Хатмона тадбирида Фарғона вилояти бош имом-хатиби, Ўзбекистон мусулмонлари идораси Уламолар кенгаши аъзоси Убайдуллоҳ домла Абдуллаев ҳам иштирок этди.

Убайдуллоҳ домла ўз сўзида илм аҳлининг жамиятдаги ўрни, диний-маърифий соҳада хизмат қилишнинг масъулияти ҳамда илм билан амалнинг уйғунлиги ҳақида атрофлича тўхталди. Шунингдек, ёш мутахассисларни халқ хизматида сидқидилдан меҳнат қилишга, эгаллаган билимларини эзгу мақсадлар йўлида сарфлашга чақирди.

Суратлар maxdum.uz сайтидан олинди

***

Andijon viloyatidagi «Sayyid Muhyiddin maxdum» islom bilim yurtida bitiruvchi talabalar uchun xatmona tadbiri tashkil etildi. Tadbirda bilim yurti rahbariyati, ustozlar, talabalar, ularning ota-onalari ishtirok etdilar.

Xatmona tadbirida Farg‘ona viloyati bosh imom-xatibi, O‘zbekiston musulmonlari idorasi Ulamolar kengashi aʼzosi Ubaydulloh domla Abdullayev ham ishtirok etdi.

Ubaydulloh domla o‘z so‘zida ilm ahlining jamiyatdagi o‘rni, diniy-maʼrifiy sohada xizmat qilishning masʼuliyati hamda ilm bilan amalning uyg‘unligi haqida atroflicha to‘xtaldi. Shuningdek, yosh mutaxassislarni xalq xizmatida sidqidildan mehnat qilishga, egallagan bilimlarini ezgu maqsadlar yo‘lida sarflashga chaqirdi.

Suratlar maxdum.uz saytidan olindi

Убайдуллоҳ домлага билим юрти раҳбари Рустамжон домла Маҳмудов ҳамроҳлик қилди. Учрашув аввалида таълим муассасаси фаолияти, ўқув жараёни ва ёшлар учун яратилган имкониятлар батафсил таништирилди. Таъкидланишича, бугун таълим сифати босқичма-босқич такомиллашиб, янги ўқув дастурлари жорий этилмоқда, замонавий ўқув хоналари, электрон ресурслар ва бой кутубхона ёшлар ихтиёрига тақдим этилган. Бу ўз навбатида илму маърифатни чуқур ўрганишга интилаётган талабалар учун муҳим мадад бўлаётгани қайд этилди.

Давра суҳбати давомида Убайдуллоҳ домла талабаларни илмни пухта эгаллашга, ҳар бир дарсни масъулият билан ўрганишга, келажакда эл-юртга хизмат қиладиган етук уламолар сафидан ўрин эгаллашга чақирар экан, юртимиз уламолари ҳаётидан ибратли мисоллар келтирилди.

— «Илм талаб қилиш йўлидаги машаққат одамни камолга етказади. Илмни фақат ўрганибгина қолмасдан, уни ҳаётда қўллаш, амал қилиш инсоннинг энг гўзал зийнати ҳисобланади” — дея таъкидланди.

Талабаларга вақтни қадрлаш, устозларнинг дуоси ва розилигига эришиш, китоб мутолаасини кундалик одатга айлантириш каби муҳим маслаҳатлар берилди. Убайдуллоҳ домла ёш авлодга бўлган юксак ишончини изҳор этиб, ҳар бир талаба илмда ўз олдига буюк бир мақсад қўйиши кераклиги ҳамда шу мақсадга эришиш йўлида доимо интилиб бориш кераклиги айтилди.

Ҳозирда “Саййид Муҳйиддин Махдум” ўрта махсус ислом билим юртида 47 нафар фарғоналик ёшлар таҳсил олмоқда. Уларнинг 15 нафари 4-курсда таҳсил олиб, мустақил ҳаёт остонасида турибди. Улар барча илмларни пухта эгаллаб, келгусида вилоятимиздаги масжидларда халқимиз маънавияти ва маърифати ҳамда дин хизматида камарбаста бўлишларига ишонч билдирилди.

***

Bugun, 26 noyabr kuni Farg‘ona viloyati bosh imom-xatibi Ubaydulloh domla Abdullayev Andijondagi “Sayyid Muhyiddin Maxdum” o‘rta maxsus islom bilim yurtida bo‘lib, mazkur maskanda tahsil olayotgan talabalar bilan samimiy va mazmunli davra suhbati o‘tkazdi.

Ubaydulloh domlaga bilim yurti rahbari Rustamjon domla Mahmudov hamrohlik qildi. Uchrashuv avvalida ta’lim muassasasi faoliyati, o‘quv jarayoni va yoshlar uchun yaratilgan imkoniyatlar batafsil tanishtirildi. Ta’kidlanishicha, bugun ta’lim sifati bosqichma-bosqich takomillashib, yangi o‘quv dasturlari joriy etilmoqda, zamonaviy o‘quv xonalari, elektron resurslar va boy kutubxona yoshlar ixtiyoriga taqdim etilgan. Bu o‘z navbatida ilmu ma’rifatni chuqur o‘rganishga intilayotgan talabalar uchun muhim madad bo‘layotgani qayd etildi.

Davra suhbati davomida Ubaydulloh domla talabalarni ilmni puxta egallashga, har bir darsni mas’uliyat bilan o‘rganishga, kelajakda el-yurtga xizmat qiladigan yetuk ulamolar safidan o‘rin egallashga chaqirar ekan, yurtimiz ulamolari hayotidan ibratli misollar keltirildi.

— Ilm talab qilish yo‘lidagi mashaqqat odamni kamolga yetkazadi. Ilmni faqat o‘rganibgina qolmasdan, uni hayotda qo‘llash, amal qilish insonning eng go‘zal ziynati hisoblanadi” — deya ta’kidlandi.

Talabalarga vaqtni qadrlash, ustozlarning duosi va roziligiga erishish, kitob mutolaasini kundalik odatga aylantirish kabi muhim maslahatlar berildi. Ubaydulloh domla yosh avlodga bo‘lgan yuksak ishonchini izhor etib, har bir talaba ilmda o‘z oldiga buyuk bir maqsad qo‘yishi kerakligi hamda shu maqsadga erishish yo‘lida doimo intilib borish kerakligi aytildi.

Hozirda “Sayyid Muhyiddin Maxdum” o‘rta maxsus islom bilim yurtida 47 nafar farg‘onalik yoshlar tahsil olmoqda. Ularning 15 nafari 4-kursda tahsil olib, mustaqil hayot ostonasida turibdi. Ular barcha ilmlarni puxta egallab, kelgusida viloyatimizdagi masjidlarda xalqimiz ma’naviyati va ma’rifati hamda din xizmatida kamarbasta bo‘lishlariga ishonch bildirildi.