida fikr almashildi.

Seminarda bildirilgan taklif va tavsiyalar ijrosini ta’minlash maqsadida joriy yilning 14 oktyabr kuni Farg‘ona viloyatidagi imom-xatiblar ishtirokida yig‘ilish o‘tkazildi.

Yig‘ilish davomida 2025 yilning dastlabki to‘qqiz oyi mobaynida sohada amalga oshirilgan ishlar sarhisob qilindi. Imom-xatiblar oldida turgan dolzarb vazifalar, jumladan, mutaassiblik va radikallashuvning oldini olish, axloqiy-ma’naviy sog‘lom muhitni mustahkamlash, hamda kuz-qish mavsumiga tayyorgarlik bilan bog‘liq vazifalar muhokama etildi.

O‘zbekiston musulmonlari idorasining Farg‘ona viloyati vakili Ubaydulloh domla Abdullayev yig‘ilishda so‘zga chiqib, har bir imom-xatib o‘z hududidagi mahalla faoliyati bilan doimiy muloqotda bo‘lishi, aholining dardu tashvishlariga hamnafas bo‘lishi lozimligini ta’kidladi.

Shuningdek, oilaviy totuvlikni ta’minlash, ajrimlarning oldini olish, farzand tarbiyasida mas’uliyatni kuchaytirish va qo‘shnichilik odoblariga rioya qilish, ayniqsa, yoshlarni turli yot g‘oyalar ta’siriga tushib qolishdan saqlash dolzarb masala ekani qayd etildi.

Yig‘ilish yakunida imom-xatiblar faoliyatini yanada samarali tashkil etish, ommaviy axborot vositalaridagi chiqishlar mazmun-mohiyatini kuchaytirish, jaholatga qarshi ma’rifat bilan kurashish, mo‘min-musulmonlar ehtiyojlarini qondirish borasida amaliy ko‘rsatma va tavsiyalar berildi.

Farg‘ona viloyati vakilligi Matbuot xizmati

Муфтий ҳазратлари устоз ва мураббийларни яқинда ўтган касб байрамлари билан қутлар экан, муаллим бўлишдек шарафли касб эгаларига эҳтироми жуда баланд эканини изҳор этиб, жумладан, бундай дедилар:

“Дарҳақиқат, ўзгаларга илму маърифат зиёсини тарқатиш бениҳоя улуғ ва савобли амал. Бу вазифага мутасадди бўлган кишининг даражаси ҳам мислсиздир. Шунинг учун ҳам борлиқдаги ҳамма нарса устозларнинг ҳаққига дуо қилиб туради. Расулуллоҳ соллаллоҳу алайҳи ва саллам бундай марҳамат қилганлар: “Албатта, Аллоҳ таоло, Унинг фаришталари, осмонлару ер аҳли, ҳатто инидаги чумоли ва ҳаттоки балиқлар ҳам одамларга яхшиликни таълим берувчига салавот айтадилар” (Имом Термизий ривояти).

Шунингдек, ўқувчиларга илм-маърифатнинг фойдалари ҳақида сўзлаб, динимизда таълим олишга кучли тарғиб қилингани, илм инсонни комил даражага етказиб, икки дунёда ҳам азиз ва иззатли қиладиган катта инъомлиги, шундай экан, муҳтарам Юртбошимиз томонидан яратиб берилаётган бугунги имкониятлардан тўла фойдаланган ҳолда замонавий илмларни ҳам пухта ўзлаштириш лозимлигини таъкидладилар.

Таълим масканига синфхоналар учун

• янги дарс стол-стуллари,
• 30 та доска,
• 10 та ноутбук,
• 500 та китоблар жамланмаси ҳадя қилинди.

Ташриф ва ҳадялардан мактаб маъмурияти, ўқитувчи ва ўқувчилар жуда мамнун бўлиб, миннатдорлик билдиришди.

***

Andijon viloyatida bo‘lib o‘tayotgan ilmiy-amaliy seminarda ishtirok etish uchun borgan O‘zbekiston musulmonlari idorasi raisi, muftiy Shayx Nuriddin Xoliqnazar hazratlari safarini bugun, 7 oktyabr kuni o‘zlari ta’lim olgan Asaka tumanidagi 53-o‘rta umumta’lim maktabiga tashrifdan boshladilar.

Muftiy hazratlari ustoz va murabbiylarni yaqinda o‘tgan kasb bayramlari bilan qutlar ekan, muallim bo‘lishdek sharafli kasb egalariga ehtiromi juda baland ekanini izhor etib, jumladan, bunday dedilar:

“Darhaqiqat, o‘zgalarga ilmu ma’rifat ziyosini tarqatish benihoya ulug‘ va savobli amal. Bu vazifaga mutasaddi bo‘lgan kishining darajasi ham mislsizdir. Shuning uchun ham borliqdagi hamma narsa ustozlarning haqqiga duo qilib turadi. Rasululloh sollallohu alayhi va sallam bunday marhamat qilganlar: “Albatta, Alloh taolo, Uning farishtalari, osmonlaru yer ahli, hatto inidagi chumoli va hattoki baliqlar ham odamlarga yaxshilikni ta’lim beruvchiga salavot aytadilar” (Imom Termiziy rivoyati).

Shuningdek, o‘quvchilarga ilm-ma’rifatning foydalari haqida so‘zlab, dinimizda ta’lim olishga kuchli targ‘ib qilingani, ilm insonni komil darajaga yetkazib, ikki dunyoda ham aziz va izzatli qiladigan katta in’omligi, shunday ekan, muhtaram Yurtboshimiz tomonidan yaratib berilayotgan bugungi imkoniyatlardan to‘la foydalangan holda zamonaviy ilmlarni ham puxta o‘zlashtirish lozimligini ta’kidladilar.

Ta’lim maskaniga sinfxonalar uchun

•  yangi dars stol-stullari,
• 30 ta doska,
• 10 ta noutbuk,
• 500 ta kitoblar jamlanmasi hadya qilindi.

Tashrif va hadyalardan maktab ma’muriyati, o‘qituvchi va o‘quvchilar juda mamnun bo‘lib, minnatdorlik bildirishdi.

Йиғилишда масжид мўмин-мусулмонлар ибодат қиладиган жамоат жойи бўлгани туфайли унинг хавфсизлигини таъминлаш доимо долзарб вазифа экани таъкидланди. Жумладан, масжид хонақоҳлари, қўшимча бинолари, таҳоратхоналари ва буларга туташ ҳудудларда техник жиҳатдан осойишталикни таъминлаш устувор масала эканига алоҳида урғу қаратилди.

Муфтий ҳазратлари ҳудудлардаги барча масжидларнинг техник ва ёнғин хавфсизлиги талабларига мувофиқлиги, жумладан, иссиқ сув ҳамда иссиқлик энергияси билан таъминлаш тизимлари ва қозонхоналарни тўлиқ  назоратдан ўтказишни тегишли масъулларга топширдилар. Шунингдек, янгидан бунёд этилаётган ва жорий таъмирланаётган жомеларда қурилиш-архитектура меъёрларига эътибор қаратиш зарурлиги алоҳида қайд этилди.

Шайх Нуриддин Холиқназар ҳазратлари келгyсида Избоскан туманидаги масжид таҳоратхонасида бўлгани каби бахтсиз ҳодисаларнинг олдини олиш, масжид маъмуриятининг масъулиятини ошириш, ҳар бир объект ва техник хизмат кўрсатиш қурилмаларига алоҳида жавобгар шахс тайинлаш юзасидан кўрсатмалар бердилар. Шунингдек, мутасадди ташкилотларнинг мунтазам назоратидан ўтказиб туриш муҳимлигини билдирдилар.
Мамлакатимизда жойлашган масжидларда хавфсиз шароит яратиш, иссиқ сув ҳамда иссиқлик энергияси билан таъминлаш талабларини назорат қилишга оид Диний идора бўйруғини бажариш алоҳида таъкидланди.

Баён этилган топшириқ ва кўрсатмалар республиканинг барча худудларидаги имом-хатибларга ҳам етказилиб, ижроси назоратга олингани  маълум қилинди.

Муҳокама қилинган масалалар юзасидан тегишли қарорлар қабул қилинди.

Ўзбекистон мусулмонлари идораси Матбуот хизмати

***

Kecha, 1 aprel kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari ishtirokida Andijon viloyatidagi tuman-shahar bosh imom-xatiblarining masjidlarda xavfsizlik texnikasiga rioya qilishga bag‘ishlangan navbatdan tashqari yig‘ilishi bo‘lib o‘tdi.

Yig‘ilishda masjid mo‘min-musulmonlar ibodat qiladigan jamoat joyi bo‘lgani tufayli uning xavfsizligini ta’minlash doimo dolzarb vazifa ekani ta’kidlandi. Jumladan, masjid xonaqohlari, qo‘shimcha binolari, tahoratxonalari va bularga tutash hududlarda texnik jihatdan osoyishtalikni ta’minlash ustuvor masala ekaniga alohida urg‘u qaratildi.

Muftiy hazratlari hududlardagi barcha masjidlarning texnik va yong‘in xavfsizligi talablariga muvofiqligi, jumladan, issiq suv hamda issiqlik energiyasi bilan ta’minlash tizimlari va qozonxonalarni to‘liq  nazoratdan o‘tkazishni tegishli mas’ullarga topshirdilar. Shuningdek, yangidan bunyod etilayotgan va joriy ta’mirlanayotgan jomelarda qurilish-arxitektura me’yorlariga e’tibor qaratish zarurligi alohida qayd etildi.

Shayx Nuriddin Xoliqnazar hazratlari kelgysida Izboskan tumanidagi masjid tahoratxonasida bo‘lgani kabi baxtsiz hodisalarning oldini olish, masjid ma’muriyatining mas’uliyatini oshirish, har bir obyekt va texnik xizmat ko‘rsatish qurilmalariga alohida javobgar shaxs tayinlash yuzasidan ko‘rsatmalar berdilar. Shuningdek, mutasaddi tashkilotlarning muntazam nazoratidan o‘tkazib turish muhimligini bildirdilar.
Mamlakatimizda joylashgan masjidlarda xavfsiz sharoit yaratish, issiq suv hamda issiqlik energiyasi bilan ta’minlash talablarini nazorat qilishga oid Diniy idora bo‘yrug‘ini bajarish alohida ta’kidlandi.

Bayon etilgan topshiriq va ko‘rsatmalar respublikaning barcha xududlaridagi imom-xatiblarga ham yetkazilib, ijrosi nazoratga olingani  ma’lum qilindi.

Muhokama qilingan masalalar yuzasidan tegishli qarorlar qabul qilindi.

O‘zbekiston musulmonlari idorasi Matbuot xizmati

Сўнгги маълумотларга кўра, 31 март куни масжид таҳоратхонасида газ-ҳаво аралашмасининг чақнаши оқибатида бир неча фуқаро ҳалок бўлиб, 10 киши турли жароҳатлар билан шифохонага ётқизилган. Ҳодиса натижасида таҳоратхона девор ва том қисмига зарар етган, ёнғин содир бўлмаган.

Муфтий ҳазратлари бошчилигидаги уламолар вафот этганларнинг жаноза намозларида, маърака-маросимларида ҳақларига дуолар қилишди. Марҳумларнинг яқинларига моддий-маънавий тасалли берилди. Тан жароҳати олиб, шифохоналарда муолажа олаётганларга тез фурсатда соғайиб кетишларини тиланди.

Ўзбекистон мусулмонлари идораси томонидан ҳалок бўлганларнинг оила аъзоларига моддий ёрдамлар берилди. Шу билан бирга, амалдаги қонунчиликка асосан моддий ёрдам пуллари ҳам тўлаш назарда тутилган. Масжиднинг талафот кўрган қисмини қайта тиклаш ишлари учун ҳам белгиланган тартибда маблағлар ажратилади.

Ўзбекистон мусулмонлари идораси Матбуот хизмати

***

Bugun, 1 aprel kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Andijon viloyati Izboskan tumanidagi baxtsiz hodisa ro‘y bergan “Ahmadali hoji” jome masjidini mutasaddilar ishtirokida ko‘zdan kechirdilar. Voqea tufayli ta’ziyali bo‘lgan xonadonlarga hamdardlik bildirdilar. Qur’oni karim oyatlari o‘qilib, marhumlar haqiga bag‘ishlandi.

So‘nggi ma’lumotlarga ko‘ra, 31 mart kuni masjid tahoratxonasida gaz-havo aralashmasining chaqnashi oqibatida bir necha fuqaro halok bo‘lib, 10 kishi turli jarohatlar bilan shifoxonaga yotqizilgan. Hodisa natijasida tahoratxona devor va tom qismiga zarar yetgan, yong‘in sodir bo‘lmagan.

Muftiy hazratlari boshchiligidagi ulamolar vafot etganlarning janoza namozlarida, ma’raka-marosimlarida haqlariga duolar qilishdi. Marhumlarning yaqinlariga moddiy-ma’naviy tasalli berildi. Tan jarohati olib, shifoxonalarda muolaja olayotganlarga tez fursatda sog‘ayib ketishlarini tilandi.

O‘zbekiston musulmonlari idorasi tomonidan halok bo‘lganlarning oila a’zolariga moddiy yordamlar berildi. Shu bilan birga, amaldagi qonunchilikka asosan moddiy yordam pullari ham to‘lash nazarda tutilgan. Masjidning talafot ko‘rgan qismini qayta tiklash ishlari uchun ham belgilangan tartibda mablag‘lar ajratiladi.

O‘zbekiston musulmonlari idorasi Matbuot xizmati

Фарғона шаҳридаги «Уммул қуро» масжиди имом-хатиби Холмуроджон домла Мамажонов ташаббуси билан масжид жамоаси Андижон вилоятидаги диқкатга сазовор жойлар, тарихий обидалар, зиёратгоҳлар ва истиқлол йилларида қурилган, обод этилган манзилларга сафар уюштирилди.

Сафар асносида муқаддас қадамжолар, гўзал табиат манзараларига бой манзиллар зиёрат этилди. Кекса ва ёш авлод вакиллари бир дастурхон атрофида жам бўлиб суҳбат қурдилар. Ёши улуғ, кўпни кўрган нуронийлар ёшларга ибратли ҳаётларидан сўзлаш баробарида уларни шукроналик ила яшашга чақирдилар. Шунингдек, эл-юрт тинчлиги ва ватанободлиги, деҳқончиликларга қут-барака, халқимиз ҳаёти янада фаровон бўлишини Яратгандан сўраб дуойи-хайрлар қилинди.

Фарғона вилояти вакиллиги Матбуот хизмати

***

Inson hayot so‘qmoqlaridan yurib borar ekan, charchashi, biroz istirohat olishni istashi turgan gap. Bunday charchoqlarni kundalik dam olish ila chiqarib borishi ham oddiy holatga aylangan. Ammo goh-gohida durustroq hordiq chiqargisi, toza havo, go‘zal tabiiy manzaralardan, tog‘ yoki adirlar havosidan, ko‘l yoki daryo suvidan bahra olgisi keladi.

Farg‘ona shahridagi «Ummul quro» masjidi imom-xatibi Xolmurodjon domla Mamajonov tashabbusi bilan masjid jamoasi Andijon viloyatidagi diqkatga sazovor joylar, tarixiy obidalar, ziyoratgohlar va istiqlol yillarida qurilgan, obod etilgan manzillarga safar uyushtirildi.

Safar asnosida muqaddas qadamjolar, go‘zal tabiat manzaralariga boy manzillar ziyorat etildi. Keksa va yosh avlod vakillari bir dasturxon atrofida jam bo‘lib suhbat qurdilar. Yoshi ulug‘, ko‘pni ko‘rgan nuroniylar yoshlarga ibratli hayotlaridan so‘zlash barobarida ularni shukronalik ila yashashga chaqirdilar. Shuningdek, el-yurt tinchligi va vatanobodligi, dehqonchiliklarga qut-baraka, xalqimiz hayoti yanada farovon bo‘lishini Yaratgandan so‘rab duoyi-xayrlar qilindi.

Farg‘ona viloyati vakilligi Matbuot xizmati

Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчиликларидаги имом-хатиблар “Яшил макон” умуммиллий лойиҳаси доирасида мазкур массивда 500 туп павловния ва каштан дарахт кўчатлари ўтқазилди. Умумий майдони қарийб 4 минг гектар бўлган янги шаҳарнинг бош режасига кўра, 1820 гектар қисми яшил ҳудуддан иборат бўлади. Имкон қадар яшил ҳудудлар, боғ ва хиёбонлар ташкил этилишига эътибор қаратилган.

Сафар давомида Шайх Нуриддин Холиқназар ҳазратлари Андижон туманида жойлашган “Мурувват” ногиронлиги бўлган шахслар интернат уйига ҳам ташриф буюрдилар. Муфтий ҳазратлари мутасаддилар билан бирга муассасада яратилган шароитлар билан танишдилар. Шунингдек, бу ерда истиқомат қилаётган ногиронлиги бўлган кишиларнинг ҳол-аҳволини сўраш баробарида яхши сўзлар билан уларнинг кўнглига қувонч, юзларига табассум улашдилар.

Муассасада истиқомат қилувчилар 11 хил турда касб-ҳунар, қўл меҳнати билан банд бўлишлари, 5 та устахона ташкил этилгани, лимон етиштиришга ихтисослашган иссиқхоналар фаолиятига гувоҳ бўлинди. Шунингдек, мазкур шахслар енгил атлетика, сузиш, шахмат-шашка, волейбол, футбол, стол тенниси билан шуғулланишлари маълум бўлди.

Ташриф давомида интернaт уйига маиший техника воситалари, озиқ-овқат маҳсулотлари ва диний-маърифий адабиётлар ҳадя қилинди. Шунингдек, бу ерда истиқомат қилувчи ҳамюртларимиз учун эҳсон дастурхони ёзилиб, хайрли дуолар қилинди.

* * *

Andijon – O‘zbekistonda aholi eng zich joylashgan, yer maydoni esa nisbatan kichik hudud hisoblanadi. Ayni kunlarda Andijon shahri yaqinida qariyb 4 ming gektarlik, 411 ming aholiga mo‘ljallangan «Yangi Andijon» massivida bunyodkorlik ishlari davom etmoqda.

O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiliklaridagi imom-xatiblar “Yashil makon” umummilliy loyihasi doirasida mazkur massivda 500 tup pavlovniya va kashtan daraxt ko‘chatlari o‘tqazildi. Umumiy maydoni qariyb 4 ming gektar bo‘lgan yangi shaharning bosh rejasiga ko‘ra, 1820 gektar qismi yashil hududdan iborat bo‘ladi. Imkon qadar yashil hududlar, bog‘ va xiyobonlar tashkil etilishiga e’tibor qaratilgan.

Safar davomida Shayx Nuriddin Xoliqnazar hazratlari Andijon tumanida joylashgan “Muruvvat” nogironligi bo‘lgan shaxslar internat uyiga ham tashrif buyurdilar. Muftiy hazratlari mutasaddilar bilan birga muassasada yaratilgan sharoitlar bilan tanishdilar. Shuningdek, bu yerda istiqomat qilayotgan nogironligi bo‘lgan kishilarning hol-ahvolini so‘rash barobarida yaxshi so‘zlar bilan ularning ko‘ngliga quvonch, yuzlariga tabassum ulashdilar.

Muassasada istiqomat qiluvchilar 11 xil turda kasb-hunar, qo‘l mehnati bilan band bo‘lishlari, 5 ta ustaxona tashkil etilgani, limon yetishtirishga ixtisoslashgan issiqxonalar faoliyatiga guvoh bo‘lindi. Shuningdek, mazkur shaxslar yengil atletika, suzish, shaxmat-shashka, voleybol, futbol, stol tennisi bilan shug‘ullanishlari ma’lum bo‘ldi.

Tashrif davomida internat uyiga maishiy texnika vositalari, oziq-ovqat mahsulotlari va diniy-ma’rifiy adabiyotlar hadya qilindi. Shuningdek, bu yerda istiqomat qiluvchi hamyurtlarimiz uchun ehson dasturxoni yozilib, xayrli duolar qilindi.

Дастлаб фуқаролар қабули ташкил этилиб, ҳамюртларимизнинг масжид-мадрасалар фаолияти, ижтимоий ҳимояга муҳтож кишиларга моддий кўмак бериш, муолажа, дори-дармон учун маблағ, ўқув тўлов контрактларини қоплаш, ҳаж-умра масалалари ва оилавий муносабатлар юзасидан мурожаатлари тингланиб, ҳал этиш чоралари кўрилди. Мазкур қабулда фуқаролар бундай сайёр учрашувлар олис ҳудудларда ҳам ташкил этилаётгани ва мурожаатларга ечим топаётгани учун ўз миннатдорлигини изҳор этдилар.

Шайх Нуриддин Холиқназар ҳазратлари Андижон вилояти Бош масжиди (Девонавой) жомесида намозхонларга Рамазон ойи яқинлашиб келаётгани, бу ойга ҳар бир мўмин-мусулмон маънавий тайёргарлик кўриши ҳақида сўз юритдилар. Хусусан, гуноҳлар мағфират бўладиган бу ойни эзгу ниятлар билан кутиб олиш, ёмон иллатлардан воз кечиш, гина-кудуратларни унутиб, қалбни яхшиликлар ила тўлдириши кераклиги таъкидладилар. Шунингдек, муҳтож ва кам таъминланганлар, жисмоний имконияти чекланганлар, бева-бечора ва етимлар хабар олиб уларга хайру саховат кўрсатиш, ота-она ва яқин қариндошларига силаи раҳм ишларини кўпайтириш лозимлиги қайд этдилар.

Андижон вилоятидаги бир неча жоме масжидларда Рамазон ойига тайёргарлик жараёнлари билан яқиндан танишилиб, тегишли кўрсатма ва тавсиялар берилди. Хусусан, барча масжидларда ободонлаштириш ишлари ва мўмин-мусулмонлар ибодат қилишлари учун етарли шарт-шароитлар ҳозирлаш кабиларга эътибор қаратилди. Ўз навбатида, имом-хатибларнинг маҳалла фаоллари билан ҳамкорликда ишлаш жараёнлари билан ҳам яқиндан танишилди.

Ўзбекистон мусулмонлари идораси
Матбуот хизмати

* * *

Bugun, 28 fevral kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining Andijon viloyatiga safarlari ezgu niyatlar va xalqni rozi qilish yo‘lidagi xayrli ishlar bilan boshlandi.

Dastlab fuqarolar qabuli tashkil etilib, hamyurtlarimizning masjid-madrasalar faoliyati, ijtimoiy himoyaga muhtoj kishilarga moddiy ko‘mak berish, muolaja, dori-darmon uchun mablag‘, o‘quv to‘lov kontraktlarini qoplash, haj-umra masalalari va oilaviy munosabatlar yuzasidan murojaatlari tinglanib, hal etish choralari ko‘rildi. Mazkur qabulda fuqarolar bunday sayyor uchrashuvlar olis hududlarda ham tashkil etilayotgani va murojaatlarga yechim topayotgani uchun o‘z minnatdorligini izhor etdilar.

Shayx Nuriddin Xoliqnazar hazratlari Andijon viloyati Bosh masjidi (Devonavoy) jomesida namozxonlarga Ramazon oyi yaqinlashib kelayotgani, bu oyga har bir mo‘min-musulmon ma’naviy tayyorgarlik ko‘rishi haqida so‘z yuritdilar. Xususan, gunohlar mag‘firat bo‘ladigan bu oyni ezgu niyatlar bilan kutib olish, yomon illatlardan voz kechish, gina-kuduratlarni unutib, qalbni yaxshiliklar ila to‘ldirishi kerakligi ta’kidladilar. Shuningdek, muhtoj va kam ta’minlanganlar, jismoniy imkoniyati cheklanganlar, beva-bechora va yetimlar xabar olib ularga xayru saxovat ko‘rsatish, ota-ona va yaqin qarindoshlariga silai rahm ishlarini ko‘paytirish lozimligi qayd etdilar.

Andijon viloyatidagi bir necha jome masjidlarda Ramazon oyiga tayyorgarlik jarayonlari bilan yaqindan tanishilib, tegishli ko‘rsatma va tavsiyalar berildi. Xususan, barcha masjidlarda obodonlashtirish ishlari va mo‘min-musulmonlar ibodat qilishlari uchun yetarli shart-sharoitlar hozirlash kabilarga e’tibor qaratildi. O‘z navbatida, imom-xatiblarning mahalla faollari bilan hamkorlikda ishlash jarayonlari bilan ham yaqindan tanishildi.

O‘zbekiston musulmonlari idorasi
Matbuot xizmati

Унда ҳамюртларимизнинг диний соҳага оид мурожаатлари, масжидлар ва имом-хатиблар фаолиятига оид талаб-истаклари, оилавий муносабатлар ва шаръий саволлар ҳамда ижтимоий ҳимояга муҳтож кишиларни ҳар жиҳатдан қўллаб-қувватлаш масалалари кўриб чиқилади.

Ўзбекистон мусулмонлари идораси
Матбуот хизмати

* * *

2024 yil 28 fevral chorshanba kuni Andijon viloyati Bosh masjidi (Devonavoy) jomeida soat 10:00 dan boshlab, O‘zbekiston musulmonlari idorasi raisi, muftiy Shayx Nuriddin Xoliqnazar hazratlari tomonidan sayyor qabul o‘tkaziladi.

Unda hamyurtlarimizning diniy sohaga oid murojaatlari, masjidlar va imom-xatiblar faoliyatiga oid talab-istaklari, oilaviy munosabatlar va shar’iy savollar hamda ijtimoiy himoyaga muhtoj kishilarni har jihatdan qo‘llab-quvvatlash masalalari ko‘rib chiqiladi.

O‘zbekiston musulmonlari idorasi
Matbuot xizmati