Мусобақа ҳифз ва мужаввид йўналишлари бўйича ташкил этилиб, иштирокчиларнинг Қуръон ҳифзи, тажвид қоидаларига риояси ва тараннум маҳорати ҳакамлар томонидан баҳоланди.

Якуний натижаларга кўра, ҳифз йўналишида Абдувоҳид Мансуралиев 1-ўринни, Ҳасанхон Ваҳобов 2-ўринни, Абдулазиз Валиев 3-ўринни қўлга киритди.

Мужаввид йўналишида эса Нуруллоҳ Тешаев 1-ўрин, Худоберди Бурҳонов 2-ўрин, Абдурахмон Мамадалиев 3-ўрин соҳиби бўлди.

Ғолиблар диплом ва эсдалик совғалар билан тақдирланди.

***

O‘zbekiston musulmonlari idorasi tizimida faoliyat yuritayotgan imom-xatiblar va imom noiblari o‘rtasida “Qurʼon tinchlikka buyuradi” shiori ostida Qurʼon musobaqasi o‘tkazildi.

Musobaqa hifz va mujavvid yo‘nalishlari bo‘yicha tashkil etilib, ishtirokchilarning Qurʼon hifzi, tajvid qoidalariga rioyasi va tarannum mahorati hakamlar tomonidan baholandi.

Yakuniy natijalarga ko‘ra, hifz yo‘nalishida Abduvohid Mansuraliyev 1-o‘rinni, Hasanxon Vahobov 2-o‘rinni, Abdulaziz Valiyev 3-o‘rinni qo‘lga kiritdi.

Mujavvid yo‘nalishida esa Nurulloh Teshayev 1-o‘rin, Xudoberdi Burhonov 2-o‘rin, Abduraxmon Mamadaliyev 3-o‘rin sohibi bo‘ldi.

G‘oliblar diplom va esdalik sovg‘alar bilan taqdirlandi.

Жумладан, Фарғона вилоятида диний соҳа ходимлари иштирокида кураш бўйича мусобақанинг вилоят босқичи юқори савияда ўтказилди. Унда турли ёш ва вазн тоифаларидаги иштирокчилар беллашиб, ўз маҳорат ва жисмоний тайёргарликларини намоён этдилар. Мусобақалар қизғин ва муросасиз тарзда кечиб, иштирокчиларнинг ғалабага бўлган интилиши, матонати ва спортга бўлган муҳаббати яққол намоён бўлди.

Якуний натижаларга кўра, ғолиб ва совриндорлар аниқланиб, уларга дипломлар ҳамда эсдалик совғалари тантанали равишда топширилди.

Фурсатдан фойдаланиб, мусобақанинг республика босқичига йўлланмани қўлга киритган барча ғолибларни самимий муборакбод этамиз. Уларнинг кейинги босқичларда ҳам юқори натижаларга эришиб, вилоятимиз шарафини муносиб ҳимоя қилишларини тилаб қоламиз.

***

O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan yurtimizda milliy sport turlarini keng targ‘ib qilish, sog‘lom turmush tarzini qaror toptirish hamda jismoniy faollikni oshirishga qaratilgan muhim tadbirlar izchil amalga oshirilmoqda. Ayniqsa, milliy qadriyatlarimizdan biri bo‘lgan kurash sportini ommalashtirish maqsadida diniy soha vakillari o‘rtasida musobaqalar tashkil etilayotgani ahamiyatlidir.

Jumladan, Farg‘ona viloyatida diniy soha xodimlari ishtirokida kurash bo‘yicha musobaqaning viloyat bosqichi yuqori saviyada o‘tkazildi. Unda turli yosh va vazn toifalaridagi ishtirokchilar bellashib, o‘z mahorat va jismoniy tayyorgarliklarini namoyon etdilar. Musobaqalar qizg‘in va murosasiz tarzda kechib, ishtirokchilarning g‘alabaga bo‘lgan intilishi, matonati va sportga bo‘lgan muhabbati yaqqol namoyon bo‘ldi.

Yakuniy natijalarga ko‘ra, g‘olib va sovrindorlar aniqlanib, ularga diplomlar hamda esdalik sovg‘alari tantanali ravishda topshirildi.

Fursatdan foydalanib, musobaqaning respublika bosqichiga yo‘llanmani qo‘lga kiritgan barcha g‘oliblarni samimiy muborakbod etamiz. Ularning keyingi bosqichlarda ham yuqori natijalarga erishib, viloyatimiz sharafini munosib himoya qilishlarini tilab qolamiz.

Қориларнинг хушовоз тиловати, Қуръон оятларининг маъноли садоси қалбларгача етиб боради. Бу кечаларда инсон ўзини гуноҳлардан узоқлаштириб, эзгуликка яқинлашади, сабр ва тақвосини мустаҳкамлайди. Таровеҳ сафида бирга турган инсонлар ўртасида меҳр-оқибат, биродарлик ва ҳамжиҳатлик туйғулари янада кучаяди.

Таровеҳ кечалари — бу шукроналик, дуо ва умид кечалари. Ҳар бир мўмин ушбу муборак фурсатни ғанимат билиб, ўз қалбини поклаб, Роббиси билан қурбат ҳосил қилишга интилмоқда.

Аллоҳ таоло барчамизни таровеҳ намозларининг файзи ва баракасидан баҳраманд этсин, қилган ибодатларимизни қабул айласин!

***

Ramazon kechalari masjidlardan taralayotgan taroveh namozining fayzi yurtimizga o‘zgacha ruh va baraka bag‘ishlamoqda. Mo‘min-musulmonlar bir safda turib, Alloh kalomini tinglar ekan, go‘yoki ruhlar poklanib, qalblar yangilanadi. Taroveh namozi — bu faqat ibodat emas, balki insonning ichki dunyosiga nur, hayotiga ma’no va qalbiga orom baxsh etadigan ulug‘ ne’matdir.

Qorilarning xushovoz tilovati, Qur’on oyatlarining ma’noli sadosi qalblargacha yetib boradi. Bu kechalarda inson o‘zini gunohlardan uzoqlashtirib, ezgulikka yaqinlashadi, sabr va taqvosini mustahkamlaydi. Taroveh safida birga turgan insonlar o‘rtasida mehr-oqibat, birodarlik va hamjihatlik tuyg‘ulari yanada kuchayadi.

Taroveh kechalari — bu shukronalik, duo va umid kechalari. Har bir mo‘min ushbu muborak fursatni g‘animat bilib, o‘z qalbini poklab, Robbisi bilan qurbat hosil qilishga intilmoqda.

Alloh taolo barchamizni taroveh namozlarining fayzi va barakasidan bahramand etsin, qilgan ibodatlarimizni qabul aylasin!

Мазкур ишлар Ўзбекистон мусулмонлари идораси ҳамда Фарғона вилояти вакиллиги ташаббуси ва назорати остида олиб борилмоқда. Масжид бинолари ва ҳовлиларида кенг қамровли тозалик ишлари бажарилиб, электр ва ёритиш тизимлари пухта кўздан кечирилмоқда, зарур жойларда янгиланмоқда. Таҳоратхоналарда сув таъминоти, иситиш ва шамоллатиш тизимлари тартибга келтирилиб, санитария-гигиена талабларига тўлиқ риоя этилиши таъминланмоқда.

Айниқса, таровеҳ намозлари чоғида катта жамоат йиғиладиган жомеларда қўшимча шароитлар яратишга алоҳида аҳамият берилмоқда. Хавфсизлик чоралари кучайтирилиб, ёнғин хавфсизлиги ва фавқулодда ҳолатларнинг олдини олиш бўйича зарур тадбирлар амалга оширилмоқда.

Рамазон – меҳр-оқибат, саховат ва маънавий покланиш ойи. Шу боис масжидларда нафақат ибодат учун, балки маърифий ва хайрли тадбирлар учун ҳам муносиб шароит яратилмоқда. Бу саъй-ҳаракатлар аҳолига қулайлик яратиш, юртдошларимизнинг муборак ойни кўтаринки руҳ ва юқори кайфиятда кутиб олишларига хизмат қилади.

***

Farg‘ona viloyatida muborak Ramazon oyini munosib kutib olish maqsadida keng ko‘lamli tayyorgarlik ishlari qizg‘in pallaga kirdi. Viloyat bo‘ylab faoliyat yuritayotgan masjidlarda obodonlashtirish va tozalov ishlariga alohida e’tibor qaratilmoqda. Ibodatga keluvchilar uchun yanada qulay, shinam va fayzli muhit yaratish yo‘lida ko‘plab ishlar amalga oshirilmoqda.

Mazkur ishlar O‘zbekiston musulmonlari idorasi hamda Farg‘ona viloyati vakilligi tashabbusi va nazorati ostida olib borilmoqda. Masjid binolari va hovlilarida keng qamrovli tozalik ishlari bajarilib, elektr va yoritish tizimlari puxta ko‘zdan kechirilmoqda, zarur joylarda yangilanmoqda. Tahoratxonalarda suv ta’minoti, isitish va shamollatish tizimlari tartibga keltirilib, sanitariya-gigiyena talablariga to‘liq rioya etilishi ta’minlanmoqda.

Ayniqsa, taroveh namozlari chog‘ida katta jamoat yig‘iladigan jomelarda qo‘shimcha sharoitlar yaratishga alohida ahamiyat berilmoqda. Xavfsizlik choralari kuchaytirilib, yong‘in xavfsizligi va favqulodda holatlarning oldini olish bo‘yicha zarur tadbirlar amalga oshirilmoqda.

Ramazon – mehr-oqibat, saxovat va ma’naviy poklanish oyi. Shu bois masjidlarda nafaqat ibodat uchun, balki ma’rifiy va xayrli tadbirlar uchun ham munosib sharoit yaratilmoqda. Bu sa’y-harakatlar aholiga qulaylik yaratish, yurtdoshlarimizning muborak oyni ko‘tarinki ruh va yuqori kayfiyatda kutib olishlariga xizmat qiladi.

Ушбу муносабат билан бугун, 20 октябрь куни Тошкент шаҳрида жойлашган “Le Grande Plaza” меҳмонхонасида мазкур мусобақанинг қуръа ташлаш маросими бўлиб ўтди. Унда Ўзбекистон мусулмонлари идораси раҳбарияти, Ўзбекистон футбол ассоциацияси масъул ходимлари, ҳакамлар, ҳудудий вакиллар, жамоа аъзолари ва уларнинг мураббийлари, оммавий ахборот воситалари ходимлари иштирок этди.

Тадбирда Ўзбекистон мусулмонлари идораси раисининг ўринбосарлари Зайниддин домла Эшонқулов, Обиджон Қодиров, таниқли футбол шарҳловчиси Даврон Файзиев сўзга чиқиб, мамлакатимизда кейинги йилларда жисмоний тарбия ва спортни оммалаштиришга алоҳида эътибор қаратилаётгани, бу эса жамиятимизда соғлом турмуш тарзини қарор топтиришда аҳамияти катта эканини таъкидлади. Шунингдек, диний соҳа ходимлари барча жабҳалар қатори спорт соҳасида ҳам фаоллик кўрсатаётгани таҳсинга лойиқлигини эътироф этди.

Қуръа натижаларига кўра, Ўзбекистон мусулмонлари идораси таркибидаги ҳудудий вакилликларнинг жамоалари қуйидаги тартибда ўзаро беллашади:

1-ўйин: Ўзбекистон мусулмонлари идораси ва “Шамсуддинхон Бобохонов” нашриёти жамоаси;

2-ўйин: Наманган вилояти ва Қашқадарё вилояти жамоалари;

3-ўйин: Хоразм вилояти ва Сурхондарё вилояти жамоалари;

4-ўйин: Андижон вилояти ва Сирдарё вилояти жамоалари;

5-ўйин: Фарғона вилояти ва Самарқанд вилояти жамоалари;

6-ўйин: Тошкент шаҳар ва Навоий вилояти жамоалари;

7-ўйин: Тошкент вилояти ва Бухоро вилояти жамоалари;

8-ўйин: Қорақалпоғистон Республикаси ва Жиззах вилояти жамоалари.

Маълумот ўрнида беллашувлар ФИФАнинг мини-футбол қоидалари асосида ўтказилади. Ҳар бир жамоа таркиби 5 нафар асосий, 4 нафар заҳирадаги ўйинчи ҳамда 1 нафар мураббийдан ташкил топади. Мусобақа ним чорак финал, чорак финал, ярим финал ва финал босқичларида бўлиб ўтади.

***

Shu yilning 21-22 oktyabr kunlari O‘zbekiston musulmonlari idorasi raisi, muftiy Shayx Nuriddin Xoliqnazar hazratlari tashabbusi bilan diniy soha xodimlari o‘rtasida mini-futbol bo‘yicha “Muftiy sovrini – 2025” musobaqasining respublika bosqichi o‘tkaziladi.

Ushbu munosabat bilan bugun, 20 oktyabr kuni Toshkent shahrida joylashgan “Le Grande Plaza” mehmonxonasida mazkur musobaqaning qur’a tashlash marosimi bo‘lib o‘tdi. Unda O‘zbekiston musulmonlari idorasi rahbariyati, O‘zbekiston futbol assotsiatsiyasi mas’ul xodimlari, hakamlar, hududiy vakillar, jamoa a’zolari va ularning murabbiylari, ommaviy axborot vositalari xodimlari ishtirok etdi.

Tadbirda O‘zbekiston musulmonlari idorasi raisining o‘rinbosarlari Zayniddin domla Eshonqulov, Obidjon Qodirov, taniqli futbol sharhlovchisi Davron Fayziyev so‘zga chiqib, mamlakatimizda keyingi yillarda jismoniy tarbiya va sportni ommalashtirishga alohida e’tibor qaratilayotgani, bu esa jamiyatimizda sog‘lom turmush tarzini qaror toptirishda ahamiyati katta ekanini ta’kidladi. Shuningdek, diniy soha xodimlari barcha jabhalar qatori sport sohasida ham faollik ko‘rsatayotgani tahsinga loyiqligini e’tirof etdi.

Qur’a natijalariga ko‘ra, O‘zbekiston musulmonlari idorasi tarkibidagi hududiy vakilliklarning jamoalari quyidagi tartibda o‘zaro bellashadi:

1-o‘yin: O‘zbekiston musulmonlari idorasi va “Shamsuddinxon Boboxonov” nashriyoti jamoasi;

2-o‘yin: Namangan viloyati va Qashqadaryo viloyati jamoalari;

3-o‘yin: Xorazm viloyati va Surxondaryo viloyati jamoalari;

4-o‘yin: Andijon viloyati va Sirdaryo viloyati jamoalari;

5-o‘yin: Farg‘ona viloyati va Samarqand viloyati jamoalari;

6-o‘yin: Toshkent shahar va Navoiy viloyati jamoalari;

7-o‘yin: Toshkent viloyati va Buxoro viloyati jamoalari;

8-o‘yin: Qoraqalpog‘iston Respublikasi va Jizzax viloyati jamoalari.

Ma’lumot o‘rnida bellashuvlar FIFAning mini-futbol qoidalari asosida o‘tkaziladi. Har bir jamoa tarkibi 5 nafar asosiy, 4 nafar zahiradagi o‘yinchi hamda 1 nafar murabbiydan tashkil topadi. Musobaqa nim chorak final, chorak final, yarim final va final bosqichlarida bo‘lib o‘tadi.

Фарғона вилоятидаги барча масжидлар, зиёратгоҳлар ва қабристонларда ҳам ҳашар кўтаринки руҳда ўтди. Мазкур масканларда тозалаш, кўкаламзорлаштириш ва ободонлаштириш ишлари қизғин равишда олиб борилди. Чиқиндилар махсус техникалар ёрдамида йиғилиб чиқариб ташланди, манзарали дарахтлар оқланиб, уларга чиройли шакл берилди.

Дарҳақиқат, поклик — иймоннинг ярми, файзу бараканинг асосидир. Шу боис ҳар бир иймон соҳибининг бурчи — ўз хонадон ва маҳалласи, ибодат ва зиёрат масканларини покиза тутиш, ҳатто кўз илғамас жойларда ҳам озодаликка эътибор беришдан иборат.

Аждодларимиздан мерос бўлиб келаётган ва халқимиз ҳаётининг ажралмас қисмига айланган ҳашар ана шундай эзгу ва хайрли ишларни мужассам этгани билан ҳам аҳамиятлидир.

***

Yurtimiz mustaqilligining 34 yillik bayrami oldidan, joriy yil 22–23 avgust kunlari mamlakatimiz bo‘ylab umumxalq xayriya hashari o‘tkazildi. Ushbu ezgu tadbir doirasida mahallalar va aholi turar-joylari, shuningdek, masjid, ziyoratgoh hamda qabristonlarda obodonlashtirish va tozalash ishlari amalga oshirildi.

Farg‘ona viloyatidagi barcha masjidlar, ziyoratgohlar va qabristonlarda ham hashar ko‘tarinki ruhda o‘tdi. Mazkur maskanlarda tozalash, ko‘kalamzorlashtirish va obodonlashtirish ishlari qizg‘in ravishda olib borildi. Chiqindilar maxsus texnikalar yordamida yig‘ilib chiqarib tashlandi, manzarali daraxtlar oqlanib, ularga chiroyli shakl berildi.

Darhaqiqat, poklik — iymonning yarmi, fayzu barakaning asosidir. Shu bois har bir iymon sohibining burchi — o‘z xonadon va mahallasi, ibodat va ziyorat maskanlarini pokiza tutish, hatto ko‘z ilg‘amas joylarda ham ozodalikka e’tibor berishdan iborat.

Ajdodlarimizdan meros bo‘lib kelayotgan va xalqimiz hayotining ajralmas qismiga aylangan hashar ana shunday ezgu va xayrli ishlarni mujassam etgani bilan ham ahamiyatlidir.

Ўзбекистон мусулмонлари идораси Фарғона вилояти вакиллиги ташаббуси билан вилоятда фаолият юритаётган имом-хатиб ва имом-ноиблари ўртасида спортнинг энг оммавий турларидан бири — футбол бўйича «Фарғона вилояти вакиллиги кубоги» мусобақаси ўтказилди.

Дастлаб, мазкур мусобақанинг туманлараро саралаш босқичи бўлиб ўтди. Саралаш босқичини муваффақиятли тугатиб, сўнгги босқичга йўл олган Бағдод-Тошлоқ, Қувасой-Данғара жамоалари ғолиблик учун майдонда беллашдилар.

Якуний натижалар кўра, 1-ўрин Данғара тумани, 2-ўрин Қувасой шаҳри, 3-ўрин эса Бағдод тумани жамоаларига насиб қилди.

Ғолибларга қимматбаҳо совғалар топширилди.

***

Dinimiz inson hayotining faqat ma’naviy va ruhiy kamolotiga emas, balki uning jismoniy salomatligiga ham katta ahamiyat qaratgan. Insonning e’tiqodi mustahkam bo‘lishi bilan birga, uning tani sog‘lom, jismi baquvvat va har qanday mashaqqatlarga bardoshli bo‘lishi ham muhimdir. Hadisi sharifda: «Kuchli mo‘min Alloh huzurida kuchsiz mo‘mindan yaxshiroq va mahbubroqdir», — deyilgan.

O‘zbekiston musulmonlari idorasi Farg‘ona viloyati vakilligi tashabbusi bilan viloyatda faoliyat yuritayotgan imom-xatib va imom-noiblari o‘rtasida sportning eng ommaviy turlaridan biri — futbol bo‘yicha «Farg‘ona viloyati vakilligi kubogi» musobaqasi o‘tkazildi.

Dastlab, mazkur musobaqaning tumanlararo saralash bosqichi bo‘lib o‘tdi. Saralash bosqichini muvaffaqiyatli tugatib, so‘nggi bosqichga yo‘l olgan Bag‘dod-Toshloq, Quvasoy-Dang‘ara jamoalari g‘oliblik uchun maydonda bellashdilar.

Yakuniy natijalar ko‘ra, 1-o‘rin Dang‘ara tumani, 2-o‘rin Quvasoy shahri, 3-o‘rin esa Bag‘dod tumani jamoalariga nasib qildi.

G‘oliblarga qimmatbaho sovg‘alar topshirildi.

Тадбир аввалида Муфтий ҳазратлари элликбошиларни мазкур вазифага тайинланганлари билан муборакбод этиш баробарида жорий йилда ҳожиларга хизмат қилиш учун 14 нафар мингбоши, 303 нафар элликбоши, шунингдек, ишчи гуруҳи, шифокор ва ошпазлар жамоаси жалб қилинганини маълум қилдилар.

Муфтий ҳазратлари гуруҳ раҳбарларига зиёратчиларга Исломнинг бешинчи арконини бажартиришга масъул эканини ҳис қилган ҳолда қуйидаги масалаларга жиддий эътибор бериш лозимлигини қайд этдилар:

• ҳаж амаллари қандай бажарилиши (тартиб-қоидалари, фарз, вожиб ва суннатларини) ҳожиларга тушунтириш;

• янги фиқҳий масалалар баён этилган китоблардан бохабар этиш;

• Фатво маркази томонидан эълон қилинаётган муҳим фатволардан хабардор қилиш.

Учрашув давомида бу йил ҳажга доир саволлар учун махсус Колл-марказ ва Телеграм бот ишга туширилгани, зиёратчиларга Мадина шаҳрида махсус бейджик-битоқа берилиши ва уни доим тақиб юриши зарурлиги айтиб ўтилди.

Мажлисда Муфтий ҳазратлари Ҳаж ва умра қилувчи кишилар Аллоҳ таолонинг меҳмони эканини баён этиб, жумладан бундай дедилар:

– Ҳаж амалини бажараётган кишига кўмак берган, унинг оғирини енгил қилган инсон улуғ ажру савобларга ноил бўлади, иншоаллоҳ. Шу боис ҳар бир элликбоши ана шундай улуғ даражаларни мақсад қилиб, Раҳмоннинг меҳмонларига Ўзи рози бўладиган даражада сидқидилдан хизмат қилиши лозим.  Бу борада Расулуллоҳ соллаллоҳу алайҳи васаллам ҳадиси шарифда қуйидагича марҳамат қилганлар: “Ҳожилар ва умрачилар Аллоҳнинг меҳмонларидир. Агар Аллоҳга дуо қилсалар, уларнинг (дуоларини) ижобат қилур. Агар Аллоҳга истиғфор айтсалар, уларни мағфират қилур” (Имом Ибн Можа ривояти).

Йиғилишда зиёратчиларнинг ибодатлари мукаммал бўлиши учун уларга қулай шарт-шароитларни муҳайё қилиш борасида Макка ва Мадина шаҳарларидаги ҳаж ишчи гуруҳи фаолият олиб бораётгани, авиақатновлар жадвали тасдиқлангани, меҳмонхоналар зиёратчиларни кутиб олишга шай ҳолга келтирилгани, Мино, Арафот ва Муздалифадаги жойлар кўздан кечирилгани ҳақида ҳам маълумот берилди.

Ўзбекистон мусулмонлари идораси раиси ўринбосари Обиджон Қодиров, Шифокорлар гуруҳи раҳбари Алишер Саатов сўзга чиқиб, ташкилий ишлар, тиббий жиҳатлар, хат-ҳужжатлар, жамоавий тартиб-интизомга риоя этиш, қонун-қоидаларга амал қилиш, ҳожилар хавфсизлини таъминлаш ва огоҳликга оид муҳим тавсияларни бердилар.

Тадбир якунида Ҳақ таолодан бу йилги ҳаж мавсуми муваффақиятли ўтишини сўраб хайрли дуолар қилинди.

***

Shu yil, 7-may kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari ishtiroklarida “Haj – 2025” mavsumida hojilarga xizmat ko‘rsatuvchi ellikboshilarning videoselektor yig‘ilishi bo‘lib o‘tdi.

Tadbir avvalida Muftiy hazratlari ellikboshilarni mazkur vazifaga tayinlanganlari bilan muborakbod etish barobarida joriy yilda hojilarga xizmat qilish uchun 14 nafar mingboshi, 303 nafar ellikboshi, shuningdek, ishchi guruhi, shifokor va oshpazlar jamoasi jalb qilinganini ma’lum qildilar.

Muftiy hazratlari guruh rahbarlariga ziyoratchilarga Islomning beshinchi arkonini bajartirishga mas’ul ekanini his qilgan holda quyidagi masalalarga jiddiy e’tibor berish lozimligini qayd etdilar:
• haj amallari qanday bajarilishi (tartib-qoidalari, farz, vojib va sunnatlarini) hojilarga tushuntirish;
• yangi fiqhiy masalalar bayon etilgan kitoblardan boxabar etish;
• Fatvo markazi tomonidan e’lon qilinayotgan muhim fatvolardan xabardor qilish.

Uchrashuv davomida bu yil hajga doir savollar uchun maxsus Koll-markaz va Telegram bot ishga tushirilgani, ziyoratchilarga Madina shahrida maxsus beydjik-bitoqa berilishi va uni doim taqib yurishi zarurligi aytib o‘tildi.

Majlisda Muftiy hazratlari Haj va umra qiluvchi kishilar Alloh taoloning mehmoni ekanini bayon etib, jumladan bunday dedilar:
– Haj amalini bajarayotgan kishiga ko‘mak bergan, uning og‘irini yengil qilgan inson ulug‘ ajru savoblarga noil bo‘ladi, inshoalloh. Shu bois har bir ellikboshi ana shunday ulug‘ darajalarni maqsad qilib, Rahmonning mehmonlariga O‘zi rozi bo‘ladigan darajada sidqidildan xizmat qilishi lozim.  Bu borada Rasululloh sollallohu alayhi vasallam hadisi sharifda quyidagicha marhamat qilganlar: “Hojilar va umrachilar Allohning mehmonlaridir. Agar Allohga duo qilsalar, ularning (duolarini) ijobat qilur. Agar Allohga istig‘for aytsalar, ularni mag‘firat qilur” (Imom Ibn Moja rivoyati).

Yig‘ilishda ziyoratchilarning ibodatlari mukammal bo‘lishi uchun ularga qulay shart-sharoitlarni muhayyo qilish borasida Makka va Madina shaharlaridagi haj ishchi guruhi faoliyat olib borayotgani, aviaqatnovlar jadvali tasdiqlangani, mehmonxonalar ziyoratchilarni kutib olishga shay holga keltirilgani, Mino, Arafot va Muzdalifadagi joylar ko‘zdan kechirilgani haqida ham ma’lumot berildi.

O‘zbekiston musulmonlari idorasi raisi o‘rinbosari Obidjon Qodirov, Shifokorlar guruhi rahbari Alisher Saatov so‘zga chiqib, tashkiliy ishlar, tibbiy jihatlar, xat-hujjatlar, jamoaviy tartib-intizomga rioya etish, qonun-qoidalarga amal qilish, hojilar xavfsizlini ta’minlash va ogohlikga oid muhim tavsiyalarni berdilar.
Tadbir yakunida Haq taolodan bu yilgi haj mavsumi muvaffaqiyatli o‘tishini so‘rab xayrli duolar qilindi.

– Куни кеча халқимиз билан Наврўз айёмини кутиб олдик. Бугун, муқаддас Рамазон ойида мана шу табаррук жойга келиб турибмиз. Бу улуғ кунларга тинчлик-хотиржамликда етказгани учун Яратганга шукроналар айтамиз. Илоҳим, ҳамиша юртимиз тинч, элимиз фаровон бўлсин, ҳамма хайрли ниятларимиз амалга ошсин. Бу мажмуани Имом Бухорий бобомизга муносиб тарзда қураяпмиз. У зиёрат билан бирга маърифат, тарбия, ибрат ўчоғи бўлсин, – деди Шавкат Мирзиёев.

Имом Бухорий мақбараси бутун ислом оламида эъзозли маскан. Кўп минг сонли зиёратчиларга шароитларни кенгайтириш мақсадида Президентимиз ташаббуси билан бу ерда янги мажмуа барпо этилмоқда.

Мажмуанинг умумий майдони 44 гектар. Бугунги кунда маҳобатли мақбара, 10 минг кишига мўлжалланган масжид қуриб битказилган. Баландлиги 75 метрлик 4 та минора мажмуага улуғворлик бағишлаган. Шунингдек, музей, айвонлар, маъмурият ва хизмат кўрсатиш бинолари барпо этилган.

Айни пайтда пардозлаш ишлари олиб борилмоқда. Бунда миллий анъаналар ва иссиқ ранглардан фойдаланилмоқда. Пештоқлар ва айвон деворларига “Саҳиҳи Бухорий”дан ҳадислар битилади.

Бундан ташқари, ҳудудда икки минг ўринли йигирмадан ортиқ меҳмонхона, хиёбонлар, тўртта таҳоратхона барпо этилади.

Бу йил юртимизда Имом Мотуридий таваллудининг 1155 йиллиги кенг нишонланади. Шу ҳақдаги Президент қарорида калом илми султонининг Самарқанд шаҳридаги мажмуасини қайта таъмирлаш ва ободонлаштириш белгиланган.

Ташриф чоғида Президентимизга ушбу лойиҳа тақдимот қилинди.

Қайд этилганидек, Мотуридий мажмуасида 1 минг 500 кишига мўлжалланган жоме масжид, маъмурий бино қурилиши кўзда тутилган. У ерда кутубхона, мажлислар зали, инновацион музей ҳамда мутахассислар учун хоналар бўлади. Мажмуа яқинида зиёратчилар учун автотураргоҳ, таҳоратхона қурилади.

Имом Абу Мансур Мотуридий ислом оламида ихтилофлар авж олиб, ҳар хил фирқалар кўпайган пайтда яшаган, бутун ҳаётини исломий ақидани ҳимоя қилиш ва маърифатини ёйишга бағишлаган. У зотнинг мотуридийлик таълимоти, “Таъвилотул Қуръон”, “Китоб ат-Тавҳид” каби асарлари бағрикенглик ва мўътадиллик тамойиллари билан аҳли сунна вал-жамоанинг маънавий асосларига айланган.

Давлатимиз раҳбари бу тамойиллар бугунги кунда ҳам долзарб бўлиб бораётганини таъкидлаб, аллома бобомизнинг меросини янада кенг ўрганиш ва жаҳонга тарғиб этиш, мажмуага келувчиларга шароитларни кенгайтириш бўйича кўрсатмалар берди.

Яна бир хайрли лойиҳа – Оқдарё туманидаги Маҳдуми Аъзам қадамжосини обод қилишга қаратилган. Асли ҳозирги Косонсой туманида туғилган сўфий олим нақшбандия таълимотининг раҳнамоларидани бири бўлган. Илм ва дин йўлидаги узоқ сафардан сўнг, Самарқанд вилоятида абадий қўним топган.

Бу масканга келувчи зиёратчилар ҳам кўп. Уларга шароитларни яхшилаш мақсадида Маҳдуми Аъзам мақбараси ёнида уч қаватли автотураргоҳ, таҳоратхона қурилиши режалаштирилмоқда.

Самарқанд заминидан етишиб чиққан бошқа олим ва мутафаккирлар, азиз авлиёларнинг қадамжолари ҳам босқичма-босқич қайта таъмирланиб, обод қилинади.

***

Prezident Shavkat Mirziyoyev 22-mart kuni Samarqandga tashrif buyurib, Imom Buxoriy maqbarasini ziyorat qildi. Qur’on tilovat etilib, duo o‘qildi.

– Kuni kecha xalqimiz bilan Navro‘z ayyomini kutib oldik. Bugun, muqaddas Ramazon oyida mana shu tabarruk joyga kelib turibmiz. Bu ulug‘ kunlarga tinchlik-xotirjamlikda yetkazgani uchun Yaratganga shukronalar aytamiz. Ilohim, hamisha yurtimiz tinch, elimiz farovon bo‘lsin, hamma xayrli niyatlarimiz amalga oshsin. Bu majmuani Imom Buxoriy bobomizga munosib tarzda qurayapmiz. U ziyorat bilan birga ma’rifat, tarbiya, ibrat o‘chog‘i bo‘lsin, – dedi Shavkat Mirziyoyev.

Imom Buxoriy maqbarasi butun islom olamida e’zozli maskan. Ko‘p ming sonli ziyoratchilarga sharoitlarni kengaytirish maqsadida Prezidentimiz tashabbusi bilan bu yerda yangi majmua barpo etilmoqda.

Majmuaning umumiy maydoni 44 gektar. Bugungi kunda mahobatli maqbara, 10 ming kishiga mo‘ljallangan masjid qurib bitkazilgan. Balandligi 75 metrlik 4 ta minora majmuaga ulug‘vorlik bag‘ishlagan. Shuningdek, muzey, ayvonlar, ma’muriyat va xizmat ko‘rsatish binolari barpo etilgan.

Ayni paytda pardozlash ishlari olib borilmoqda. Bunda milliy an’analar va issiq ranglardan foydalanilmoqda. Peshtoqlar va ayvon devorlariga “Sahihi Buxoriy”dan hadislar bitiladi.

Bundan tashqari, hududda ikki ming o‘rinli yigirmadan ortiq mehmonxona, xiyobonlar, to‘rtta tahoratxona barpo etiladi.

Bu yil yurtimizda Imom Moturidiy tavalludining 1155 yilligi keng nishonlanadi. Shu haqdagi Prezident qarorida kalom ilmi sultonining Samarqand shahridagi majmuasini qayta ta’mirlash va obodonlashtirish belgilangan.

Tashrif chog‘ida Prezidentimizga ushbu loyiha taqdimot qilindi.

Qayd etilganidek, Moturidiy majmuasida 1 ming 500 kishiga mo‘ljallangan jome masjid, ma’muriy bino qurilishi ko‘zda tutilgan. U yerda kutubxona, majlislar zali, innovatsion muzey hamda mutaxassislar uchun xonalar bo‘ladi. Majmua yaqinida ziyoratchilar uchun avtoturargoh, tahoratxona quriladi.

Imom Abu Mansur Moturidiy islom olamida ixtiloflar avj olib, har xil firqalar ko‘paygan paytda yashagan, butun hayotini islomiy aqiydani himoya qilish va ma’rifatini yoyishga bag‘ishlagan. U zotning moturidiylik ta’limoti, “Ta’vilotul Qur’on”, “Kitob at-Tavhid” kabi asarlari bag‘rikenglik va mo‘tadillik tamoyillari bilan ahli sunna val-jamoaning ma’naviy asoslariga aylangan.

Davlatimiz rahbari bu tamoyillar bugungi kunda ham dolzarb bo‘lib borayotganini ta’kidlab, alloma bobomizning merosini yanada keng o‘rganish va jahonga targ‘ib etish, majmuaga keluvchilarga sharoitlarni kengaytirish bo‘yicha ko‘rsatmalar berdi.

Yana bir xayrli loyiha – Oqdaryo tumanidagi Mahdumi A’zam qadamjosini obod qilishga qaratilgan. Asli hozirgi Kosonsoy tumanida tug‘ilgan so‘fiy olim naqshbandiya ta’limotining rahnamolaridani biri bo‘lgan. Ilm va din yo‘lidagi uzoq safardan so‘ng, Samarqand viloyatida abadiy qo‘nim topgan.

Bu maskanga keluvchi ziyoratchilar ham ko‘p. Ularga sharoitlarni yaxshilash maqsadida Mahdumi A’zam maqbarasi yonida uch qavatli avtoturargoh, tahoratxona qurilishi rejalashtirilmoqda.

Samarqand zaminidan yetishib chiqqan boshqa olim va mutafakkirlar, aziz avliyolarning qadamjolari ham bosqichma-bosqich ta’mirlanib, obod qilinadi.

Тадбир доирасида имом-хатиблар 124 та оилага кириб, маънавий-маърифий тарғибот ва амалий ёрдам кўрсатдилар. Аҳоли билан ўтказилган мулоқотлар давомида эҳтиёжманд фуқароларга ҳам моддий, ҳам маънавий жиҳатдан қўллаб-қувватлаш ишлари амалга оширилди.

“Робия ҳожи она” масжиди ҳудудида яшовчи кам таъминланган оила учун Киргули маҳалласида уч хонали уй қурилиб, фойдаланишга топширилди. Бундан ташқари, “Имом Заҳриддин” жоме масжиди ҳудудидаги хонадонда содир бўлган ёнғин оқибатида уй катта талофат кўрган ва оилабоши вафот этганлиги инобатга олиниб, ҳомийлар кўмагида ушбу хонадон ҳам моддий ва маънавий жиҳатдан қўллаб-қувватланиб келинаётгани эътироф этилди.

Шунингдек, пешин намозидан сўнг қилинган долзарб мавзулардаги мавъизалар жамоат орасида катта таассурот қолдирди. Ҳозиргина қилинган хайрли ишлар маънавий тарғиботнинг амалдаги намунаси эканини яна бир бор кўрсатди.

Якунда хатми Қуръонлар етказилиб, юрт равнақи ва тинчлиги, хотиржамлик ва фаровонлигимиз барқарор бўлишини сўраб дуо қилинди.

***

Haj ibodatini ado etgan hojilarning “Yangi O‘zbekistonning fidoyisi bo‘lib, ma’naviyat targ‘ibotchisiga aylanamiz” tashabbusi doirasidagi ezgu ishlar yurtimiz bo‘ylab keng quloch yoymoqda. Ramazon oyi sharifda o‘tkazilayotgan ma’naviy-ma’rifiy va amaliy tadbirlardan biri Marg‘ilon shahrida bo‘lib o‘tdi. Ushbu tadbirga O‘zbekiston musulmonlari idorasining Farg‘ona viloyati vakili, viloyat bosh imom-xatibi Ubaydulloh domla Abdullayev boshchilik qildi.

Tadbir doirasida imom-xatiblar 124 ta oilaga kirib, ma’naviy-ma’rifiy targ‘ibot va amaliy yordam ko‘rsatdilar. Aholi bilan o‘tkazilgan muloqotlar davomida ehtiyojmand fuqarolarga ham moddiy, ham ma’naviy jihatdan qo‘llab-quvvatlash ishlari amalga oshirildi.

“Robiya hoji ona” masjidi hududida yashovchi kam ta’minlangan oila uchun Kirguli mahallasida uch xonali uy qurilib, foydalanishga topshirildi. Bundan tashqari, “Imom Zahriddin” jome masjidi hududidagi xonadonda sodir bo‘lgan yong‘in oqibatida uy katta talofat ko‘rgan va oilaboshi vafot etganligi inobatga olinib, homiylar ko‘magida ushbu xonadon ham moddiy va ma’naviy jihatdan qo‘llab-quvvatlanib kelinayotgani e’tirof etildi.

Shuningdek, peshin namozidan so‘ng qilingan dolzarb mavzulardagi mav’izalar jamoat orasida katta taassurot qoldirdi. Hozirgina qilingan xayrli ishlar ma’naviy targ‘ibotning amaldagi namunasi ekanini yana bir bor ko‘rsatdi.

Yakunda xatmi Qur’onlar yetkazilib, yurt ravnaqi va tinchligi, xotirjamlik va farovonligimiz barqaror bo‘lishini so‘rab duo qilindi.