Финал ўйинини таниқли футбол шарҳловчилари Мирзаҳаким Тўхтамирзаев ва Ориф Толипов шарҳлаб борди.

Мусобақа якунига кўра:

1-ўрин: Қорақалпоғистон мусулмонлари қозиёти жамоаси;
2-ўрин: Наманган вакиллиги жамоаси;
3-ўрин: Самарқанд вакиллиги жамоасига насиб этди.

Муросасиз кечган ўйинни футбол шайдолари олқишлар ила кузатиб боришди. Асосий вақтда жамоалар 4:4 ҳисобида дуранг қайд этишди. Ғолиб жамоа пеналтилар серияси орқали аниқланди. Унда Қорақалпоғистон мусулмонлари қозиёти жамоаси 4:2 ҳисобда мустлақ чемпион бўлишди.

Мусобақадан сўнг тақдирлаш маросими бўлиб ўтди. Унда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Дин ишлари бўйича қўмита раиси Содиқжон Тошбоев, Ўзбекистон футбол ассоциацияси биринчи вице-президенти Равшан Эрматов, Ўзбекистон миллий терма жамоаси ёрдамчи мураббийи Темур Кападзе, футбол афсонаси Миржалол Қосимов ва бир гуруҳ мутасаддилар бош кубокни финал ўйини ғолиби Қорақалпоғистон жамоасига тантанали тарзда топширди. Шунингдек, ғолиб жамоа аъзоларининг ҳар бирига биринчи ўрин медали ва ноутбук тақдим этилди.

Наманган жамоасига эса иккинчи ўрин медали ва замонавий телевизор, Самарқанд жамоасига учинчи ўрин медали ва планшет топширилди. Шунингдек, ҳакамлар, “Энг яхши дарвозабон”, “Энг кўп тўпурар”, “Энг яхши ўйинчи” номинацияларига сазовор бўлган ўйинчиларга ҳам қимматбаҳо совғалар топширилди. Шунингдек, барча ўрин соҳибларига пул мукофотлари ва эсдалик совғалари ҳам тақдим этилди.

Ўзбекистон мусулмонлари идораси Матбуот хизмати

***

Vanihoyat kutilgan final oʼyini boʼlib oʼtdi. “Muftiy sovrini – 2025” mini-futbol musobaqasi yakuniy uchrashuvida Namangan vakilligi va Qoraqalpogʼiston musulmonlari qoziyoti jamoalari oʼzaro bellashdi. Ikkala jamoa ham ushbu musobaqaga jiddiy tayyorgarlik koʼrib kelishgani yaqqol namoyon boʼldi. Boisi ularning saralashlardan muvaffaqiyatli oʼtib, yuqori bosqichgacha yetib kelgani ham bejis emas.

Final oʼyinini taniqli futbol sharhlovchilari Mirzahakim Toʼxtamirzaev va Orif Tolipov sharhlab bordi.

Musobaqa yakuniga koʼra:

1-oʼrin: Qoraqalpogʼiston musulmonlari qoziyoti jamoasi;
2-oʼrin: Namangan vakilligi jamoasi;
3-oʼrin: Samarqand vakilligi jamoasiga nasib etdi.

Murosasiz kechgan oʼyinni futbol shaydolari olqishlar ila kuzatib borishdi. Аsosiy vaqtda jamoalar 4:4 hisobida durang qayd etishdi. Gʼolib jamoa penaltilar seriyasi orqali aniqlandi. Unda Qoraqalpogʼiston musulmonlari qoziyoti jamoasi 4:2 hisobda mustlaq chempion boʼlishdi.

Musobaqadan soʼng taqdirlash marosimi boʼlib oʼtdi. Unda Oʼzbekiston musulmonlari idorasi raisi, muftiy Shayx Nuriddin Xoliqnazar hazratlari, Din ishlari boʼyicha qoʼmita raisi Sodiqjon Toshboev, Oʼzbekiston futbol assotsiatsiyasi birinchi vitse-prezidenti Ravshan Ermatov, Oʼzbekiston milliy terma jamoasi yordamchi murabbiyi Temur Kapadze, futbol afsonasi Mirjalol Qosimov va bir guruh mutasaddilar bosh kubokni final oʼyini gʼolibi Qoraqalpogʼiston jamoasiga tantanali tarzda topshirdi. Shuningdek, gʼolib jamoa aʼzolarining har biriga birinchi oʼrin medali va noutbuk taqdim etildi.

Namangan jamoasiga esa ikkinchi oʼrin medali va zamonaviy televizor, Samarqand jamoasiga uchinchi oʼrin medali va planshet topshirildi. Shuningdek, hakamlar, “Eng yaxshi darvozabon”, “Eng koʼp toʼpurar”, “Eng yaxshi oʼyinchi” nominatsiyalariga sazovor boʼlgan oʼyinchilarga ham qimmatbaho sovgʼalar topshirildi. Shuningdek, barcha oʼrin sohiblariga pul mukofotlari va esdalik sovgʼalari ham taqdim etildi.

Oʼzbekiston musulmonlari idorasi Matbuot xizmati

Мусобақа аввалида Ўзбекистон Республикаси Давлат мадҳияси янгради. Барча иштирокчилар қўлларини кўксига қўйиб, унга жўр бўлишди.

Очилиш маросимида Ўзбекистон мусулмонлари идораси раиси, муфтий Шайх Нуриддин Холиқназар ҳазратлари иштирокчиларни финал учрашувларига чиққанлари билан муборакбод этиб, давлатимиз Раҳбари ташаббуслари билан спортга берилаётган эътибор, эришилган натижалар ва ўтказилаётган мазкур мусобақа диний соҳа ходимлари ўртасидаги ҳамжиҳатликни мустаҳкамлаши, дўстлик ва меҳр-муҳаббат туйғуларини янада юксалтиришга хизмат қилишини алоҳида таъкидладилар.

Шундан сўнг Самарқанд ва Сурхондарё жамоаларининг учинчи ўрин учун уйинларига старт берилди. Ундан кейин Наманган ва Қорақалпоғистон жамоалари биринчи ўрин учун кураш олиб боришади.

Мусобақа тафсилотларини каналимизда кузатиб боринг.

***

“Muftiy sovrini – 2025” mini-futbol musobaqasi Respublika bosqichi final o‘yinlari boshlandi. Ochilish marosimida O‘zbekiston musulmonlari idorasi va Din ishlari bo‘yicha qo‘mita rahbariyati, O‘zbekiston futbol assotsiatsiyasi mas’ul xodimlari, hakamlar, viloyat bosh imom-xatiblari, mutasaddi vakillari, futbol faxriylari va shaydolari ishtirok etdi.

Musobaqa avvalida O‘zbekiston Respublikasi Davlat madhiyasi yangradi. Barcha ishtirokchilar qo‘llarini ko‘ksiga qo‘yib, unga jo‘r bo‘lishdi.

Ochilish marosimida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari ishtirokchilarni final uchrashuvlariga chiqqanlari bilan muborakbod etib, davlatimiz Rahbari tashabbuslari bilan sportga berilayotgan e’tibor, erishilgan natijalar va o‘tkazilayotgan mazkur musobaqa diniy soha xodimlari o‘rtasidagi hamjihatlikni mustahkamlashi, do‘stlik va mehr-muhabbat tuyg‘ularini yanada yuksaltirishga xizmat qilishini alohida ta’kidladilar.

Shundan so‘ng Samarqand va Surxondaryo jamoalarining uchinchi o‘rin uchun uyinlariga start berildi. Undan keyin Namangan va Qoraqalpog‘iston jamoalari birinchi o‘rin uchun kurash olib borishadi.

Musobaqa tafsilotlarini kanalimizda kuzatib boring.

Ушбу муносабат билан бугун, 20 октябрь куни Тошкент шаҳрида жойлашган “Le Grande Plaza” меҳмонхонасида мазкур мусобақанинг қуръа ташлаш маросими бўлиб ўтди. Унда Ўзбекистон мусулмонлари идораси раҳбарияти, Ўзбекистон футбол ассоциацияси масъул ходимлари, ҳакамлар, ҳудудий вакиллар, жамоа аъзолари ва уларнинг мураббийлари, оммавий ахборот воситалари ходимлари иштирок этди.

Тадбирда Ўзбекистон мусулмонлари идораси раисининг ўринбосарлари Зайниддин домла Эшонқулов, Обиджон Қодиров, таниқли футбол шарҳловчиси Даврон Файзиев сўзга чиқиб, мамлакатимизда кейинги йилларда жисмоний тарбия ва спортни оммалаштиришга алоҳида эътибор қаратилаётгани, бу эса жамиятимизда соғлом турмуш тарзини қарор топтиришда аҳамияти катта эканини таъкидлади. Шунингдек, диний соҳа ходимлари барча жабҳалар қатори спорт соҳасида ҳам фаоллик кўрсатаётгани таҳсинга лойиқлигини эътироф этди.

Қуръа натижаларига кўра, Ўзбекистон мусулмонлари идораси таркибидаги ҳудудий вакилликларнинг жамоалари қуйидаги тартибда ўзаро беллашади:

1-ўйин: Ўзбекистон мусулмонлари идораси ва “Шамсуддинхон Бобохонов” нашриёти жамоаси;

2-ўйин: Наманган вилояти ва Қашқадарё вилояти жамоалари;

3-ўйин: Хоразм вилояти ва Сурхондарё вилояти жамоалари;

4-ўйин: Андижон вилояти ва Сирдарё вилояти жамоалари;

5-ўйин: Фарғона вилояти ва Самарқанд вилояти жамоалари;

6-ўйин: Тошкент шаҳар ва Навоий вилояти жамоалари;

7-ўйин: Тошкент вилояти ва Бухоро вилояти жамоалари;

8-ўйин: Қорақалпоғистон Республикаси ва Жиззах вилояти жамоалари.

Маълумот ўрнида беллашувлар ФИФАнинг мини-футбол қоидалари асосида ўтказилади. Ҳар бир жамоа таркиби 5 нафар асосий, 4 нафар заҳирадаги ўйинчи ҳамда 1 нафар мураббийдан ташкил топади. Мусобақа ним чорак финал, чорак финал, ярим финал ва финал босқичларида бўлиб ўтади.

***

Shu yilning 21-22 oktyabr kunlari O‘zbekiston musulmonlari idorasi raisi, muftiy Shayx Nuriddin Xoliqnazar hazratlari tashabbusi bilan diniy soha xodimlari o‘rtasida mini-futbol bo‘yicha “Muftiy sovrini – 2025” musobaqasining respublika bosqichi o‘tkaziladi.

Ushbu munosabat bilan bugun, 20 oktyabr kuni Toshkent shahrida joylashgan “Le Grande Plaza” mehmonxonasida mazkur musobaqaning qur’a tashlash marosimi bo‘lib o‘tdi. Unda O‘zbekiston musulmonlari idorasi rahbariyati, O‘zbekiston futbol assotsiatsiyasi mas’ul xodimlari, hakamlar, hududiy vakillar, jamoa a’zolari va ularning murabbiylari, ommaviy axborot vositalari xodimlari ishtirok etdi.

Tadbirda O‘zbekiston musulmonlari idorasi raisining o‘rinbosarlari Zayniddin domla Eshonqulov, Obidjon Qodirov, taniqli futbol sharhlovchisi Davron Fayziyev so‘zga chiqib, mamlakatimizda keyingi yillarda jismoniy tarbiya va sportni ommalashtirishga alohida e’tibor qaratilayotgani, bu esa jamiyatimizda sog‘lom turmush tarzini qaror toptirishda ahamiyati katta ekanini ta’kidladi. Shuningdek, diniy soha xodimlari barcha jabhalar qatori sport sohasida ham faollik ko‘rsatayotgani tahsinga loyiqligini e’tirof etdi.

Qur’a natijalariga ko‘ra, O‘zbekiston musulmonlari idorasi tarkibidagi hududiy vakilliklarning jamoalari quyidagi tartibda o‘zaro bellashadi:

1-o‘yin: O‘zbekiston musulmonlari idorasi va “Shamsuddinxon Boboxonov” nashriyoti jamoasi;

2-o‘yin: Namangan viloyati va Qashqadaryo viloyati jamoalari;

3-o‘yin: Xorazm viloyati va Surxondaryo viloyati jamoalari;

4-o‘yin: Andijon viloyati va Sirdaryo viloyati jamoalari;

5-o‘yin: Farg‘ona viloyati va Samarqand viloyati jamoalari;

6-o‘yin: Toshkent shahar va Navoiy viloyati jamoalari;

7-o‘yin: Toshkent viloyati va Buxoro viloyati jamoalari;

8-o‘yin: Qoraqalpog‘iston Respublikasi va Jizzax viloyati jamoalari.

Ma’lumot o‘rnida bellashuvlar FIFAning mini-futbol qoidalari asosida o‘tkaziladi. Har bir jamoa tarkibi 5 nafar asosiy, 4 nafar zahiradagi o‘yinchi hamda 1 nafar murabbiydan tashkil topadi. Musobaqa nim chorak final, chorak final, yarim final va final bosqichlarida bo‘lib o‘tadi.