Бу ҳақда Ўзбекистон мусулмонлари идорасининг тегишли буйруқлари қабул қилинди. Фарғона вилояти бош имом-хатиби Убайдуллоҳ домла Абдуллаев ҳамда ўринбосарлар Алишер домла Наимов, Холмуроджон домла Мамажоновлар янги ходимларни жамоатга таништирдилар. Унга кўра:

Ахматқулов Асадбек Абдуқодир ўғли – Бувайда туманидаги “Эшонбобо» жоме масжиди имом ноиби;
Мирзасаитов Сайдалихон Сайдулла ўғли – Олтиариқ туманидаги «Жахонгирхон” жоме масжиди имом ноиби;
Абдурасулов Рўзимуҳаммад Бахромжон ўғли – Олтиариқ туманидаги «Ахмад Яссавий” жоме масжиди имом ноиби;
Абдурахимов Мухаммадали Алишер ўғли – Олтиариқ туманидаги «Ҳазрати Мавлоно” жоме масжиди имом ноиби;
Мухитдинов Алишер Абубакир ўғли – Қувасой шаҳридаги «Имом Муҳаммад” жоме масжиди имом ноиби;
Абдурахмонов Ахмаджон Убайдулло ўғли – Марғилон шаҳридаги «Галатой» жоме масжиди имом ноиби;
Мажидов Хошим Иброхимович – Фарғона туманидаги «Хўжа Абдулло” жоме масжиди имом ноиби;
Каримов Муҳаммадмубин Музаффаржон ўғли – Бувайда туманидаги «Суфий Оллоёр» жоме масжиди имом ноиби;
Мадалиев Муҳаммадсалом Фарҳоджон ўғли – Қувасой шаҳридаги «Қўчкор ота” жоме масжиди имом ноиби;
Олимжонов Муҳаммад Аҳаджонович – Фарғона шаҳридаги «Нур» жоме масжиди имом ноиби;
Абдуқаххоров Сардорбек Носиржон ўғли – Бағдод туманидаги «Зайд ибн Собит» жоме масжиди имом ноиби;
Ҳомидов Жавлонбек Ёрқинжон ўғли – Тошлоқ туманидаги «Имом Бурхониддин Марғилоний» жоме масжиди имом ноиби;
Омонбоев Абубакир Дилшоджон ўғли – Фарғона туманидаги “Мулла Мирзажон» жоме масжиди имом ноиби;
Расулжонов Иброхимжон Улуғбек ўғли – Олтиариқ туманидаги «Мухаммад Собир хожи» жоме масжиди имом ноиби;
Мирзарахматов Достонбек Мирзамухитдин ўғли – Олтиариқ туманидаги «Жахонгирхон” жоме масжиди имом ноиби;
Абдуллаев Султонали Хасанали ўғли – Марғилон шаҳридаги «Абдулла ибн Масъуд” жоме масжиди имом ноиби;
Исмоилжонов Хадятулло Муҳаммадали ўғли – Марғилон шаҳридаги «Худоёр хожи” жоме масжиди имом ноиби;
Каримов Мухаммадхон Тохиржон ўғли – Марғилон шаҳридаги «Саид Амир Хамза» жоме масжиди имом ноиби;
Олимбеков Муслимбек Адҳамжон ўғли – Марғилон шаҳридаги «Каптарли мозор” жоме масжиди имом ноиби;
Муртазаев Жасурбек Жахонгирбек ўғли – Фурқат туманидаги «Ингичка» жоме масжиди имом ноиби;
Жалолов Саидазимхон Сирожиддинхон ўғли – Марғилон шаҳридаги «Имом Захириддин» жоме масжиди имом ноиби;
Мухаммаджонов Оятилло Бахтиёржон ўғли – Марғилон шаҳридаги «Гумбаз” жоме масжиди имом ноиби;
Обиджонов Ёқубжон Адҳамжон ўғли – Фурқат туманидаги «Ал-Мадинатул Мунаwара” жоме масжиди имом ноиби;
Абдувохидов Абдуғани Абдумалик ўғли – Қўштепа туманидаги «Мўйи Муборак” жоме масжиди имом ноиби;
Рахматиллаев Одилжон Хабибуллаевич – Учкўприк 17-сентабрдан туманидаги «Мухаммад Жаҳонгирхон Ғозий” жоме масжиди имом ноиби;
Ғофуров Шоҳруҳбек Жўрабек ўғли – Бешариқ туманидаги «Телов» жоме масжиди имом ноиби;
Норматов Бехзод Бахромжон ўғли – Бешариқ туманидаги «Телов» жоме масжиди имом ноиби вазифасига тайинланди.

Янги тайинланган имом-ноибларга масъулиятли фаолиятларида муваффақият, эл-юрт манфаати йўлидаги хизматларида барака тилаймиз.

***

Joriy yilda yurtimizdagi diniy taʼlim muassasalarini muvaffaqiyatli tamomlagan bir qator yosh mutaxassislar Farg‘ona viloyatidagi qator jome masjidlarga turli lavozimlarga tayinlandi.

Bu haqda O‘zbekiston musulmonlari idorasining tegishli buyruqlari qabul qilindi. Farg‘ona viloyati bosh imom-xatibi Ubaydulloh domla Abdullayev hamda o‘rinbosarlar Alisher domla Naimov, Xolmurodjon domla Mamajonovlar yangi xodimlarni jamoatga tanishtirdilar. Unga ko‘ra:

Axmatqulov Asadbek Abduqodir o‘g‘li – Buvayda tumanidagi “Eshonbobo» jome masjidi imom noibi;
Mirzasaitov Saydalixon Saydulla o‘g‘li – Oltiariq tumanidagi «Jaxongirxon” jome masjidi imom noibi;
Abdurasulov Ro‘zimuhammad Baxromjon o‘g‘li – Oltiariq tumanidagi «Axmad Yassaviy” jome masjidi imom noibi;
Abduraximov Muxammadali Alisher o‘g‘li – Oltiariq tumanidagi «Hazrati Mavlono” jome masjidi imom noibi;
Muxitdinov Alisher Abubakir o‘g‘li – Quvasoy shahridagi «Imom Muhammad” jome masjidi imom noibi;
Abduraxmonov Axmadjon Ubaydullo o‘g‘li – Marg‘ilon shahridagi «Galatoy» jome masjidi imom noibi;
Majidov Xoshim Ibroximovich – Farg‘ona tumanidagi «Xo‘ja Abdullo” jome masjidi imom noibi;
Karimov Muhammadmubin Muzaffarjon o‘g‘li – Buvayda tumanidagi «Sufiy Olloyor» jome masjidi imom noibi;
Madaliyev Muhammadsalom Farhodjon o‘g‘li – Quvasoy shahridagi «Qo‘chkor ota” jome masjidi imom noibi;
Olimjonov Muhammad Ahadjonovich – Farg‘ona shahridagi «Nur» jome masjidi imom noibi;
Abduqaxxorov Sardorbek Nosirjon o‘g‘li – Bag‘dod tumanidagi «Zayd ibn Sobit» jome masjidi imom noibi;
Homidov Javlonbek Yorqinjon o‘g‘li – Toshloq tumanidagi «Imom Burxoniddin Marg‘iloniy» jome masjidi imom noibi;
Omonboyev Abubakir Dilshodjon o‘g‘li – Farg‘ona tumanidagi “Mulla Mirzajon» jome masjidi imom noibi;
Rasuljonov Ibroximjon Ulug‘bek o‘g‘li – Oltiariq tumanidagi «Muxammad Sobir xoji» jome masjidi imom noibi;
Mirzaraxmatov Dostonbek Mirzamuxitdin o‘g‘li – Oltiariq tumanidagi «Jaxongirxon” jome masjidi imom noibi;
Abdullayev Sultonali Xasanali o‘g‘li – Marg‘ilon shahridagi «Abdulla ibn Masʼud” jome masjidi imom noibi;
Ismoiljonov Xadyatullo Muhammadali o‘g‘li – Marg‘ilon shahridagi «Xudoyor xoji” jome masjidi imom noibi;
Karimov Muxammadxon Toxirjon o‘g‘li – Marg‘ilon shahridagi «Said Amir Xamza» jome masjidi imom noibi;
Olimbekov Muslimbek Adhamjon o‘g‘li – Marg‘ilon shahridagi «Kaptarli mozor” jome masjidi imom noibi;
Murtazayev Jasurbek Jaxongirbek o‘g‘li – Furqat tumanidagi «Ingichka» jome masjidi imom noibi;
Jalolov Saidazimxon Sirojiddinxon o‘g‘li – Marg‘ilon shahridagi «Imom Zaxiriddin» jome masjidi imom noibi;
Muxammadjonov Oyatillo Baxtiyorjon o‘g‘li – Marg‘ilon shahridagi «Gumbaz” jome masjidi imom noibi;
Obidjonov Yoqubjon Adhamjon o‘g‘li – Furqat tumanidagi «Al-Madinatul Munawara” jome masjidi imom noibi;
Abduvoxidov Abdug‘ani Abdumalik o‘g‘li – Qo‘shtepa tumanidagi «Mo‘yi Muborak” jome masjidi imom noibi;
Raxmatillayev Odiljon Xabibullayevich – Uchko‘prik 17-sentabrdan tumanidagi «Muxammad Jahongirxon G‘oziy” jome masjidi imom noibi;
G‘ofurov Shohruhbek Jo‘rabek o‘g‘li – Beshariq tumanidagi «Telov» jome masjidi imom noibi;
Normatov Bexzod Baxromjon o‘g‘li – Beshariq tumanidagi «Telov» jome masjidi imom noibi vazifasiga tayinlandi.

Yangi tayinlangan imom-noiblarga masʼuliyatli faoliyatlarida muvaffaqiyat, el-yurt manfaati yo‘lidagi xizmatlarida baraka tilaymiz.

Беллашув кўтаринки руҳда, қизғин ва дўстона муҳитда ташкил этилди. Унда вилоятнинг шаҳар ва туманларидан ташриф буюрган отинойилар жамоалари ўзларининг билим ва салоҳиятини намоён этиб, ўзаро тажриба алмашдилар.

Беллашув давомида отинойилар ҳар бир саволга қизиқиш ва завқ билан ёндашиб, ўз билимларини синовдан ўтказдилар. Қизғин кечган баҳсларда жамоаларнинг ўзаро ҳамжиҳатлиги, тезкор фикрлаши ва билимдонлиги яққол намоён бўлди.

Якуний натижаларга кўра, Бағдод тумани отинойилари жамоаси беллашувнинг вилоят босқичида ғолибликни қўлга киритди. Қўштепа тумани отинойилари жамоаси иккинчи, Данғара тумани отинойилари жамоаси эса учинчи ўринни эгаллади.

Ғолиб ва совриндор жамоалар муносиб тақдирланди.

***

Shu yil 23 sentyabr kuni Farg‘ona viloyatida faoliyat olib borayotgan otinoyilar ishtirokida “Zakovat” intellektual bellashuvining viloyat bosqichi bo‘lib o‘tdi.

Bellashuv ko‘tarinki ruhda, qizg‘in va do‘stona muhitda tashkil etildi. Unda viloyatning shahar va tumanlaridan tashrif buyurgan otinoyilar jamoalari o‘zlarining bilim va salohiyatini namoyon etib, o‘zaro tajriba almashdilar.

Bellashuv davomida otinoyilar har bir savolga qiziqish va zavq bilan yondashib, o‘z bilimlarini sinovdan o‘tkazdilar. Qizg‘in kechgan bahslarda jamoalarning o‘zaro hamjihatligi, tezkor fikrlashi va bilimdonligi yaqqol namoyon bo‘ldi.

Yakuniy natijalarga ko‘ra, Bag‘dod tumani otinoyilari jamoasi bellashuvning viloyat bosqichida g‘oliblikni qo‘lga kiritdi. Qo‘shtepa tumani otinoyilari jamoasi ikkinchi, Dang‘ara tumani otinoyilari jamoasi esa uchinchi o‘rinni egalladi.

G‘olib va sovrindor jamoalar munosib taqdirlandi.

Ташриф давомида масжидлардаги мавжуд шароитлар, жамоат билан ишлаш ҳолати ҳамда имом-хатиб ва имом-ноибларнинг фаолияти билан боғлиқ масалалар кўриб чиқилди. Шунингдек, намозхонлар билан мулоқот қилиниб, жамоатни бирдамлик, ўзаро ҳурмат ва эзгуликка чорловчи мавъизалар қилинди.

Ташриф доирасида масжидлардаги ташкилий масалалар ҳам кўриб чиқилди. Жумладан, Ўзбекистон мусулмонлари идорасининг тегишли буйруғига асосан «Саййид Муҳйиддин махдум» ўрта махсус ислом билим юрти битирувчиси Абдурахмонов Аҳмаджон Убайдулло ўғли Марғилон шаҳридаги «Галатой» жоме масжидига, Ҳидоя ўрта махсус ислом билим юрти битирувчиси Муҳаммаджонов Оятилло Бахтиёржон ўғли «Гумбаз» жоме масжидига, шунингдек, Ҳидоя ўрта махсус ислом билим юрти битирувчиси Абдувоҳидов Абдуғани Абдумалик ўғли Қўштепа туманидаги «Мўйи Муборак» жоме масжидига имом-ноиби этиб тайинланди.

Якунда янги вазифага тайинланган имом-ноибларга келгуси фаолиятларида муваффақият, илм ва хизматларида барака тилаб, жамоат билан биргаликда эзгу ва хайрли ишларга муносиб ҳисса қўшишлари сўраб дуо қилинди.

***

Bugun, 22 sentyabr kuni Farg‘ona viloyati bosh imom-xatibi Ubaydulloh domla Abdullayev Marg‘ilon shahridagi «Gumbaz», «Galatoy» hamda Qo‘shtepa tumanidagi «Mo‘yi Muborak» jome masjidlariga tashrif buyurdi.

Tashrif davomida masjidlardagi mavjud sharoitlar, jamoat bilan ishlash holati hamda imom-xatib va imom-noiblarning faoliyati bilan bog‘liq masalalar ko‘rib chiqildi. Shuningdek, namozxonlar bilan muloqot qilinib, jamoatni birdamlik, o‘zaro hurmat va ezgulikka chorlovchi mavʼizalar qilindi.

Tashrif doirasida masjidlardagi tashkiliy masalalar ham ko‘rib chiqildi. Jumladan, O‘zbekiston musulmonlari idorasining tegishli buyrug‘iga asosan «Sayyid Muhyiddin maxdum» o‘rta maxsus islom bilim yurti bitiruvchisi Abduraxmonov Ahmadjon Ubaydullo o‘g‘li Marg‘ilon shahridagi «Galatoy» jome masjidiga, Hidoya o‘rta maxsus islom bilim yurti bitiruvchisi Muhammadjonov Oyatillo Baxtiyorjon o‘g‘li «Gumbaz» jome masjidiga, shuningdek, Hidoya o‘rta maxsus islom bilim yurti bitiruvchisi Abduvohidov Abdug‘ani Abdumalik o‘g‘li Qo‘shtepa tumanidagi «Mo‘yi Muborak» jome masjidiga imom-noibi etib tayinlandi.

Yakunda yangi vazifaga tayinlangan imom-noiblarga kelgusi faoliyatlarida muvaffaqiyat, ilm va xizmatlarida baraka tilab, jamoat bilan birgalikda ezgu va xayrli ishlarga munosib hissa qo‘shishlari so‘rab duo qilindi.

Йиғилиш якунида Ўзбекистон, Туркия, Озарбайжон, Қозоғистон ва Қирғизистон муфтийлари муҳим йўналишларда 3 та баёнот ва замонавий масалаларга оид 6 та йирик фатвони имзолашди.

Жумладан, «Исломнинг илм-фан ва технологияга ёндашуви» мавзусидаги баёнотда Ислом динида инсоният фаровонлигига хизмат қилувчи барча илмий ва технологик ютуқлар қўллаб-қувватланиши билан бирга, улар юксак ахлоқий мезонлар, адолат ва масъулият тамойиллари асосида ривожланиши шартлиги таъкидланди.

«Мусулмонлиги маълум бўлган шахсни кофирга чиқаришнинг ҳукми» тўғрисидаги баёнотда Ислом таълимотига кўра, калимаи шаҳодат келтириб, қибла аҳлидан бўлган ҳар қандай шахс мусулмон ҳисобланиши ҳамда қилган гуноҳи ёки амалдаги нуқсони туфайли уни куфрда айблаш (такфир қилиш) қатъиян ман этилиши айтилди. Шунингдек, Туркий давлатлар уламолари ушбу баёнотда жамиятда фитна, қон тўкилиши ва низоларга сабаб бўлувчи такфирчилик оқимларига қарши илмий-маърифий курашни кучайтириш, уммат бирдамлигини мустаҳкамлаш зарурлигига эътибор қаратишди.

«Оила қуришга тарғиб қилиш, уни муҳофаза қилиш ва мустаҳкамлашга доир умумий масъулият» баёнотида Ислом таълимотига кўра, оила никоҳ асосига қуриладиган, соғлом авлод ва жамият давомийлигини таъминловчи, инсонга руҳий хотиржамлик ҳамда ахлоқий тарбия берувчи муқаддас муассаса эканига урғу қаратилди. Муфтийлар оила институтини ҳимоя қилиш, ёшларни оилага тайёрлаш ва миллий-маънавий қадриятларни мустаҳкамлашда бирдамликка чақирдилар.

Шунингдек, муфтийлар томонидан «Битта қабрга бирдан ортиқ маййитни дафн этишнинг ҳукми», «Ижарага берилган деҳқончилик ерларининг ушри», «Фатво сўраш ва фатво беришда сунъий идрокдан фойдаланиш масаласи», «Жума намози дуруст бўлишининг шартлари», ҳижрий ой бошланишини аниқлаш мезонлари ва такфир масаласига доир 6 та фатво матни имзоланди.

***

Xabar berganimizdek, Ozarbayjon poytaxti Boku shahrida Turkiy davlatlar muftiylari kengashining navbatdagi VII yig‘ilishi bo‘lib o‘tdi.

Yig‘ilish yakunida O‘zbekiston, Turkiya, Ozarbayjon, Qozog‘iston va Qirg‘iziston muftiylari muhim yo‘nalishlarda 3 ta bayonot va zamonaviy masalalarga oid 6 ta yirik fatvoni imzolashdi.

Jumladan, «Islomning ilm-fan va texnologiyaga yondashuvi» mavzusidagi bayonotda Islom dinida insoniyat farovonligiga xizmat qiluvchi barcha ilmiy va texnologik yutuqlar qo‘llab-quvvatlanishi bilan birga, ular yuksak axloqiy mezonlar, adolat va mas’uliyat tamoyillari asosida rivojlanishi shartligi ta’kidlandi.

«Musulmonligi ma’lum bo‘lgan shaxsni kofirga chiqarishning hukmi» to‘g‘risidagi bayonotda Islom ta’limotiga ko‘ra, kalimai shahodat keltirib, qibla ahlidan bo‘lgan har qanday shaxs musulmon hisoblanishi hamda qilgan gunohi yoki amaldagi nuqsoni tufayli uni kufrda ayblash (takfir qilish) qat’iyan man etilishi aytildi. Shuningdek, Turkiy davlatlar ulamolari ushbu bayonotda jamiyatda fitna, qon to‘kilishi va nizolarga sabab bo‘luvchi takfirchilik oqimlariga qarshi ilmiy-ma’rifiy kurashni kuchaytirish, ummat birdamligini mustahkamlash zarurligiga e’tibor qaratishdi.

«Oila qurishga targ‘ib qilish, uni muhofaza qilish va mustahkamlashga doir umumiy mas’uliyat» bayonotida Islom ta’limotiga ko‘ra, oila nikoh asosiga quriladigan, sog‘lom avlod va jamiyat davomiyligini ta’minlovchi, insonga ruhiy xotirjamlik hamda axloqiy tarbiya beruvchi muqaddas muassasa ekaniga urg‘u qaratildi. Muftiylar oila institutini himoya qilish, yoshlarni oilaga tayyorlash va milliy-ma’naviy qadriyatlarni mustahkamlashda birdamlikka chaqirdilar.

Shuningdek, muftiylar tomonidan «Bitta qabrga birdan ortiq mayyitni dafn etishning hukmi», «Ijaraga berilgan dehqonchilik yerlarining ushri», «Fatvo so‘rash va fatvo berishda sun’iy idrokdan foydalanish masalasi», «Juma namozi durust bo‘lishining shartlari», hijriy oy boshlanishini aniqlash mezonlari va takfir masalasiga doir 6 ta fatvo matni imzolandi.

Анжуманда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Кавказ мусулмонлари идораси раиси, Шайхулислом Аллоҳшукур Пошшозода, Туркия Диёнат ишлари бошқармаси раиси Сафи Арпагуш, Қозоғистон мусулмонлари диний бошқармаси раиси, бош муфтий Наврўзбай ҳожи Тағанули, Қирғизистон мусулмонлари диний назорати раиси, муфтий Абдулазиз қори Закиров ҳамда бошқа қардош ва хорижий давлатлар уламоларидан иборат нуфузли делегациялар иштирок этмоқда.

Ялпи мажлисда нутқ сўзлаган муфтийлар ўз маърузаларида қуйидаги устувор йўналишларга алоҳида эътибор қаратмоқдалар:

– Кенгаш қошидаги Фатво ҳайъати фаолиятини ривожлантириш, уммат учун зарур қўшма фатволар ишлаб чиқиш ва замонавий масалаларга шаръий ечим топиш;

– диний таълим муассасаларида устоз ва талабалар алмашинувини йўлга қўйиш, илмий-услубий лойиҳаларни амалга ошириш;

– экстремизм, терроризм, такфирчилик, исломофобия ва мазҳаблараро низо қўзғаш каби таҳдидларга қарши якдил маърифий курашни кучайтириш.

Шунингдек, Уламолар диний-маърифий соҳадаги ана шундай ҳамкорлик бутун Туркий дунё бирдамлигини мустаҳкамлашга хизмат қилишини таъкидладилар.

Анжуман давом этмоқда.

***

Jori yil, 14 sentyabr kuni Boku shahrida Turkiy davlatlar muftiylari kengashining navbatdagi VII yig‘ilishi o‘z ishini boshladi.

Anjumanda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari, Kavkaz musulmonlari idorasi raisi, Shayxulislom Allohshukur Poshshozoda, Turkiya Diyonat ishlari boshqarmasi raisi Safi Arpagush, Qozog‘iston musulmonlari diniy boshqarmasi raisi, bosh muftiy Navro‘zbay hoji Tag‘anuli, Qirg‘iziston musulmonlari diniy nazorati raisi, muftiy Abdulaziz qori Zakirov hamda boshqa qardosh va xorijiy davlatlar ulamolaridan iborat nufuzli delegatsiyalar ishtirok etmoqda.

Yalpi majlisda nutq so‘zlagan muftiylar o‘z ma’ruzalarida quyidagi ustuvor yo‘nalishlarga alohida e’tibor qaratmoqdalar:

– Kengash qoshidagi Fatvo hay’ati faoliyatini rivojlantirish, ummat uchun zarur qo‘shma fatvolar ishlab chiqish va zamonaviy masalalarga shar’iy yechim topish;

– diniy ta’lim muassasalarida ustoz va talabalar almashinuvini yo‘lga qo‘yish, ilmiy-uslubiy loyihalarni amalga oshirish;

– ekstremizm, terrorizm, takfirchilik, islomofobiya va mazhablararo nizo qo‘zg‘ash kabi tahdidlarga qarshi yakdil ma’rifiy kurashni kuchaytirish.

Shuningdek, Ulamolar diniy-ma’rifiy sohadagi ana shunday hamkorlik butun Turkiy dunyo birdamligini mustahkamlashga xizmat qilishini ta’kidladilar.

Anjuman davom etmoqda.

Мазкур нашрларнинг халқимиз орасида кенг тарқалишида имом-хатиблар ва масжидларнинг ўрни муҳим. Шу мақсадда «Шамсуддинхон Бобохонов» нашриёт-матбаа ижодий уйи масъуллари иштирокида Фарғона вилояти вакиллигининг мажлислар залида тадбир ўтказилди.

Унда «Ҳидоят», «Мўминалар» ва «Ислом нури» нашрларининг жамият ҳаётидаги ўрни, уларда эълон қилинаётган мақолаларнинг аҳамияти ҳамда обуна ишларини янада самарали ташкил этиш масалалари муҳокама қилинди.

Тадбирда Фарғона вилояти ўқувчиларининг нашрларга бўлган қизиқиши ва обуна ишларидаги фаоллиги алоҳида эътироф этилди.

Якунда нашрларни тарғиб қилиш ва обуна ишларини ташкил этишда фаоллик кўрсатган бир қатор имом-хатиблар ҳамда отинойилар нашриёт томонидан муносиб тақдирланди.

Фарғона вилояти вакиллиги Матбуот хизмати

***

O‘zbekiston musulmonlari idorasi tasarrufidagi «Shamsuddinxon Boboxonov» nashriyot-matbaa ijodiy uyi tomonidan nashr etib kelinayotgan «Hidoyat» va «Mo‘minalar» jurnallari hamda «Islom nuri» gazetasi xalqimizga ma’rifat va hidoyat ulashib kelayotgan nufuzli nashrlardan hisoblanadi. Ularda diniy-ma’rifiy, tarbiyaviy va hayotiy mavzularga bag‘ishlangan mazmunli maqolalar muntazam yoritib borilmoqda.

Mazkur nashrlarning xalqimiz orasida keng tarqalishida imom-xatiblar va masjidlarning o‘rni muhim. Shu maqsadda «Shamsuddinxon Boboxonov» nashriyot-matbaa ijodiy uyi mas’ullari ishtirokida Farg‘ona viloyati vakilligining majlislar zalida tadbir o‘tkazildi.

Unda «Hidoyat», «Mo‘minalar» va «Islom nuri» nashrlarining jamiyat hayotidagi o‘rni, ularda e’lon qilinayotgan maqolalarning ahamiyati hamda obuna ishlarini yanada samarali tashkil etish masalalari muhokama qilindi.

Tadbirda Farg‘ona viloyati o‘quvchilarining nashrlarga bo‘lgan qiziqishi va obuna ishlaridagi faolligi alohida e’tirof etildi.

Yakunda nashrlarni targ‘ib qilish va obuna ishlarini tashkil etishda faollik ko‘rsatgan bir qator imom-xatiblar hamda otinoyilar nashriyot tomonidan munosib taqdirlandi.

Farg‘ona viloyati vakilligi Matbuot xizmati

Шу мақсадда жорий йил 9 сентябрь куни Ўзбекистон мусулмонлари идорасининг «Қуръон ва тажвидни ўргатиш» бўлими томонидан вилоятимизда фаолият юритаётган имом-хатиб ва имом ноиблар учун «Қуръони карим ва тажвид илми» йўналишида навбатдаги маҳорат дарслари бошланди.

Машғулотлар давомида иштирокчиларнинг Қуръони карим қироати бўйича назарий билимларини мустаҳкамлаш билан бир қаторда, қироатда қўлланиладиган мақомлар бўйича амалий машғулотлар ўтказилиши режалаштирилган.

Маҳорат дарсларини Ўзбекистон мусулмонлари идорасининг «Қуръон ва тажвидни ўргатиш» бўлими мутахассиси Абдулбосит қори Эшқобилов олиб бормоқда.

Фарғона вилояти вакиллиги Матбуот хизмати

***

O‘zbekiston musulmonlari idorasi, Muftiy Shayx Nuriddin Xoliqnazar hazratlarining tashabbuslari bilan imom-xatib va imom noiblarining Qur’oni karim hamda tajvid ilmi bo‘yicha bilim va ko‘nikmalarini yanada oshirishga qaratilgan mahorat darslari yo‘lga qo‘yilmoqda.

Shu maqsadda joriy yil 9 sentyabr kuni O‘zbekiston musulmonlari idorasining «Qur’on va tajvidni o‘rgatish» bo‘limi tomonidan viloyatimizda faoliyat yuritayotgan imom-xatib va imom noiblar uchun «Qur’oni karim va tajvid ilmi» yo‘nalishida navbatdagi mahorat darslari boshlandi.

Mashg‘ulotlar davomida ishtirokchilarning Qur’oni karim qiroati bo‘yicha nazariy bilimlarini mustahkamlash bilan bir qatorda, qiroatda qo‘llaniladigan maqomlar bo‘yicha amaliy mashg‘ulotlar o‘tkazilishi rejalashtirilgan.

Mahorat darslarini O‘zbekiston musulmonlari idorasining «Qur’on va tajvidni o‘rgatish» bo‘limi mutaxassisi Abdulbosit qori Eshqobilov olib bormoqda.

Farg‘ona viloyati vakilligi Matbuot xizmati

Ушбу нуфузли анжуманда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари мазкур давлатлараро мақомга эга ташкилот аъзоси сифатида иштирок этмоқдалар.

Илмий-фиқҳий кенгашда мусулмон оламининг кўзга кўринган уламолари, академияга аъзо давлатларнинг муфтийлари, етакчи фатво кенгашлари раҳбарлари, Ал-Азҳар сингари йирик илм даргоҳларининг олимлари ҳамда нуфузли тадқиқот марказлари профессорлари қатнашмоқда.

Сўзга чиққан нотиқлар хотин-қизларни ҳар қандай шаклдаги тазйиқ, зўравонлик ва камситишлардан ҳимоя қилишда дин пешволари ҳамда уламоларнинг ўрнини ошириш, оилавий қадриятларни мустаҳкамлаш ҳамда зўравонликка қарши муросасиз муҳитни шакллантиришда илмий-шаръий манбаларнинг аҳамияти ҳақида нутқ қилмоқдалар. Шунингдек, Ислом дини аёллар ҳуқуқлари, шаъни ва қадр-қимматини юксак даражада қадрлашини тарғиб қилишга алоҳида урғу қаратмоқдалар.

***

Shu yil, 7 sentyabr kuni musulmon dunyosining eng nufuzli ilmiy muassasalaridan biri — Xalqaro Islom fiqhi akademiyasi tomonidan Jidda shahrida xalqaro konferensiya o‘z ishini boshladi.

Ushbu nufuzli anjumanda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari mazkur davlatlararo maqomga ega tashkilot a’zosi sifatida ishtirok etmoqdalar.

Ilmiy-fiqhiy kengashda musulmon olamining ko‘zga ko‘ringan ulamolari, akademiyaga a’zo davlatlarning muftiylari, yetakchi fatvo kengashlari rahbarlari, Al-Azhar singari yirik ilm dargohlarining olimlari hamda nufuzli tadqiqot markazlari professorlari qatnashmoqda.

So‘zga chiqqan notiqlar xotin-qizlarni har qanday shakldagi tazyiq, zo‘ravonlik va kamsitishlardan himoya qilishda din peshvolari hamda ulamolarning o‘rnini oshirish, oilaviy qadriyatlarni mustahkamlash hamda zo‘ravonlikka qarshi murosasiz muhitni shakllantirishda ilmiy-shar’iy manbalarning ahamiyati haqida nutq qilmoqdalar. Shuningdek, Islom dini ayollar huquqlari, sha’ni va qadr-qimmatini yuksak darajada qadrlashini targ‘ib qilishga alohida urg‘u qaratmoqdalar.

Мазкур маросимларда Дин ишлари бўйича қўмита, Ўзбекистон мусулмонлари идораси, ҳудудий ҳокимлик масъуллари, диний таълим муассасалари раҳбарлари, бош имом-хатиблар, ўқитувчи ва талабалар иштирок этди.

Тадбирлар Қуръони карим тиловати, хайрли дуолар ва давлат мадҳияси билан бошланди.

Сўзга чиққан мутасаддилар барчани мустақиллигимизнинг 35 йиллиги ва янги ўқув йили бошланиши билан қутлади. Юртбошимиз томонидан диний-маърифий соҳага алоҳида эътибор қаратилаётгани, хусусан, яқинда ҳам бир гуруҳ уламолар “Имом Бухорий” ордени билан тақдирлангани ёрқин далил экани алоҳида таъкидланди. Шунингдек, жорий йилда Тошкент ислом институтини илк магистрлар тамомлагани, эндиликда докторантура ташкил этилиши режалаштирилаётгани ҳам айтиб ўтилди.

Шу билан бирга, диний таълим муассасалари фаолияти йилдан-йилга такомиллашаётгани, жумладан, ўқув дастурлари замон талабига қараб янгилаб борилаётгани, кириш имтиҳонлари электрон тест шаклида ўтказилиб, энг муносиб талабалар саралаб олинаётгани, мударрис ва талабаларга ҳар жиҳатдан шароитлар ҳозирланаётгани, ана шундай имкониятлардан унумли фойдаланиб, талабалар астойдил ўқиб-ўрганиб, яхши мутахассис бўлишга ҳаракат қилиши лозимлигига урғу қаратилди.

Тадбирлар давомида диний таълим муассасаларига ўқишга янги қабул қилинган талабалар ҳам сўзга чиқишди.

1-курс талабаларига Ўзбекистон мусулмонлари идораси раиси, муфтий Шайх Нуриддин домла Холиқназар ҳазратлари номидан эсдалик совғалари улашилди.

Якунда Ҳақ таолодан элу юртимиз тинчлиги ва фаровонлиги, мустақиллигимиз абадий бўлиши ҳамда янги ўқув йили хайрли ва манфаатли кечишини сўраб хайрли дуолар қилинди.

Шундан сўнг ўқув хоналарида “Мустақиллик дарслари” бошланди.

***

Shu yil, 7 sentyabr kuni O‘zbekiston musulmonlari idorasi tasarrufidagi o‘rta maxsus diniy ta’lim muassasalarida yangi 2026-2027 o‘quv yili boshlanishi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida ochilish tadbirlari bo‘lib o‘tdi

Mazkur marosimlarda Din ishlari bo‘yicha qo‘mita, O‘zbekiston musulmonlari idorasi, hududiy hokimlik mas’ullari, diniy ta’lim muassasalari rahbarlari, bosh imom-xatiblar, o‘qituvchi va talabalar ishtirok etdi.

Tadbirlar Qur’oni karim tilovati, xayrli duolar va davlat madhiyasi bilan boshlandi.

So‘zga chiqqan mutasaddilar barchani mustaqilligimizning 35 yilligi va yangi o‘quv yili boshlanishi bilan qutladi. Yurtboshimiz tomonidan diniy-ma’rifiy sohaga alohida e’tibor qaratilayotgani, xususan, yaqinda ham bir guruh ulamolar “Imom Buxoriy” ordeni bilan taqdirlangani yorqin dalil ekani alohida ta’kidlandi. Shuningdek, joriy yilda Toshkent islom institutini ilk magistrlar tamomlagani, endilikda doktorantura tashkil etilishi rejalashtirilayotgani ham aytib o‘tildi.

Shu bilan birga, diniy ta’lim muassasalari faoliyati yildan-yilga takomillashayotgani, jumladan, o‘quv dasturlari zamon talabiga qarab yangilab borilayotgani, kirish imtihonlari elektron test shaklida o‘tkazilib, eng munosib talabalar saralab olinayotgani, mudarris va talabalarga har jihatdan sharoitlar hozirlanayotgani, ana shunday imkoniyatlardan unumli foydalanib, talabalar astoydil o‘qib-o‘rganib, yaxshi mutaxassis bo‘lishga harakat qilishi lozimligiga urg‘u qaratildi.

Tadbirlar davomida diniy ta’lim muassasalariga o‘qishga yangi qabul qilingan talabalar ham so‘zga chiqishdi.

1-kurs talabalariga O‘zbekiston musulmonlari idorasi raisi, muftiy Shayx Nuriddin domla Xoliqnazar hazratlari nomidan esdalik sovg‘alari ulashildi.

Yakunda Haq taolodan elu yurtimiz tinchligi va farovonligi, mustaqilligimiz abadiy bo‘lishi hamda yangi o‘quv yili xayrli va manfaatli kechishini so‘rab xayrli duolar qilindi.

Shundan so‘ng o‘quv xonalarida “Mustaqillik darslari” boshlandi.