Бугун, 6 октябрь куни Қорақалпоғистон мусулмонлари қозиёти қозиси, Тошкент шаҳри ва вилоятлар бош имом-хатиблари “Саййид Муҳйиддин махдум” ўрта махсус ислом таълим муассасаси фаолияти билан танишдилар. Бош имом-хатибларга билим юрти раҳбари Рустамжон домла Маҳмудов ҳамроҳлик қилиб, батафсил маълумот берди.

Семинар қатнашчилари билим юрти фаолияти, педагог-ўқитувчи ва талабаларга яратилган шарт-шароитларни кўздан кечиришди. Ўқув хоналари, дарс жараёнлари, Ахборот ресурс маркази, кутубхона, талабалар ётоқхоналарида бўлиб, талабалар билан дилдан мулоқот қилдилар.

Суҳбатлар асносида талабаларга барча билимларни пухта эгаллаши, келажакда етук олим бўлиб етишишга астойдил ҳаракат қилиши лозимлиги таъкидланди. Илм талаб қилиш йўлида чекиладиган машаққатлар, илмга амал қилиш кишини зийнатлаши, илм аҳлининг даражалари ҳақида ҳаётий мисоллар келтирилиб, толиби илмларга рағбатлар берилди. Талабалар билан олаётган таҳсиллари борасида савол-жавоблар қилинди. Улар берган жавоблар меҳмонларни ҳайратда қолдирди.

Мутасаддилар томонидан бош имом-хатибларга ўзларига бириктирилган Андижон вилоятининг туман-шаҳарларидаги масжидлар ҳолати ва имом-хатиблар фаолиятини ўрганиш юзасидан тавсиялар берилди.

Маълумот учун, “Саййид Муҳйиддин махдум” ўрта махсус ислом билим юрти 1992 йилда Андижон вилояти Олтинкўл тумани Жалабек қишлоғида фаолият бошлаган. Билим юртига Жалабек қишлоғида ХХ асрнинг бошларида яшаб ўтган дин, миллат, ватан учун катта хизматлар қилган, ўз даврида Андижон вилояти қозиси, эски шаҳардаги мадраса бош мударриси бўлган Саййид Муҳйиддин домланинг номи берилган.

Ўзбекистон мусулмонлари идораси
Матбуот хизмати

***

Xabar berganimizdek, shu yilning 6-7 oktyabr kunlari Andijon viloyatida imom-xatiblar faoliyati samaradorligini oshirishga bag‘ishlangan ilmiy-amaliy seminar doirasidagi tadbirlar boshlandi.

Bugun, 6 oktyabr kuni Qoraqalpog‘iston musulmonlari qoziyoti qozisi, Toshkent shahri va viloyatlar bosh imom-xatiblari “Sayyid Muhyiddin maxdum” o‘rta maxsus islom ta’lim muassasasi faoliyati bilan tanishdilar. Bosh imom-xatiblarga bilim yurti rahbari Rustamjon domla Mahmudov hamrohlik qilib, batafsil ma’lumot berdi.

Seminar qatnashchilari bilim yurti faoliyati, pedagog-o‘qituvchi va talabalarga yaratilgan shart-sharoitlarni ko‘zdan kechirishdi. O‘quv xonalari, dars jarayonlari, Axborot resurs markazi, kutubxona, talabalar yotoqxonalarida bo‘lib, talabalar bilan dildan muloqot qildilar.

Suhbatlar asnosida talabalarga barcha bilimlarni puxta egallashi, kelajakda yetuk olim bo‘lib yetishishga astoydil harakat qilishi lozimligi ta’kidlandi. Ilm talab qilish yo‘lida chekiladigan mashaqqatlar, ilmga amal qilish kishini ziynatlashi, ilm ahlining darajalari haqida hayotiy misollar keltirilib, tolibi ilmlarga rag‘batlar berildi. Talabalar bilan olayotgan tahsillari borasida savol-javoblar qilindi. Ular bergan javoblar mehmonlarni hayratda qoldirdi.

Mutasaddilar tomonidan bosh imom-xatiblarga o‘zlariga biriktirilgan Andijon viloyatining tuman-shaharlaridagi masjidlar holati va imom-xatiblar faoliyatini o‘rganish yuzasidan tavsiyalar berildi.

Ma’lumot uchun, “Sayyid Muhyiddin maxdum” o‘rta maxsus islom bilim yurti 1992 yilda Andijon viloyati Oltinko‘l tumani Jalabek qishlog‘ida faoliyat boshlagan. Bilim yurtiga Jalabek qishlog‘ida XX asrning boshlarida yashab o‘tgan din, millat, vatan uchun katta xizmatlar qilgan, o‘z davrida Andijon viloyati qozisi, eski shahardagi madrasa bosh mudarrisi bo‘lgan Sayyid Muhyiddin domlaning nomi berilgan.

O‘zbekiston musulmonlari idorasi
Matbuot xizmati

Мезбон имом юртимиз уламоларини ташриф билан қутлаб, бундай манфаатли ташрифларни тез-тез ташкил этиш, бу хусусда Ўзбекистон мусулмонлари идораси билан шартнома имзолангани, шартномага мувофиқ алоқаларни янада мустаҳкамлаш лозимлигини айтиб ўтди. Имом Бухорий, Имом Термизий каби улуғ зотларимизнинг ислом тамаддунига қўшган беқиёс ҳиссасини, Самарқанд, Бухоро, Хива каби тарихий шаҳарларимиз мусулмон олами эътиборини қозонганини, юртимизда амалга оширилаётган бугунги ислоҳотларни эътироф этди.

Ўз навбатида, юртимиз вакили мамлакатларимиз ўртасида ҳамкорлик тобора ривожланиб бораётгани, диний идораларнинг муносабатлари равнақ топаётгани, имомларимизнинг ушбу давлатга сафар қилишлари  анъана тусини олгани, бундай ҳамкорлик икки давлат мусулмонлари учун ҳам ҳар томонлама манфаатли бўлишини таъкидлади.

Томонлар бир-бирларига эсдалик ҳадялар топширишди.

Зайниддин домла Эшонқуловдан Сеул шаҳридаги 1250 кишилик марказий масжидда жума намозини ўқиб бериш сўралди. Бу ҳам бўлса, кунчиқар мамлакат мусулмонларининг юртимиз алломаларига бўлган юксак эҳтироми ифодасидир.

Жума намозидан сўнг Зайниддин домла ватандошларимизга муфтий Шайх Нуриддин Холиқназар ҳазратларининг саломларини етказиб, ҳалол касб қилиш, ризқни кенгайтирадиган амаллар, оила муқаддаслиги, фарзанд неъмати ҳақида диний-маърифий суҳбат қилиб берди.

Шунингдек, учрашувда ҳамюртларимизга улар яшаётган мамлакат қонун-қоидаларига амал қилишлари, мусулмонлик одобига риоя этишлари эслатиб ўтилди. Улар эгаллаган билим-малакалари келгусида юртимиздаги турли соҳалар ривожи ҳамда аҳоли фаровонлигида ҳам иш беришига умид билдирилди.

Сеул марказий масжидида Ўзбекистон мусулмонлари идораси томонидан чоп этилган 5 турдаги диний-маърифий буклетлар тарқатилиб, хайрли дуолар қилинди.

Ўзбекистон мусулмонлари идораси
Матбуот хизмати

***

Seul shahrida O‘zbekiston musulmonlari idorasi raisi o‘rinbosari Zayniddin domla Eshonqulov boshchiligidagi O‘zbekiston delegatsiyasining Janubiy Koreya musulmonlari jamoati bosh imomi Li Ju Xva-Abdurahmon Li bilan uchrashuvi bo‘lib o‘tdi.

Mezbon imom yurtimiz ulamolarini tashrif bilan qutlab, bunday manfaatli tashriflarni tez-tez tashkil etish, bu xususda O‘zbekiston musulmonlari idorasi bilan shartnoma imzolangani, shartnomaga muvofiq aloqalarni yanada mustahkamlash lozimligini aytib o‘tdi. Imom Buxoriy, Imom Termiziy kabi ulug‘ zotlarimizning islom tamadduniga qo‘shgan beqiyos hissasini, Samarqand, Buxoro, Xiva kabi tarixiy shaharlarimiz musulmon olami e’tiborini qozonganini, yurtimizda amalga oshirilayotgan bugungi islohotlarni e’tirof etdi.

O‘z navbatida, yurtimiz vakili mamlakatlarimiz o‘rtasida hamkorlik tobora rivojlanib borayotgani, diniy idoralarning munosabatlari ravnaq topayotgani, imomlarimizning ushbu davlatga safar qilishlari  an’ana tusini olgani, bunday hamkorlik ikki davlat musulmonlari uchun ham har tomonlama manfaatli bo‘lishini ta’kidladi.

Tomonlar bir-birlariga esdalik hadyalar topshirishdi.

Zayniddin domla Eshonqulovdan Seul shahridagi 1250 kishilik markaziy masjidda juma namozini o‘qib berish so‘raldi. Bu ham bo‘lsa, kunchiqar mamlakat musulmonlarining yurtimiz allomalariga bo‘lgan yuksak ehtiromi ifodasidir.

Juma namozidan so‘ng Zayniddin domla vatandoshlarimizga muftiy Shayx Nuriddin Xoliqnazar hazratlarining salomlarini yetkazib, halol kasb qilish, rizqni kengaytiradigan amallar, oila muqaddasligi, farzand ne’mati haqida diniy-ma’rifiy suhbat qilib berdi.

Shuningdek, uchrashuvda hamyurtlarimizga ular yashayotgan mamlakat qonun-qoidalariga amal qilishlari, musulmonlik odobiga rioya etishlari eslatib o‘tildi. Ular egallagan bilim-malakalari kelgusida yurtimizdagi turli sohalar rivoji hamda aholi farovonligida ham ish berishiga umid bildirildi.

Seul markaziy masjidida O‘zbekiston musulmonlari idorasi tomonidan chop etilgan 5 turdagi diniy-ma’rifiy bukletlar tarqatilib, xayrli duolar qilindi.

O‘zbekiston musulmonlari idorasi 
Matbuot xizmati

Маърифий суҳбат давомида Имом Бухорий ҳаёт ва ижоди, у зотнинг ҳадисларидан намуналар, ибратли воқеалардан мисоллар келтирилди. Шунингдек, ёт ғоялар таъсирига берилмаслик, сохта салафийлик каби оқимларидан узоқда бўлиш, мазҳабга амал қилиш, ҳар қандай диний саволларга Ўзбекистон мусулмонлари идораси томонидан жавоб олиш тавсия этилди. Бунинг учун хориждаги ҳамюртларимизнинг саволларига жавоб берувчи @fatvo_call_1 (Telegram орқали), @fatvo_call_2 (Telegram орқали) ҳамда +998917806633 (WhatsApp орқали) ҳаволалари ташкил этилгани айтиб ўтилди.

Суҳбат давомида ватандошлар ўзларини қизиқтирган саволларга жавоблар олишди. Намоздан сўнг она ватандан, яқинларидан  узоқда юрган ҳамюртларимизнинг ўқиш ва ишларида Яратган мададкор бўлишини тилаб дуолар қилинди. Сўнг Ўзбекистон мусулмонлари идораси томонидан чоп этилган 5 турдаги диний-маърифий буклетлар тарқатилди.

Ўзбекистон мусулмонлари идораси
Матбуот хизмати

***

Janubiy Koreyada xizmat safarida bo‘lib turgan O‘zbekiston musulmonlari idorasi raisi o‘rinbosari Zayniddin domla Eshonqulov 25 sentyabr kuni Mokpo shahridagi «Imom al-Buxoriy» masjidiga tashrif buyurdi.

Ma’rifiy suhbat davomida Imom Buxoriy hayot va ijodi, u zotning hadislaridan namunalar, ibratli voqealardan misollar keltirildi. Shuningdek, yot g‘oyalar ta’siriga berilmaslik, soxta salafiylik kabi oqimlaridan uzoqda bo‘lish, mazhabga amal qilish, har qanday diniy savollarga O‘zbekiston musulmonlari idorasi tomonidan javob olish tavsiya etildi. Buning uchun xorijdagi hamyurtlarimizning savollariga javob beruvchi @fatvo_call_1 (Telegram orqali), @fatvo_call_2 (Telegram orqali) hamda +998917806633 (WhatsApp orqali) havolalari tashkil etilgani aytib o‘tildi.

Suhbat davomida vatandoshlar o‘zlarini qiziqtirgan savollarga javoblar olishdi. Namozdan so‘ng ona vatandan, yaqinlaridan  uzoqda yurgan hamyurtlarimizning o‘qish va ishlarida Yaratgan madadkor bo‘lishini tilab duolar qilindi. So‘ng O‘zbekiston musulmonlari idorasi tomonidan chop etilgan 5 turdagi diniy-ma’rifiy bukletlar tarqatildi.

O‘zbekiston musulmonlari idorasi 
Matbuot xizmati