Савол: Ассалому алайкум! Эмизикли болани сутдан ажратиш учун она кўкрагига қалимпир суртиб эмизишдан айирса бўладими?
Жавоб: Ва алайкум ассалом! Агар бола ва онасининг соғлиғига зарар қилмаса, жоизир. Валлоҳу аълам.
Савол: Ассалому алайкум! Аллоҳга шукр яқинда фарзандли бўлдим. 21 кунлик бўлганида бир қўй сўйиб ақиқа қилдим. Қўй урғочи эди, лекин семиз. Қўй гўштини меҳмонларга шўрва қилдик, шунинг учун майдалашга тўғри келди. Эштишимча, майдаламаслик керак, – дейишяпти. Қилган ақиқам дурустми? Урғочи қўйни сўйса ҳам бўладими? Олдиндан раҳмат!
Жавоб: Ва алайкум ассалом! Ақиқа қилишда қўйнинг урғочи ёки эркаклиги шарт қилинмаган. Агар мазкур қўйга бир йил бўлган бўлса ёки олти ойдан ошган бўлиб, худди бир йил бўлган қўйларга ўхшаган жуссада бўлса, ақиқангиз дурустдир. Ақиқа учун сўйилган жонлиқнинг суякларини майдалаш жоиздир. Валлоҳу аълам.
ЎМИ фатво ҳайъати
