Семинар давомида масжидларда тушаётган эҳсонлар ва бошқа маблағларни белгиланган тартибда расмий ҳисобрақамларга кирим қилиш масаласига алоҳида эътибор қаратилди. Иштирокчиларга молиявий интизомни таъминлаш, маблағлар шаффофлигини йўлга қўйиш бўйича аниқ тавсиялар берилди.

Шунингдек, масжидларда харажатларни амалга оширишда тасдиқланган сметага амал қилиш зарурлиги таъкидланди. Харажатларни режали ва мақсадли сарфлаш, маблағларни тежамкорлик билан ишлатиш орқали масжид фаолияти самарадорлигини ошириш масалалари кенг муҳокама қилинди.

Семинарда иш ҳақини белгилашда бухгалтерия ва меҳнат қонунчилиги талабларига риоя қилиш муҳимлигига ҳам тўхталиб ўтилди. Ходимлар меҳнатига ҳақ тўлашда адолат ва қонунийликни таъминлаш, барча ҳисоб-китобларни тўғри юритиш юзасидан амалий тушунчалар берилди.

Бундан ташқари, масжидларда иш юритиш ҳужжатларини тартибли ва меъёрий талаблар асосида юритиш масаласи ҳам муҳокама қилинди. Ҳужжатларни тўғри расмийлаштириш, ҳисоботларни ўз вақтида тайёрлаш ва сақлаш бўйича зарур кўникмалар иштирокчиларга етказилди.

***

Shu yil 16–17 aprel kunlari O‘zbekiston musulmonlari idorasi Moliyaviy nazorat va tahlil bo‘limi boshlig‘i Islomiddin domla Zuhriddinov boshchiligidagi masʼul xodimlar tomonidan Farg‘ona viloyatidagi masjidlarda moliya-xo‘jalik faoliyatiga masʼul bo‘lgan mutavalli-hisobchilar uchun o‘quv seminari tashkil etildi. Mazkur seminar soha xodimlarining moliyaviy savodxonligini oshirish, ish jarayonlarini qonuniy va tizimli tashkil etishga qaratilgani bilan ahamiyatli bo‘ldi.

Seminar davomida masjidlarda tushayotgan ehsonlar va boshqa mablag‘larni belgilangan tartibda rasmiy hisobraqamlarga kirim qilish masalasiga alohida eʼtibor qaratildi. Ishtirokchilarga moliyaviy intizomni taʼminlash, mablag‘lar shaffofligini yo‘lga qo‘yish bo‘yicha aniq tavsiyalar berildi.

Shuningdek, masjidlarda xarajatlarni amalga oshirishda tasdiqlangan smetaga amal qilish zarurligi taʼkidlandi. Xarajatlarni rejali va maqsadli sarflash, mablag‘larni tejamkorlik bilan ishlatish orqali masjid faoliyati samaradorligini oshirish masalalari keng muhokama qilindi.

Seminarda ish haqini belgilashda buxgalteriya va mehnat qonunchiligi talablariga rioya qilish muhimligiga ham to‘xtalib o‘tildi. Xodimlar mehnatiga haq to‘lashda adolat va qonuniylikni taʼminlash, barcha hisob-kitoblarni to‘g‘ri yuritish yuzasidan amaliy tushunchalar berildi.

Bundan tashqari, masjidlarda ish yuritish hujjatlarini tartibli va meʼyoriy talablar asosida yuritish masalasi ham muhokama qilindi. Hujjatlarni to‘g‘ri rasmiylashtirish, hisobotlarni o‘z vaqtida tayyorlash va saqlash bo‘yicha zarur ko‘nikmalar ishtirokchilarga yetkazildi.

Мутаваллилар масжид мулки ва молиявий манбаларидан мақсадли ва шаффоф фойдаланилишини таъминлаш, хайрия маблағларини ўз ўрнида сарфлаш, ҳисоб-китоб ва ҳисобот ишларини тизимли юритиш орқали жамоатчилик ишончини мустаҳкамлашда муҳим вазифани бажариб келмоқдалар. Уларнинг фаолияти масжидларда барқарорлик, тартиб-интизом ва қонун устуворлигини таъминлашга хизмат қилмоқда.

Шу маънода, Фарғона вилояти вакиллигида вилоят бош имом-хатиби Убайдуллоҳ домла Абдуллаев бошчилигиди бўлиб ўтган тадбирда масжидлар молиявий фаолиятини тўғри йўлга қўйиш, ҳужжатларни юритишда намунавий тажриба кўрсатиб келаётган бир гуруҳ фаол мутаваллиларнинг меҳнати муносиб эътироф этилди. Тадбир давомида уларга ташаккурнома ва эсдалик совғалари топширилиб, келгусидаги фаолиятига муваффақиятлар тиланди.

***

Bugungi kunda masjidlar faoliyatini samarali tashkil etish, ayniqsa, ularning moliyaviy-iqtisodiy ishlarini qonunchilik talablari asosida to‘g‘ri yo‘lga qo‘yish, hujjatlarni belgilangan tartibda rasmiylashtirib borishda mutavallilarning o‘rni va xizmati beqiyos hisoblanadi.

Mutavallilar masjid mulki va moliyaviy manbalaridan maqsadli va shaffof foydalanilishini ta’minlash, xayriya mablag‘larini o‘z o‘rnida sarflash, hisob-kitob va hisobot ishlarini tizimli yuritish orqali jamoatchilik ishonchini mustahkamlashda muhim vazifani bajarib kelmoqdalar. Ularning faoliyati masjidlarda barqarorlik, tartib-intizom va qonun ustuvorligini ta’minlashga xizmat qilmoqda.

Shu ma’noda, Farg‘ona viloyati vakilligida viloyat bosh imom-xatibi Ubaydulloh domla Abdullayev boshchiligidi bo‘lib o‘tgan tadbirda masjidlar moliyaviy faoliyatini to‘g‘ri yo‘lga qo‘yish, hujjatlarni yuritishda namunaviy tajriba ko‘rsatib kelayotgan bir guruh faol mutavallilarning mehnati munosib e’tirof etildi. Tadbir davomida ularga tashakkurnoma va esdalik sovg‘alari topshirilib, kelgusidagi faoliyatiga muvaffaqiyatlar tilandi.